Mga Popular na Bersikulo sa Biblia mula sa 1 Mga Hari 19

Ibahagi

Pagkatapos ng lindol, may apoy na dumating, ngunit wala pa rin ang PANGINOON sa apoy. Pagkatapos ng apoy, may narinig siyang tinig na parang bulong.

Pagkatapos, naglakad siya nang isang araw papuntang ilang. Nagpahinga siya at umupo sa ilalim ng punongkahoy at nanalangin na mamatay na lang sana siya. Sinabi niya, “Tama na po, PANGINOON! Kunin na lang ninyo ang buhay koʼt wala naman akong ipinagkaiba sa aking mga ninuno.”

Nagsalita ang PANGINOON, “Lumabas ka at tumayo sa ibabaw ng bundok sa aking presensya, dahil dadaan ako.” Pagkatapos, may dumaan na napakalakas na hangin, na bumitak sa mga bundok at dumurog sa mga bato, ngunit wala ang PANGINOON sa hangin. Pagkatapos ng hangin, lumindol, ngunit wala rin ang PANGINOON sa lindol.

Nang marinig ito ni Elias, nagtakip siya ng kanyang mukha gamit ang kanyang balabal, lumabas siya at tumayo sa bungad ng kuweba. Biglang may tinig na nagsabi sa kanya, “Ano ang ginagawa mo rito, Elias?”

Pumasok siya sa isang kuweba at doon nagpalipas ng gabi. Ngayon, sinabi sa kanya ng PANGINOON, “Ano ang ginagawa mo rito Elias?”

Kaya bumangon si Elias, kumain, at uminom. Pinalakas siya ng kanyang kinain, at naglakbay siya sa loob ng apatnapung araw at apatnapung gabi, hanggang makarating siya sa Horeb, ang bundok ng Diyos.

Pagkatapos, humiga siya sa ilalim ng punongkahoy, at nakatulog. Biglang may anghel na kumalabit sa kanya at sinabi, “Bumangon ka at kumain.”

Bumalik ang anghel ng PANGINOON, kinalabit si Elias at sinabi, “Bumangon ka at kumain, dahil malayo pa ang iyong lalakbayin.”

Sumagot siya, “O PANGINOON, Diyos ng mga Hukbo, tapat po akong naglilingkod sa inyo. Ngunit tinalikuran ng mga Israelita ang kasunduan nila sa inyo, winasak nila ang mga altar ninyo, at pinagpapatay ang mga propeta ninyo. Ako na lang po ang natira, at pinagsisikapan din nila akong patayin.”

Pagdilat niya, may nakita siyang tinapay sa ulunan niya, na niluto sa mainit na bato, at tubig na nakalagay sa sisidlan. Kumain siya at uminom, at nahigang muli.

Kaya nagpadala si Jezebel ng mensahero na magsasabi kay Elias, “Lubusan sana akong parusahan ng mga diyos kung sa ganitong oras bukas ay hindi ko pa nagagawa saʼyo ang tulad ng ginawa mong pagpatay sa mga propeta.”

Ngunit ililigtas ko ang pitong libong Israelita na hindi lumuhod at humalik sa imahen ni Baal.”

Umalis doon si Elias at nakita niya si Eliseo na anak ni Shafat, na nag-aararo gamit ang isang pares na baka. May labing-isang pares na baka sa unahan niya na pinag-aararo ng mga kasama niya. Lumapit si Elias sa kanya, hinubad ang kanyang balabal at pinasa ito kay Eliseo.

Kaya bumalik si Eliseo, kinuha ang kanyang mga baka, at kinatay. Ginawa niyang panggatong sa pagluluto ng karne ng mga baka ang mga kagamitan sa pag-aararo. Pagkaluto, binigyan niya ang kanyang mga kasamang nag-aararo, at kumain silang lahat. At agad siyang sumunod kay Elias upang maging lingkod nito.

Iniwan ni Eliseo ang mga baka at hinabol si Elias. Sinabi ni Eliseo, “Hahalik po muna ako sa aking amaʼt ina bilang pamamaalam at saka po ako sasáma sa inyo.” Sumagot si Elias, “Sige, pero huwag mong kalimutan ang ginawa ko sa iyo.”