Pe eya Fare pala hageya

Fare pala hageya
Maktub Pe eya, dimma ne na dḭl ne tol go, a pe eya ge kaŋ ma ne pet. Ŋgay pe eya ge dunya ne, ne pe dolla ge kaŋ ge ne dunya zi ma ne kaŋ ge ne digi zi ya ma ne, ne pe dolla ge ndu dasana ne, ne pe eya ge sone ne, ne pe eya ge kat dagre ge naa dasana ma ne, ne pe eya ge viya̰ ge Dok ne ke ne máya ge naa dasana ma ne pe me.
Uwale, Maktub Pe eya ŋgay talla ge Dok ne tá pehir ge Israyela ne ne pehir ge may ma buwal zi, ndwara go, ne nama baŋ Abraham ya det ya Isaku go, ɗiŋ det ya Yakub go, na ge na dḭl Israyela. Uwale maana ge Yusuf ne, ne tolla ge na ne go ɗiŋ yatɗa ge na bá vya ma ne yá na uzi Ismayel hir ma tok go, a gene na mbo yatɗa suwal Masar ya no. Yál njotɗa ge na ne mo̰r zi naa ge ɗogle ma buwal zi, go no puy ɗe Dok ka dagre ne na, e na no ɗiŋ mbo ya zam ga̰l ge suwal Masar go. A na ge ne e go Israyela vya ma mbyare mbo kat suwal Masar ya ne baktar ne dé suwal ma pal pe.
A go no, ne wak tuli ge Dok ne ke ne Israyela vya ma baŋ ma, nee ɓó tolla ge nee Bageyal Jeso-Kris ne nama hir zi no.
Maana ma ŋgay go, Musa njaŋge maktub pe eya ne. Njaŋge na del 1 450 - 1 410 tolla ge Jeso-Kris ne ndwara zḛ.
Varseya ge maktub pe eya ne
1- Pe dolla ge kaŋ ma ne pet (1:1—6:8)
2- Maana ge Nuhu ne (6:9—11:32)
3- Maana ge Abraham ne (12:1—25:18)
4- Maana ge Isaku ma ne na hir ma ne (25:19—26:35)
5- Maana ge Yakub ne (27—36)
6- Maana ge Yusuf ne (37—50)

ที่ได้เลือกล่าสุด:

Pe eya Fare pala hageya: FGN2013

เน้นข้อความ

แบ่งปัน

คัดลอก

None

ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้

YouVersion ใช้คุกกี้สำหรับการปรับแต่งการใช้งาน และประสบการณ์ของคุณ การที่คุณได้ใช้เว็บไซต์ของเรา ถือเป็นการที่คุณยอมรับวัตถุประสงค์ของการใช้คุกกี้ ซึ่งมีคำอธิบายอยู่ในนโยบายความเป็นส่วนตัวของเรา