Tihlabelelo 8
8
Ludvumo lwaNkulunkulu nesitfunti semuntfu
Sihlabelelo saDavide lesetfulwe kumhlabelisi kutsi sihlatjelwe ngelugubhu lwegithithi.
1 Maye, Simakadze, Nkhosi yetfu!
Libito lakho liyababateka
emhlabeni wonkhe!
Wena ubeke ludvumo lwebukhosi bakho ngetulu kwemazulu.
2 Indvumiso yemandla akho uyibeke
emilonyeni yetinswane neyebantfwana.
Loko ukwentele kutibindzisa
titsa takho nalabamelene nawe.
3 Nangibuka etulu esibhakabhakeni sakho
ngibona umsebenti wetandla takho,
inyanga netinkhanyeti lotimisile, ngitsi:
4 “Pho, umuntfu abeyini-ke
kutsi ungadzimate umkhumbule;
nendvodzana yemuntfu beyiyini-ke
kutsi ungadzimate uyinakekele?”
5 Noko umente wacishe waba ngangawe,
Nkulunkulu,
wametfwesa umchele webukhosi neludvumo.
6 Umenta abuse etikwemisebenti yetandla takho,
konkhe wakubeka
ngaphansi kwetinyawo takhe:
7tonkhe timvu, netinkhomo tonkhe,
yebo, netilwane tesiganga,
8tinyoni letindizako,
netinhlanti telwandle,
nato tonkhe tidalwa taselwandle.
9Maye, Simakadze, Nkhosi yetfu,
libito lakho liyababateka
emhlabeni wonkhe!
ที่ได้เลือกล่าสุด:
Tihlabelelo 8: SWT
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Bible Society of South Africa 1996. Used with permission. All rights reserved.