Números 21
21
Arad llaqtata vencerusqankumanta
1 #
Nm 33.40. Canaán lawpi Arad llaqtapa reyninmi, Neguev lawpi yacharqa. Paymi uyarirurqa Israelpa mirayninkuna Atarimman riq ñanninta hamusqankuta, chaymi paykunawan peleaspan wakinta presocharurqa. 2Hinaptinmi Israelpa mirayninkunañataq Tayta Diosman prometekuspanku nirqaku:
Kay runakunata vencerachiwaptikikuqa llapallan llaqtankutam purmarachisaqku, nispanku.
3Chaymi Israel miraykunapa mañakusqanta Tayta Dios uyarispan yanapaykuptin cananeokunata venceruspanku llaqtankutapas purmarachirqaku. Chayraykum chay sitiota #21.3 Hebreo simipi Horma ninanqa “tuñichiy, purmachiy” ninanmi.Horma nispa suticharqaku.
Broncemanta maqta uruta ruwasqanmanta
4 #
Dt 2.1. Hor orqomantam Israel runakuna Puka lamar qocha lawman lloqsirqaku Edom nacionta muyunankupaq. Runakunañataqmi ñan risqankupi hukmanyarurqaku. 5Hinaspam Diospa contranpi chaynataq Moisespa contranpi rimaspa nirqaku:
¿Imapaqtaq Egipto nacionmanta hurqomuwarqankiku kay chunniqpi wañunaykupaq? Mikuypas yakupas manam kanchu. Maná sutiyuq mikuytapas amirunikuñam, nispanku.
6Chaymi venenoyuq maqta urukunata Tayta Dios kachaykamurqa; chay maqta urukuna kachuptinmi Israelpa mirayninkunamanta achkaq wañurqaku. 7Hinaptinmi Moisesman rispanku llapa runakuna nirqaku:
Tayta Diospa chaynataq qampa contraykipi rimaspam huchallikuruniku. Chaynaqa, Diostayá mañakuy kay maqta urukunata ñoqaykumanta chinkachinanpaq, nispanku.
Chaymi Tayta Diosta llapa runakunapaq Moisés mañakurqa. 8Hinaptinmi Moisesta Tayta Dios nirqa:
Maqta uruta ruwaspa kaspiman churay, chaynapim maqta urupa kachusqankuna chayta qawaspanku mana wañunqakuchu, nispa.
9 #
Jn 3.14. Moisesmi broncemanta maqta uruta ruwaruspan kaspiman churarurqa. Hinaptinmi maqta urupa kachusqan runakuna, broncemanta maqta uruta qawaspanku mana wañuqkuchu.
Moab nacionta muyusqankumanta
10Chaymanta lloqsispankum Israelpa mirayninkuna Obot lawpi campamentonkuta sayachirqaku. 11Obot lawmanta pasaspankum Ije-abarim chunniqpi samarurqaku, chayqa kachkan Moab nacionpa intipa qespimunan lawninpim 12Chaymanta lloqsispankum Zered wayqopi samarurqaku. 13Chay wayqomanta pasaspankum Arnón mayupa waklawninpi samarurqaku. Chay mayum amorreokunapa allpanpa chunniq lawninmanta lloqsimuspan amorreokunapa allpanta moabitakunapa allpanmanta rakinan. 14Chayraykum “Tayta Diospa Guerrankuna” nispa sutichasqa libropi nichkan:
“Sufá llaqtapi Vaheb lawnintam pasarqaniku,
wayqonkunatawan Arnón mayupa patantam rirqaniku.
15Ar lawman riq mayu patantam rirqaniku,
Moabpa linderontam pasarqaniku”, nispa.
16Arnón mayumantam #21.16 Hebreo simipi Beer ninanqa “pozo” ninanmi.Beer sutiyuq pozokama rirqaku, chay pozopa kasqanpim Moisesta Tayta Dios nirqa:
Yakuta qonaypaq runakunata huñumuy, nispa.
17Chayraykum Israelpa mirayninkuna kaynata takirqaku:
Pozomanta yaku lloqsimuchun.
Pozomanta takisun.
18Kamachikuqkunam varankuwan toqorqaku,
kamachiqkunam tawnankuwan kicharqaku, nispa.
Chay chunniqmantam Israelpa mirayninkuna Matana lawkama rirqaku. 19Chaymantam Nahaliel lawkama rispa Bamot lawkama chayarurqaku. 20Bamotmantam Moab nacionpi qechwa pampakama rispa Pisga orqopa puntanman chayarurqaku; chaymantam tukuy hinastin chunniqkuna rikukun.
Rey Sehonta vencesqanmanta
(Dt 2.26-37)
21Israelpa mirayninkunam amorreokunapa reynin Sehonman kachaspan kaynata nichimurqaku:
22Ama hina kaspa allpayki chawpinta pasarachiwayku. Manam tarpusqa chakra ukuntachu nitaq uvas huertantachu risaqku, manataqmi pozoykipi yakutapas tomasaqkuchu. Allpaykita pasarunaykukamam hatun ñanllanta risaqku, nispanku.
23Rey Sehonmi ichaqa mana munarqachu allpanpa chawpinta Israelpa mirayninkuna pasananta, chaymi llapallan tropankunata huñuruspan chunniqman lloqsirqa, hinaspam Jahaza llaqtakama chayaruspan Israelpa mirayninkunapa contranpi pelearqa. 24Ichaqa Israelpa mirayninkunam kutichikuspanku vencerurqaku, hinaspam Arnón mayumanta qallaykuspa Jaboc mayukama otaq amonitakunapa allpanpa tukupayninkama hapikuykurqaku; amonitakunapa linderonqa mana pasay atinam karqa. 25Chaynatam Israelpa mirayninkuna amorreokunapa Hesbón llaqtata chaynallataq wakiq llaqtakunatapas hapikuykuspanku chaypi yachakurqaku. 26Hesbón llaqtaqa karqa amorreokunapa reynin Sehonpa yachananmi. Rey Sehonqa moabitakunapa ñawpaq reyninta venceruspam allpantapas Arnón mayukama qechururqa. 27Chayraykum takiqkunapas kaynata takiqku:
Rey Sehonpa tiyanan Hesbón llaqtaman hamuychik,
yapamanta hatarichispa murallankunata perqaychik.
28Hesbón llaqtamantam nina lloqsirqa,
Sehonpa llaqtanmantam lenwachkaq nina lloqsirqa;
Moab nacionpim Ar llaqtata kañarurqa,
Arnonpi yachaq runakunatam ruparurqa.
29¡Ay, Moab runakuna,
Quemos idolopa runankuna!
Chinkachisqañam kachkankichik.
Quemos idolom qari churikichiktapas lluptirachin,
Quemos idolom warmi churikichiktapas presocharachin.
Amorreokunapa reynin Sehonwanmi chaynata ruwarachin.
30Paykunatam vencerurqaniku,
Hesbón llaqtamantam Dibón llaqtakama purmarachirqaniku.
Nofa llaqtamantam Medeba llaqtakama,
ninawan kañaykurqaniku, nispanku.
Basanpa reyninta vencesqankumanta
(Dt 3.1-11)
31Chaynapim Israelpa mirayninkuna amorreokunapa allpanpi yacharqaku. 32Moisesmi Jezer llaqtata qawamunankupaq kacharqa. Chaymi Israelpa mirayninkuna chay llaqtapa taksa llaqtankunatawan kuskata hapikuykuspanku, chaypi yachaq amorreokunata qarqorurqaku. 33Chaymantam Basán lawman kutichkaptinku Basán nacionpa reynin Og llapallan tropankunapiwan lloqsimurqa Edrei lawpi Israelpa mirayninkunawan peleananpaq. 34Hinaptinmi Moisesta Tayta Dios nirqa:
Ama manchakuychu, chay reytaqa runantinkunatam qanman qoykusqayki. Hesbón llaqtapi yachaq amorreokunapa reynin Sehonta hinam rey Ogtapas ruwanki, nispa.
35Chaynapim rey Ogta, churinkunata chaynataq llapallan runankunatapas wañurachirqaku. Manam pitapas puchurqakuchu, hinaspam allpankutapas hapikuykurqaku.
ที่ได้เลือกล่าสุด:
Números 21: RCHQ2
เน้นข้อความ
แบ่งปัน
เปรียบเทียบ
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Chuya Qellqa Revisión @ Sociedad Bíblica Peruana, 2012