Números 17
17
Aaronpa tawnan waytarusqanmanta
1-2Israelpa mirayninkunata kamachinanpaqmi Moisesta Tayta Dios kaynata nirqa:
Sapa ayllupi kamachikuqmanta huk tawnata mañay. Chaynaqa, chunka iskayniyuq tawnakunam kanqa; hinaspam sapakamapa tawnanpi sapa kamachikuqpa sutinta qellqanki. 3Leví ayllupa tawnanpim Aaronpa sutinta qellqanki. Sapa ayllupa kamachiqninpam huk tawna kanqa. 4Chay tawnakunataqa ñoqaman asuykuna carpapim Arcapa ñawpaqninpi churanki, chaypim qamkunawan tupasaq. 5Akllasqay runapa tawnanta ikllirachiptiymi ñoqapa qayllaypi Israelpa mirayninkuna manaña contraykichikpi rimanqakuñachu, nispa.
6Israelpa mirayninkunaman Moisés chayta niptinmi, sapa ayllupi kamachikuq tawnanta qorqa, chaymi chunka iskayniyuq tawnakuna karqa. Aaronpa tawnanpas paykunapa tawnanwanmi karqa. 7Hinaptinmi chay tawnakunata Moisés churarqa Tayta Diosman asuykuna carpa ukupi kaq Arcapa ñawpaqninman. 8Paqarinnintinta Tayta Diosman asuykuna carpaman Moisés yaykuykuptinmi, Leví ayllumanta kaq Aaronpa tawnan iklliramuspa waytachkasqa, hinaspam almendraskunata rururusqa. 9Chaymi Tayta Diospa qayllanmanta tawnakunata Moisés hurqoramurqa Israelpa mirayninkuna qawanankupaq, hinaptinmi qawaykuspanku tawnankuta sapakama hapirqaku.
10 #
Heb 9.4. Hinaptinmi Moisesta Tayta Dios nirqa:
Aaronpa tawnanta Arcapa ñawpaqninman kutiykachiy, mana kasukuq Israelpa mirayninkuna chayta qawaspa manaña contraypi rimanankupaq hinaspa mana wañunankupaq, nispa.
11Chaymi Moisesqa, Tayta Diospa kamachisqanman hina ruwarqa. 12Israelpa mirayninkunañataqmi Moisesta nirqaku:
Kunanqa pantaypim kachkaniku, llapallaykum wañurusaqku. 13Tayta Diospa yachanan carpaman asuykuq runa wañuptinqa, llapallaykum wañurusaqku, nispanku.
ที่ได้เลือกล่าสุด:
Números 17: RCHQ2
เน้นข้อความ
แบ่งปัน
เปรียบเทียบ
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Chuya Qellqa Revisión @ Sociedad Bíblica Peruana, 2012