Oseas 3
3
Oseaspa warmin waqllikusqanmanta
1Tayta Diosmi yapamanta niwarqa:
Hukwan waqllikuruq kachkaptinpas warmikita yapamanta kuyamuy. Chaynatam Tayta Diospas Israelpa mirayninkunata kuyan, idolokunata qatispanku chaykunaman uvas pasaskunata, tortilla ofrendakunata ofrecechkaptinkupas, nispa.
2Chaymi warmiy kananpaq soqta onza qollqewan hinaspa carga parten cebadawan rantirurqani. 3Hinaspaymi nirqani: Qamqa unaypaqmi warmiy kanki; chaynaqa amam huchapakunkiñachu nitaqmi qarikunawanpas kakunkiñachu, ñoqapas manam qanwanqa puñusaqchu, nispay.
4Israelpa mirayninkunapas unay watakunam mana reyniyuq, mana kamachiqniyuq kanqaku; sacrificiopas, sacerdotekunapas, idolokunapas manam kanqañachu. 5Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.
ที่ได้เลือกล่าสุด:
Oseas 3: RCHQ2
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Chuya Qellqa Revisión @ Sociedad Bíblica Peruana, 2012