Marko 7
7
Shaqré vtóng nv̀ng Gvray dvkv́m kà dang
Mat. 15:1-20; Luk. 11:37-39
1Yerusalem kèní dì daqì we Parisirì nv̀ng dvrá svrarì kèní tiqmaq nø Yesu yv́ng dvkǿmshì ráì. 2Àng coqcv́nrì tiqmaq nø mvshèr we, màsiqshìshaq wu:rí v́mpà vm we sv̀ng àngmaqí yà:ngòe. #Luk. 11:38 3(Kadø íe wani Parisirì nv̀ng Yuda vsv̀ng shvngbe gø, shaqrérì vtóng cà:nò nø̀, wur ciqshì dá:ngí wa v́mpà vme. 4Gvt kèní lò ra nìgø, góng zv́lshì dá:ngí wa v́mpà vme. Vrá, gwìnrì, dòngkwvngrì nv̀ng kàmø taqrì#7:4 Àngké kà tiqmaq taq “námrúngjv̀m” wae. sv̀ng zv́l rà we vtóng mvdv̀mø, dvgádø vtóng gø àngmaqí cv̀nlv́m mvme pv̀n vle).
5Wekvt Parisirì nv̀ng dvrá svrarìí Yesu sv̀ng, “Nà coqcv́nrì nø pàwá shaqré vtóng màcv́nshaq, wur màsiqshì v́mpà vm má?” wa rø:tnòe.
6À:ngí àngmaq sv̀ng, “Vnínøt ènøtnø̀ng rìé, Esayaí nàmaq dang kàdvtu:tnò nø̀ vru yà:ngà kà nø jø̀ngjǿng í dá:rì. Esayaí,
‘Bashà yadvcìí nø,
àngmaq nònggø:pmí wa
Ngà sv̀ng nàpǿnge.
Íwe, àngmaq nøt nø
Ngà yv́ngkèní vsa:re. #Esa. 29:13
7Àngmaqí nø vsv̀ng vtóng dvrárì sv̀ng
Gvray dvkv́m kà dø shvngø:tnò rvt,
Ngà sv̀ng ènok lòng gø vshø̀ng íe,’ wa kàdvtut yà:ngà.
8Nàmaqí nø Gvray dvkv́mkà sv̀ng nø màcv́nshaq, vsv̀ng vtóngrì lè ècv̀nnø̀nge,” a:lòe.
9À:ngí rá àngmaq sv̀ng, “Nàmaq shaqré vtóngrì cv́n dvdønglv́m rvt, Gvray dvkv́mkà sv̀ng ngállv́m nø pàshaqí ni èzit ráshà. 10Kadø íe wani Moshií, ‘Nvpè nvmè sv̀ng nàpǿò,’ vrá, ‘Àngpè àngmè sv̀ng mvtá:nò gǿ nø, jø̀ngjǿng dvshí ràe,’ wa shø̀n yà:ngà. #Bng. 20:12; 21:17; Drd. 5:16 11Íwe nàmaqí nø tiqgǿgǿí àngpè àngmè sv̀ng, ‘Nàní sv̀ng dvkùmlv́m lòng nø ngàí Gvray kaq shvrúng bǿngà,’#7:11 Àngké kà taq “Korban” wae. la vl bǿò nìnø, 12wegǿí àngpè àngmè sv̀ng dvbvnglv́m lòng nàgámnø̀nge. 13Wervt, nàmaqí shèngøtnø̀ng we shaqré vtóngrìí Gvray dvkv́mkà ècatnø̀nge. Nàmaqí yadø cha we dvgádø mvme pv̀n gø èwànø̀nge,” a:lòe.
Vsv̀ng kaq mvshèr dvzv́r rì
14Yesuí vsv̀ng loksokrì kaq Àng yv́ngsv̀ng vrá goò nø̀, “Nàmaq shvngbeí Ngà kà sv̀ng ètánø̀ng nø̀ leq cíngnø̀ng. 15Vtv́ng lap kèní vsv̀ng góng vdòng gòngvm rìí nø, àng sv̀ng mvmv́ng mvshèr dvzá:rò we mø̀í. Vsv̀ng vdòng kèní léshì long rìí mv̀ng nø mvmv́ng mvshèr dvzá:rò we íe. #Dzr. 10:14,15 16Tálv́m vnà vdá vsv̀ng nø laq tashì,” a:lòe.#7:16 Vlǿmv́m daq we àngké kàrurì taq yaciq màbá.
17Yesu nø vsv̀ng loksokrì yv́ngkèní léshì nø̀ chø̀m vdòng gòng lú:ngì kvt, Àng coqcv́nrìí kàshvbóng welòng dang Àng sv̀ng rø:tnòe. 18Yesuí àngmaq sv̀ng, “Nàmaqí gø mècíngnø̀ng má? Vtv́ng lap kèní vsv̀ng góng vdòng sv̀ng gòngvm lù:ngí nø̀ vsv̀ng kaq mvmv́ng mvshèr dvzá:rò we mø̀í we sv̀ng mèshánø̀ng má? 19Pàwá wani welòng nø àng nøt vdòng sv̀ng zv́ngshìvm we mø̀í, puqwá sv̀ng zv́ngshìvm nø̀, weyv́ng kèní léshìvme,” a:lòe. (Yesu yadø wa lòng nø, v́mlv́m shvngbe nø shère, wa kà íe).
20À:ngí rá, “Vsv̀ng tiqgǿ kèní léshì long rìí mv̀ng vsv̀ng kaq mvmv́ng mvshèr dvzá:ròe. 21-22Kadø íe wani màshvla dø dvda:mò we, màdvrá dø svma lvngà vshúshì we, kø we, vsv̀ng shvt we, dvchap we, map we, nøt mvgvm we, yùm we, svma lvngà láshì we, neza we, shvyǿm kà shø̀n we, dvshv́ngshì we, sv̀ngdál wáshì we, yarì nø vsv̀ng nøtmvsø̀n kèní léshì long rì íe. 23Màshvla we yadv́ng pv̀n shvngbe nø vsv̀ng kèní léshì long nø̀, vsv̀ng kaq mvmv́ng mvshèr dvzá:ròe,” a:lòe.
Siro Fonesia wv́ngzàmè kv́mnøt
Mat. 15:21-28
24Yesu nø weyv́ng kèní búng nø̀, Tiru rvgaq sv̀ng dìá:mì. Àng nø chø̀m tiqchø̀m sv̀ng gòngá:mì nø̀ kagǿí gø laq mvsháò wa dvda:mò nìgø, vsà:ngí mvsháò dø máshì mvlú:nò. 25Àngcèmè taq cáng dvchøp we svmaré tiqmè nø Yesu weyv́ng tuq we shv̀ngkà tá bǿà chàng dì ráì nø̀ Àng hí shvnvng kǿngkupshìe. 26Svmaré yamè nø Siria móng Fonesia rvgaq kèní wv́ngzà#7:26 Àngké kà taq “Heleni vsv̀ng” wae. í we, àngcèmè kèní cáng lúngalv́m Yesu sv̀ng kórshìe.
27Íwe Yesuí àng sv̀ng, “Cv̀mrécèrì vzv̀ng laq vgàvm. Cv̀mrérìò v́mpà lúa dv̀ng vgirì sv̀ng dvgupma màdu,” a:lòe.
28Wemèí Yesu sv̀ng, “Í nø̀ íe, Kàngpèá. Íwe, v́m shvbóy lv̀ngpvng vl we vgirìí gø cv̀mrérìí dvjá daqò we v́mpàshirì v́m lúnshì we íe,” wa vtá:nòe.
29Wervt Yesuí àng sv̀ng, “Nàí yadø vtv́nshì èsháò rvt, èlovm, cáng nø nvcèmè góng kèní lúshiá:mì,” a:lòe.
30Wekvt wemè nø chø̀m sv̀ng loá:mì nìnø, cvmrémè gø yøprà mvdv̀m vyálshì da nø̀ cáng gø lúshì dá:rì we sv̀ng à:ngí yv̀ng bǿà.
Nà mvtá tiqpè dvba:nò we
31Tiru rvgaq kèní Àng búng nø̀, Sidon rvgaqgaq leshì dá:ngí Dekapoli móng dangdang Galili Tìnúngmè sv̀ng tuq ráì. 32Vnàí mvtáò nø̀ kà gøm dø shǿn màshvla we tiqgǿ, àngmaqí Àng yv́ngsv̀ng shøla:tnà nø̀, àng mvdv̀mø Àng wur lvhapshì dø røtnòe.#Mak. 5:23
33Wekvt vsv̀ng loksokrì kèní Yesuí àng kaq tiqtong sv̀ng shøl bǿà nø̀, àng vnà vdòng sv̀ng Àng wurhàmí mvnuqò nø̀, wurhàm sv̀ng tø:lí dvshaqshì dá:ngí wepè pvlè sv̀ng vkoqòe. #Mak. 8:23 34Vrá muqlàng kaq Àng kang ngángshì nø̀ shaqmè vhéshì sórí wepè sv̀ng, “Efata,” a:lòe. (Yakà nø “Nàtánvm” wa kà íe). 35Wela:ngí àng vnà vpuqá:mì. Àng pvlè vkv́ngkéò lòng gø vpǿná:mì nø̀, shvngshvng wa kà shø̀n lú:ngì.
36Kagǿ sv̀ng gø màdvtálv́m À:ngí àngmaq sv̀ng dvká:mò we í nìgø, té dvká:mò té àngmaqí dvsha:ngòe. #Mak. 1:43-45 37Wekvt àngmaq nø, vtvngshaq dádv̀ng wàá:mì nø̀, “À:ngí kapà gø shvla dø dvchǿng wàòe lé! Nà mvtárì gø lvtáò dø, màárì gø kà lvshø̀n dø wàòe,” wae. #Esa. 35:5
ที่ได้เลือกล่าสุด:
Marko 7: GSM
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 7
7
Shaqré vtóng nv̀ng Gvray dvkv́m kà dang
Mat. 15:1-20; Luk. 11:37-39
1Yerusalem kèní dì daqì we Parisirì nv̀ng dvrá svrarì kèní tiqmaq nø Yesu yv́ng dvkǿmshì ráì. 2Àng coqcv́nrì tiqmaq nø mvshèr we, màsiqshìshaq wu:rí v́mpà vm we sv̀ng àngmaqí yà:ngòe. #Luk. 11:38 3(Kadø íe wani Parisirì nv̀ng Yuda vsv̀ng shvngbe gø, shaqrérì vtóng cà:nò nø̀, wur ciqshì dá:ngí wa v́mpà vme. 4Gvt kèní lò ra nìgø, góng zv́lshì dá:ngí wa v́mpà vme. Vrá, gwìnrì, dòngkwvngrì nv̀ng kàmø taqrì#7:4 Àngké kà tiqmaq taq “námrúngjv̀m” wae. sv̀ng zv́l rà we vtóng mvdv̀mø, dvgádø vtóng gø àngmaqí cv̀nlv́m mvme pv̀n vle).
5Wekvt Parisirì nv̀ng dvrá svrarìí Yesu sv̀ng, “Nà coqcv́nrì nø pàwá shaqré vtóng màcv́nshaq, wur màsiqshì v́mpà vm má?” wa rø:tnòe.
6À:ngí àngmaq sv̀ng, “Vnínøt ènøtnø̀ng rìé, Esayaí nàmaq dang kàdvtu:tnò nø̀ vru yà:ngà kà nø jø̀ngjǿng í dá:rì. Esayaí,
‘Bashà yadvcìí nø,
àngmaq nònggø:pmí wa
Ngà sv̀ng nàpǿnge.
Íwe, àngmaq nøt nø
Ngà yv́ngkèní vsa:re. #Esa. 29:13
7Àngmaqí nø vsv̀ng vtóng dvrárì sv̀ng
Gvray dvkv́m kà dø shvngø:tnò rvt,
Ngà sv̀ng ènok lòng gø vshø̀ng íe,’ wa kàdvtut yà:ngà.
8Nàmaqí nø Gvray dvkv́mkà sv̀ng nø màcv́nshaq, vsv̀ng vtóngrì lè ècv̀nnø̀nge,” a:lòe.
9À:ngí rá àngmaq sv̀ng, “Nàmaq shaqré vtóngrì cv́n dvdønglv́m rvt, Gvray dvkv́mkà sv̀ng ngállv́m nø pàshaqí ni èzit ráshà. 10Kadø íe wani Moshií, ‘Nvpè nvmè sv̀ng nàpǿò,’ vrá, ‘Àngpè àngmè sv̀ng mvtá:nò gǿ nø, jø̀ngjǿng dvshí ràe,’ wa shø̀n yà:ngà. #Bng. 20:12; 21:17; Drd. 5:16 11Íwe nàmaqí nø tiqgǿgǿí àngpè àngmè sv̀ng, ‘Nàní sv̀ng dvkùmlv́m lòng nø ngàí Gvray kaq shvrúng bǿngà,’#7:11 Àngké kà taq “Korban” wae. la vl bǿò nìnø, 12wegǿí àngpè àngmè sv̀ng dvbvnglv́m lòng nàgámnø̀nge. 13Wervt, nàmaqí shèngøtnø̀ng we shaqré vtóngrìí Gvray dvkv́mkà ècatnø̀nge. Nàmaqí yadø cha we dvgádø mvme pv̀n gø èwànø̀nge,” a:lòe.
Vsv̀ng kaq mvshèr dvzv́r rì
14Yesuí vsv̀ng loksokrì kaq Àng yv́ngsv̀ng vrá goò nø̀, “Nàmaq shvngbeí Ngà kà sv̀ng ètánø̀ng nø̀ leq cíngnø̀ng. 15Vtv́ng lap kèní vsv̀ng góng vdòng gòngvm rìí nø, àng sv̀ng mvmv́ng mvshèr dvzá:rò we mø̀í. Vsv̀ng vdòng kèní léshì long rìí mv̀ng nø mvmv́ng mvshèr dvzá:rò we íe. #Dzr. 10:14,15 16Tálv́m vnà vdá vsv̀ng nø laq tashì,” a:lòe.#7:16 Vlǿmv́m daq we àngké kàrurì taq yaciq màbá.
17Yesu nø vsv̀ng loksokrì yv́ngkèní léshì nø̀ chø̀m vdòng gòng lú:ngì kvt, Àng coqcv́nrìí kàshvbóng welòng dang Àng sv̀ng rø:tnòe. 18Yesuí àngmaq sv̀ng, “Nàmaqí gø mècíngnø̀ng má? Vtv́ng lap kèní vsv̀ng góng vdòng sv̀ng gòngvm lù:ngí nø̀ vsv̀ng kaq mvmv́ng mvshèr dvzá:rò we mø̀í we sv̀ng mèshánø̀ng má? 19Pàwá wani welòng nø àng nøt vdòng sv̀ng zv́ngshìvm we mø̀í, puqwá sv̀ng zv́ngshìvm nø̀, weyv́ng kèní léshìvme,” a:lòe. (Yesu yadø wa lòng nø, v́mlv́m shvngbe nø shère, wa kà íe).
20À:ngí rá, “Vsv̀ng tiqgǿ kèní léshì long rìí mv̀ng vsv̀ng kaq mvmv́ng mvshèr dvzá:ròe. 21-22Kadø íe wani màshvla dø dvda:mò we, màdvrá dø svma lvngà vshúshì we, kø we, vsv̀ng shvt we, dvchap we, map we, nøt mvgvm we, yùm we, svma lvngà láshì we, neza we, shvyǿm kà shø̀n we, dvshv́ngshì we, sv̀ngdál wáshì we, yarì nø vsv̀ng nøtmvsø̀n kèní léshì long rì íe. 23Màshvla we yadv́ng pv̀n shvngbe nø vsv̀ng kèní léshì long nø̀, vsv̀ng kaq mvmv́ng mvshèr dvzá:ròe,” a:lòe.
Siro Fonesia wv́ngzàmè kv́mnøt
Mat. 15:21-28
24Yesu nø weyv́ng kèní búng nø̀, Tiru rvgaq sv̀ng dìá:mì. Àng nø chø̀m tiqchø̀m sv̀ng gòngá:mì nø̀ kagǿí gø laq mvsháò wa dvda:mò nìgø, vsà:ngí mvsháò dø máshì mvlú:nò. 25Àngcèmè taq cáng dvchøp we svmaré tiqmè nø Yesu weyv́ng tuq we shv̀ngkà tá bǿà chàng dì ráì nø̀ Àng hí shvnvng kǿngkupshìe. 26Svmaré yamè nø Siria móng Fonesia rvgaq kèní wv́ngzà#7:26 Àngké kà taq “Heleni vsv̀ng” wae. í we, àngcèmè kèní cáng lúngalv́m Yesu sv̀ng kórshìe.
27Íwe Yesuí àng sv̀ng, “Cv̀mrécèrì vzv̀ng laq vgàvm. Cv̀mrérìò v́mpà lúa dv̀ng vgirì sv̀ng dvgupma màdu,” a:lòe.
28Wemèí Yesu sv̀ng, “Í nø̀ íe, Kàngpèá. Íwe, v́m shvbóy lv̀ngpvng vl we vgirìí gø cv̀mrérìí dvjá daqò we v́mpàshirì v́m lúnshì we íe,” wa vtá:nòe.
29Wervt Yesuí àng sv̀ng, “Nàí yadø vtv́nshì èsháò rvt, èlovm, cáng nø nvcèmè góng kèní lúshiá:mì,” a:lòe.
30Wekvt wemè nø chø̀m sv̀ng loá:mì nìnø, cvmrémè gø yøprà mvdv̀m vyálshì da nø̀ cáng gø lúshì dá:rì we sv̀ng à:ngí yv̀ng bǿà.
Nà mvtá tiqpè dvba:nò we
31Tiru rvgaq kèní Àng búng nø̀, Sidon rvgaqgaq leshì dá:ngí Dekapoli móng dangdang Galili Tìnúngmè sv̀ng tuq ráì. 32Vnàí mvtáò nø̀ kà gøm dø shǿn màshvla we tiqgǿ, àngmaqí Àng yv́ngsv̀ng shøla:tnà nø̀, àng mvdv̀mø Àng wur lvhapshì dø røtnòe.#Mak. 5:23
33Wekvt vsv̀ng loksokrì kèní Yesuí àng kaq tiqtong sv̀ng shøl bǿà nø̀, àng vnà vdòng sv̀ng Àng wurhàmí mvnuqò nø̀, wurhàm sv̀ng tø:lí dvshaqshì dá:ngí wepè pvlè sv̀ng vkoqòe. #Mak. 8:23 34Vrá muqlàng kaq Àng kang ngángshì nø̀ shaqmè vhéshì sórí wepè sv̀ng, “Efata,” a:lòe. (Yakà nø “Nàtánvm” wa kà íe). 35Wela:ngí àng vnà vpuqá:mì. Àng pvlè vkv́ngkéò lòng gø vpǿná:mì nø̀, shvngshvng wa kà shø̀n lú:ngì.
36Kagǿ sv̀ng gø màdvtálv́m À:ngí àngmaq sv̀ng dvká:mò we í nìgø, té dvká:mò té àngmaqí dvsha:ngòe. #Mak. 1:43-45 37Wekvt àngmaq nø, vtvngshaq dádv̀ng wàá:mì nø̀, “À:ngí kapà gø shvla dø dvchǿng wàòe lé! Nà mvtárì gø lvtáò dø, màárì gø kà lvshø̀n dø wàòe,” wae. #Esa. 35:5
ที่ได้เลือกล่าสุด:
:
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2025 Rvcv́ngcè Kàru Gomidi Kristu Shvngø̀mré. All Rights Reserved.