Marko 6
6
Nazaret mvrìng rìí Yesu sv̀ng màtoò we
Mat. 13:53-58; Luk. 4:15-30
1Yesu nø weyv́ng kèní búng nø̀, Àng té lú:ngì we mvrìng sv̀ng vtv́ng ráì. Àng coqcv́nrìí gø Àng mèpvng cà:nòe. 2Narni taq, júrøt chø̀m yv́ng À:ngí shvngø:tnòe. Táò vsv̀ng mvme nø, dàá:mì nø̀ yadø wae. “Yapèí yadv́ng pv̀n nø kayv́ng kèní lú:nò má? À:ngí lú:nò we nø kapà zitnøt íe má? Jórnònggùn bv̀nlì yarì sv̀ng kadø wàò má? #Yoh. 7:15 3Yapè nø shǿngkø̀m rvmúshúpè wa mø̀í má? Mari àngcèpè mø̀í má? Yaku, Yose, Yuda nv̀ng Simon àngnvm vlatpè mø̀í má? Àngnvmmèla gø yayv́ng nøngmaq nv̀ng tiqdø à:lì we mø̀í má?” wa nø̀ Àng rvt nøt vtøpmá:mì.
4Íwe Yesuí àngmaq sv̀ng, “Kàdvtutshú sv̀ng nø kayv́ng gø vpǿòe. Íwe, vdè mvrìng, vdè rvprì nv̀ng vdè chø̀m vsv̀ngrìí nø màpǿò,” a:lòe. 5-6Àng sv̀ng àngmaq mvkv́m rvt Yesu dàe. Wervtnø̀ za we tiqmaq sv̀ng Àng wur hapshì nø̀ dvba:nò we wa mø̀í nìnø, dvgá dø jórnònggùn bv̀nlì kapà gø weyv́ng À:ngí wá mvlú:nò. Weyv́ng kèní gùrhøm vl we tiqmvrìng nø tiqmvrìng sv̀ng Àng di nø̀ shvngø:tnòe.
Tiqcé Vnípè dvzá:rò we
Mat. 10:1,9-15; Luk. 9:1-6
7Yesuí Tiqcé Vnípè sv̀ng Àng yv́ng goa:tnà dá:ngí, vnígǿ vnígǿ dvzá:ròe. Cáng kaq lùnglv́m vmíng vkv́ng gø À:ngí àngmaq sv̀ng zíòe. #Luk. 10:1
8Tvrà dvpvt dvrv̀ng wa mø̀í nìnø, mvzv́ng gø, dv̀nggúng gø, juqnv́m taq gv̀msùng gø, dvgá kapà gø mvlv́nglv́m, À:ngí dvká:mòe. 9Híshvnam nø dønshìlv́m, ínìgø bèlaq vnídùng mvgwashìlv́m dvká:mòe. 10Vrá àngmaq sv̀ng, “Kayv́ng ínìgø, kachø̀m sv̀ng ègòngv́mnø̀ng dvgvp, wemvrìng kèní mèbúngnø̀ng dv́ngte nàmaq nø wechø̀m taq èv̀lnø̀ng. 11Nàmaq sv̀ng mènàtonø̀ng nø̀, nàmaq kàrì sv̀ng gø mètáanø̀ng we kayv́ng vl nìnø, weyv́ng kèní èbúng daqnø̀ng kvt, àngmaq sv̀ng vchaqlv́m shvkse ílv́m rvt, nàmaq hípà dvtø̀l nàchaqshì ránø̀ng,#6:11 Yuda vtóng taq “akvt kèní nà nv̀ng mvsingá:mì” wa kà íe.” a:lòe.
12Wekvt wepèla búngá:mì nø̀, nøt língshì rà we mvshǿl dvsha:ngòe. 13Àngmaqí cáng gø mvme lùng bǿà nø̀, za we mvme gǿ sv̀ng zanlún yøtìí ma:tnò nø̀ dvbanaòe.#Yak. 5:14,15
Tìløp Yohan vgo tu:tnò we
Mat. 14:1-12; Luk. 9:7-9
14Yesu bø̀ng nø kayv́ng màyv́ng shv̀ngá:mì nø̀, Herot koqká:mí#6:14 Yesu gà:lò nila koqkv́m Herot àngcèpè íe. gø tá bǿà. Tiqmaqí nø, “Tìløp Yohan shì yv́ngkèní zun lú:ngì rvt jórnònggùn bv̀nlì yarì wàòe,” wae. #Luk. 3:19,20
15Tiqmaqí, “Àng nø Eliya íe,” wae.
Vrá tiqmaqí, “Àng nø darì kàdvtutshúrì dø í we tiqpè íe,” wae.
16Íwe Herotní tá bǿà kvt, “Ngàí vgo tut dvzv́rvpmà we Yohan wepè ni shì yv́ngkèní zun lú:ngì,” wae.
17-18Herot nø àngnvmpè Pilip chø̀mmè Herodia rvtnø̀, Yohan sv̀ng tvp dvzá:rò nø̀ dù:ngò dá:ngí, tung róng yà:ngà. Pàwá wani Yohaní Herot sv̀ng, “Nvnvmpè chø̀mmè èlushì lòng nø dvrá nv̀ng màbóng,” wa àngkvtkvt vl yà:ngà. #Lew. 18:16 19Herodia nø Yohan sv̀ng mvwv́mshì rvt shvt mvyǿ nìgø shvt mvlú:nò. 20Kadø íe wani Yohan nø døngman nø̀ shànshér vsv̀ng í we Herotní sháò rvt vpǿ svreò nø̀, àng sv̀ng ga:ròe. Yohaní shø̀:nò rì sv̀ng à:ngí tá lú:nò ke gvzà gónggi we í nìgø, àng kàrì sv̀ng gvzà tá neshìe.
21Wemèpvng, Herodia dvpvt yuqyà we àngni tuq ráì. Herot gà:lò àngni vhøm ráì kvt, gàmzø̀rì, cìldù vgorì nv̀ng Galili shaqrérì dvpvt v́mbóy dvgǿaòe. 22Herodia àngcèmè gòng ráì nø̀ lv̀m weí, Herot nv̀ng v́mbóy zaqlèrì sv̀ng dvbú dvzá:ròe.
Wervt koqkv́mpèí wemècè sv̀ng, “Nà èshòng we pà í nìgø, èrøtshì. Ngàí zílv́m íe,” a:lòe. 23Wedø wa mvtaq, “Nà kapà èrøtshì nìnø, ngà móngdàn tiqka høq í nìgø, ngàí zílv́m íe,” wa dvgv́mshìe. #Est. 5:3-6
24Wemècè búngá:mì nø̀ àngmè sv̀ng, “Ngà pà røtshø̀ng má?” a:lò ke àngmèí, “Tìløp Yohan vgo chvng èrøtná:mò,” a:lòe.
25Wekvt chàng koqkv́mpè yv́ngsv̀ng tiqdvshaqí àng gòngá:mì nø̀, “Bàn tiqgø̀m taq Tìløp Yohan vgo chv̀ng akvtni èzǿngà we sv̀ng ngà shònge,” a:lòe.
26Herot nø gvzà nøt dvshàá:mì nìgø, àng dvgv́mshì bǿì kà nv̀ng v́mbóy zaqlèrì rvt, wemècè røtkà sv̀ng màwáa mvdaqá:mì. 27Wervt koqkv́mpèí wela:ngí ni cìlcè tiqpè dvzá:rò nø̀, Yohan vgo chvng lvlv́nga:tnò dø dvká:mòe. Wepè búngá:mì nø̀, tung taq Yohan vgo tu:tnòe. 28Bàn tiqgø̀m taq Yohan vgo chv̀ng lv́nga:tnà nø̀ wemècè sv̀ng zí bǿà nìnø, à:ngí rá àngmè sv̀ng zí bǿà. 29Yohan coqcv́nrìí tá bǿà kvt, àngmaq dì ráì weí, àng vnàng lùò nø̀ dvgv̀m yv́ng kǿm bǿà.
Vsv̀ng 5,000 shvá:mò we
Mat. 14:15-21; Luk. 9:10-17; Yoh. 6:1-14
30Dvzv́rrì nø Yesu yv́ng kø̀m ráì nø̀, àngmaqí wàa:pmà rì nv̀ng shvngøtna:pmà rì shvngbe Àng sv̀ng dvtáòe. #Luk. 9:10; 10:17 31Vsv̀ngrì vtíshì we luq rvtnø̀, àngmaqí v́mpà v́m gø mvlú:nò høq íe. Wervt Yesuí coqcv́nrì sv̀ng, “Vsv̀ng màvl we tiqyv́ng nøngmaq wa dìì nø̀ narshìá:mì,” a:lòe.
32Wervt vsv̀ng màvl we tiqyv́ng sv̀ng kùngshí taq àngmaq wa dìá:mì.#Mat. 14:13-21; Luk. 9:11-17; Yoh. 6:1-13 33Ínìgø, vsv̀ng mvmeí àngmaq búngá:mì we yv̀ng bǿà kvt, Yesu nv̀ng coqcv́nrì í we shá bǿà. Wekvt wamàrì kèní vsv̀ngrì nø hí dangdang weyv́ng sv̀ng kvlv̀ng nø̀ àngmaq vzv̀ng dvtuqshì dá:rì. 34Yesu nø kùngshí kèní léshì daqì ke, vsv̀ng loksok lokga sv̀ng yv̀ng bǿà nìnø, àngmaq sv̀ng mvré lú:ngà. Pàwá wani àngmaq nø roqshú màdá we vyv̀ngré dø íe. Wervt, À:ngí àngmaq sv̀ng mvshǿl mvme pv̀n shvngøt pà:ngòe. #Dcr. 27:17; Ezk. 34:5; Mat. 9:36
35Nv̀m dø daqì ke, coqcv́nrì Yesu yv́ng dì ráì nø̀, “Yayv́ng nø rvgaq mvgung íe, nv̀m gø dø daqì. #Mak. 8:1-9 36Vsv̀ng loksokrì nø vtv́r rvgaqrì nv̀ng gùrhøm mvrìngrì yv́ng di nø̀ v́mlv́m lvwvnvm dø, àngmaq sv̀ng dèka:ngò lè,” a:lòe.
37Íwe À:ngí, “Nàmaqí shèv́mnø̀ng,” wa vtá:noe.
Àngmaqí Àng sv̀ng, “Dinari#6:37 Tiq dinari nø tiqni zìbè íe. vníyáí zidòng wa:nì nø̀, àngmaq sv̀ng túnaì ni má?” a:lòe.
38À:ngí àngmaq sv̀ng, “Nàmaq yv́ng zidòng kadv́ng chv̀ng vle? Èyv̀ngv́mnø̀ng,” a:lòe.
Àngmaqí yv̀ngá:mà dá:ngí, “Zidòng pungwàchv̀ng nv̀ng nga vnígo vle,” wa Àng sv̀ng dvtáòe.
39Wekvt Yesuí vsv̀ng shvngbe nø mvshø̀ng we shøntø̀m taq àngmvdò àngmvdò rúnglv́m dvká:mòe. 40Wervt vsv̀ngrì nø tiqyágǿ tiqmvdò, pùngwàcégǿ tiqmvdò wáshì nø̀ rúng bǿì. 41Yesuí zidòng pungwàchv̀ng nv̀ng ngagoní lá:ngò nø̀, muqlàng kaq dvjaqò sórí Gvray kaq oqà wae. Wekvt zidòng vmø:tnò nø̀ vsv̀ng shvngbe kaq túnalv́m coqcv́nrì sv̀ng tvleòe. Nga goní gø shvngbe sv̀ng vwálaòe. #Mak. 7:34 42Wekvt àngmaq shvngbe vm nø̀ vgàá:mì. 43Zidòng nv̀ng ngasha v́m vchéò we àngshirì sv̀ng coqcv́nrìí rvku:lò nìnø, tiqcé vníjvng dv̀n íe. #Drd. 28:5 44Zidòng v́m bǿì rì nø, lvngàré tétǿng rì wa pungwàkíng gǿ íe.
Tì mvdv̀m Yesu di we
Mat. 14:22-36; Yoh. 6:15-21
45Yesuí vsv̀ng loksok sv̀ng dvka:ngò la:ngí ni, coqcv́nrì sv̀ng gø kùngshí taq zv́ngshì nø̀ kupa Betseda mvrìng sv̀ng vzv̀ngzv̀ng léshìlv́m À:ngí dvzá:ròe. 46Àngmaq nv̀ng vkang weó Àng nø vjúrøtlv́m rvt mvrùl sv̀ng ngangá:mì.
47Døá:mì høq, kùngshí gø̀m nø tìnúngmè rvwè taq vle. Yesu nø vdàmpa taq Àng wa vle. 48Vzv̀ng lapkèní nv̀mbø̀ng vtit ráì rvt, shø̀ rvp dvshà we sv̀ng Yesuí yv̀ng bǿà. Sháng gárí dvgvp tìnúngmè mvdv̀mdv̀m àngmaq vl yv́ngsv̀ng Yesu dì ráì nø̀ àngmaq shvnvngnvng vlelv́m dv́nshìe. 49Tì mvdv̀mdv̀m Àng dì ráì we àngmaqí yv̀ng bǿà kvt, vshì íe lá:nò nø̀, chvnvnv́n vkiq lú:ngì. 50Àngmaq shvngbeí Àng sv̀ng yv̀ng bǿà nø̀ shérvkaq svreá:mì.
Íwe, wela:ngí Yesuí, “Nøt dvshá mvrà, Ngà ǿngàe. Mèsèrenø̀ngni,” a:lòe. 51Yesu nø kùngshí sv̀ng zv́ngshì bǿì kvt, nv̀mbø̀ng gø vnará:mì. Wekvt àngmaq nø vtvngshaq rìràá:mì nø̀ dádv̀ng wae. #Mak. 4:39 52Pàwá wani àngmaq nøt zaq rvtnø̀ pungwà kíng gǿ sv̀ng zidòng shvá:mò lòng sv̀ng gø àngmaqí mvcíng mvrà:lò.
Za vsv̀ng dvba:nò we
53Àngmaq nø kupa sv̀ng léshì ráì nø̀ Genesaret rvgaq sv̀ng tuqá:mì kvt, tìrìn yv́ng kùngshí vdǿ:nòe. 54Àngmaq kùngshí kèní léshì daqì dvgvp, wervgaq rìí Yesu sv̀ng chàng mvshv́l bǿà. 55Àngmaq nø wervgaq gùrgùr sv̀ng kvlv̀ngá:mì nø̀, Àng kayv́ng vl we tá bǿò nìnø weyv́ng sv̀ng za vsv̀ngrì pvlu taq baqa:tnà. 56Wamàrì nv̀ng mvrìngrì yv́ng gø, rvmá hv́ngrì yv́ng gø Àng kayv́ng tuqvm nìnø weyv́ng àngmaqí za rì nø gvttø̀m yv́ng vyà:lò nø̀, Àng mvdv̀m bèlaq mvtú wa za rì kaq shup dvzv́rlv́m Àng sv̀ng kórshìe. Wekvt shup lú:nò gǿ vrvm nø baná:mì. #Mak. 5:27,28; Dzr. 5:15; 19:11,12
ที่ได้เลือกล่าสุด:
Marko 6: GSM
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 6
6
Nazaret mvrìng rìí Yesu sv̀ng màtoò we
Mat. 13:53-58; Luk. 4:15-30
1Yesu nø weyv́ng kèní búng nø̀, Àng té lú:ngì we mvrìng sv̀ng vtv́ng ráì. Àng coqcv́nrìí gø Àng mèpvng cà:nòe. 2Narni taq, júrøt chø̀m yv́ng À:ngí shvngø:tnòe. Táò vsv̀ng mvme nø, dàá:mì nø̀ yadø wae. “Yapèí yadv́ng pv̀n nø kayv́ng kèní lú:nò má? À:ngí lú:nò we nø kapà zitnøt íe má? Jórnònggùn bv̀nlì yarì sv̀ng kadø wàò má? #Yoh. 7:15 3Yapè nø shǿngkø̀m rvmúshúpè wa mø̀í má? Mari àngcèpè mø̀í má? Yaku, Yose, Yuda nv̀ng Simon àngnvm vlatpè mø̀í má? Àngnvmmèla gø yayv́ng nøngmaq nv̀ng tiqdø à:lì we mø̀í má?” wa nø̀ Àng rvt nøt vtøpmá:mì.
4Íwe Yesuí àngmaq sv̀ng, “Kàdvtutshú sv̀ng nø kayv́ng gø vpǿòe. Íwe, vdè mvrìng, vdè rvprì nv̀ng vdè chø̀m vsv̀ngrìí nø màpǿò,” a:lòe. 5-6Àng sv̀ng àngmaq mvkv́m rvt Yesu dàe. Wervtnø̀ za we tiqmaq sv̀ng Àng wur hapshì nø̀ dvba:nò we wa mø̀í nìnø, dvgá dø jórnònggùn bv̀nlì kapà gø weyv́ng À:ngí wá mvlú:nò. Weyv́ng kèní gùrhøm vl we tiqmvrìng nø tiqmvrìng sv̀ng Àng di nø̀ shvngø:tnòe.
Tiqcé Vnípè dvzá:rò we
Mat. 10:1,9-15; Luk. 9:1-6
7Yesuí Tiqcé Vnípè sv̀ng Àng yv́ng goa:tnà dá:ngí, vnígǿ vnígǿ dvzá:ròe. Cáng kaq lùnglv́m vmíng vkv́ng gø À:ngí àngmaq sv̀ng zíòe. #Luk. 10:1
8Tvrà dvpvt dvrv̀ng wa mø̀í nìnø, mvzv́ng gø, dv̀nggúng gø, juqnv́m taq gv̀msùng gø, dvgá kapà gø mvlv́nglv́m, À:ngí dvká:mòe. 9Híshvnam nø dønshìlv́m, ínìgø bèlaq vnídùng mvgwashìlv́m dvká:mòe. 10Vrá àngmaq sv̀ng, “Kayv́ng ínìgø, kachø̀m sv̀ng ègòngv́mnø̀ng dvgvp, wemvrìng kèní mèbúngnø̀ng dv́ngte nàmaq nø wechø̀m taq èv̀lnø̀ng. 11Nàmaq sv̀ng mènàtonø̀ng nø̀, nàmaq kàrì sv̀ng gø mètáanø̀ng we kayv́ng vl nìnø, weyv́ng kèní èbúng daqnø̀ng kvt, àngmaq sv̀ng vchaqlv́m shvkse ílv́m rvt, nàmaq hípà dvtø̀l nàchaqshì ránø̀ng,#6:11 Yuda vtóng taq “akvt kèní nà nv̀ng mvsingá:mì” wa kà íe.” a:lòe.
12Wekvt wepèla búngá:mì nø̀, nøt língshì rà we mvshǿl dvsha:ngòe. 13Àngmaqí cáng gø mvme lùng bǿà nø̀, za we mvme gǿ sv̀ng zanlún yøtìí ma:tnò nø̀ dvbanaòe.#Yak. 5:14,15
Tìløp Yohan vgo tu:tnò we
Mat. 14:1-12; Luk. 9:7-9
14Yesu bø̀ng nø kayv́ng màyv́ng shv̀ngá:mì nø̀, Herot koqká:mí#6:14 Yesu gà:lò nila koqkv́m Herot àngcèpè íe. gø tá bǿà. Tiqmaqí nø, “Tìløp Yohan shì yv́ngkèní zun lú:ngì rvt jórnònggùn bv̀nlì yarì wàòe,” wae. #Luk. 3:19,20
15Tiqmaqí, “Àng nø Eliya íe,” wae.
Vrá tiqmaqí, “Àng nø darì kàdvtutshúrì dø í we tiqpè íe,” wae.
16Íwe Herotní tá bǿà kvt, “Ngàí vgo tut dvzv́rvpmà we Yohan wepè ni shì yv́ngkèní zun lú:ngì,” wae.
17-18Herot nø àngnvmpè Pilip chø̀mmè Herodia rvtnø̀, Yohan sv̀ng tvp dvzá:rò nø̀ dù:ngò dá:ngí, tung róng yà:ngà. Pàwá wani Yohaní Herot sv̀ng, “Nvnvmpè chø̀mmè èlushì lòng nø dvrá nv̀ng màbóng,” wa àngkvtkvt vl yà:ngà. #Lew. 18:16 19Herodia nø Yohan sv̀ng mvwv́mshì rvt shvt mvyǿ nìgø shvt mvlú:nò. 20Kadø íe wani Yohan nø døngman nø̀ shànshér vsv̀ng í we Herotní sháò rvt vpǿ svreò nø̀, àng sv̀ng ga:ròe. Yohaní shø̀:nò rì sv̀ng à:ngí tá lú:nò ke gvzà gónggi we í nìgø, àng kàrì sv̀ng gvzà tá neshìe.
21Wemèpvng, Herodia dvpvt yuqyà we àngni tuq ráì. Herot gà:lò àngni vhøm ráì kvt, gàmzø̀rì, cìldù vgorì nv̀ng Galili shaqrérì dvpvt v́mbóy dvgǿaòe. 22Herodia àngcèmè gòng ráì nø̀ lv̀m weí, Herot nv̀ng v́mbóy zaqlèrì sv̀ng dvbú dvzá:ròe.
Wervt koqkv́mpèí wemècè sv̀ng, “Nà èshòng we pà í nìgø, èrøtshì. Ngàí zílv́m íe,” a:lòe. 23Wedø wa mvtaq, “Nà kapà èrøtshì nìnø, ngà móngdàn tiqka høq í nìgø, ngàí zílv́m íe,” wa dvgv́mshìe. #Est. 5:3-6
24Wemècè búngá:mì nø̀ àngmè sv̀ng, “Ngà pà røtshø̀ng má?” a:lò ke àngmèí, “Tìløp Yohan vgo chvng èrøtná:mò,” a:lòe.
25Wekvt chàng koqkv́mpè yv́ngsv̀ng tiqdvshaqí àng gòngá:mì nø̀, “Bàn tiqgø̀m taq Tìløp Yohan vgo chv̀ng akvtni èzǿngà we sv̀ng ngà shònge,” a:lòe.
26Herot nø gvzà nøt dvshàá:mì nìgø, àng dvgv́mshì bǿì kà nv̀ng v́mbóy zaqlèrì rvt, wemècè røtkà sv̀ng màwáa mvdaqá:mì. 27Wervt koqkv́mpèí wela:ngí ni cìlcè tiqpè dvzá:rò nø̀, Yohan vgo chvng lvlv́nga:tnò dø dvká:mòe. Wepè búngá:mì nø̀, tung taq Yohan vgo tu:tnòe. 28Bàn tiqgø̀m taq Yohan vgo chv̀ng lv́nga:tnà nø̀ wemècè sv̀ng zí bǿà nìnø, à:ngí rá àngmè sv̀ng zí bǿà. 29Yohan coqcv́nrìí tá bǿà kvt, àngmaq dì ráì weí, àng vnàng lùò nø̀ dvgv̀m yv́ng kǿm bǿà.
Vsv̀ng 5,000 shvá:mò we
Mat. 14:15-21; Luk. 9:10-17; Yoh. 6:1-14
30Dvzv́rrì nø Yesu yv́ng kø̀m ráì nø̀, àngmaqí wàa:pmà rì nv̀ng shvngøtna:pmà rì shvngbe Àng sv̀ng dvtáòe. #Luk. 9:10; 10:17 31Vsv̀ngrì vtíshì we luq rvtnø̀, àngmaqí v́mpà v́m gø mvlú:nò høq íe. Wervt Yesuí coqcv́nrì sv̀ng, “Vsv̀ng màvl we tiqyv́ng nøngmaq wa dìì nø̀ narshìá:mì,” a:lòe.
32Wervt vsv̀ng màvl we tiqyv́ng sv̀ng kùngshí taq àngmaq wa dìá:mì.#Mat. 14:13-21; Luk. 9:11-17; Yoh. 6:1-13 33Ínìgø, vsv̀ng mvmeí àngmaq búngá:mì we yv̀ng bǿà kvt, Yesu nv̀ng coqcv́nrì í we shá bǿà. Wekvt wamàrì kèní vsv̀ngrì nø hí dangdang weyv́ng sv̀ng kvlv̀ng nø̀ àngmaq vzv̀ng dvtuqshì dá:rì. 34Yesu nø kùngshí kèní léshì daqì ke, vsv̀ng loksok lokga sv̀ng yv̀ng bǿà nìnø, àngmaq sv̀ng mvré lú:ngà. Pàwá wani àngmaq nø roqshú màdá we vyv̀ngré dø íe. Wervt, À:ngí àngmaq sv̀ng mvshǿl mvme pv̀n shvngøt pà:ngòe. #Dcr. 27:17; Ezk. 34:5; Mat. 9:36
35Nv̀m dø daqì ke, coqcv́nrì Yesu yv́ng dì ráì nø̀, “Yayv́ng nø rvgaq mvgung íe, nv̀m gø dø daqì. #Mak. 8:1-9 36Vsv̀ng loksokrì nø vtv́r rvgaqrì nv̀ng gùrhøm mvrìngrì yv́ng di nø̀ v́mlv́m lvwvnvm dø, àngmaq sv̀ng dèka:ngò lè,” a:lòe.
37Íwe À:ngí, “Nàmaqí shèv́mnø̀ng,” wa vtá:noe.
Àngmaqí Àng sv̀ng, “Dinari#6:37 Tiq dinari nø tiqni zìbè íe. vníyáí zidòng wa:nì nø̀, àngmaq sv̀ng túnaì ni má?” a:lòe.
38À:ngí àngmaq sv̀ng, “Nàmaq yv́ng zidòng kadv́ng chv̀ng vle? Èyv̀ngv́mnø̀ng,” a:lòe.
Àngmaqí yv̀ngá:mà dá:ngí, “Zidòng pungwàchv̀ng nv̀ng nga vnígo vle,” wa Àng sv̀ng dvtáòe.
39Wekvt Yesuí vsv̀ng shvngbe nø mvshø̀ng we shøntø̀m taq àngmvdò àngmvdò rúnglv́m dvká:mòe. 40Wervt vsv̀ngrì nø tiqyágǿ tiqmvdò, pùngwàcégǿ tiqmvdò wáshì nø̀ rúng bǿì. 41Yesuí zidòng pungwàchv̀ng nv̀ng ngagoní lá:ngò nø̀, muqlàng kaq dvjaqò sórí Gvray kaq oqà wae. Wekvt zidòng vmø:tnò nø̀ vsv̀ng shvngbe kaq túnalv́m coqcv́nrì sv̀ng tvleòe. Nga goní gø shvngbe sv̀ng vwálaòe. #Mak. 7:34 42Wekvt àngmaq shvngbe vm nø̀ vgàá:mì. 43Zidòng nv̀ng ngasha v́m vchéò we àngshirì sv̀ng coqcv́nrìí rvku:lò nìnø, tiqcé vníjvng dv̀n íe. #Drd. 28:5 44Zidòng v́m bǿì rì nø, lvngàré tétǿng rì wa pungwàkíng gǿ íe.
Tì mvdv̀m Yesu di we
Mat. 14:22-36; Yoh. 6:15-21
45Yesuí vsv̀ng loksok sv̀ng dvka:ngò la:ngí ni, coqcv́nrì sv̀ng gø kùngshí taq zv́ngshì nø̀ kupa Betseda mvrìng sv̀ng vzv̀ngzv̀ng léshìlv́m À:ngí dvzá:ròe. 46Àngmaq nv̀ng vkang weó Àng nø vjúrøtlv́m rvt mvrùl sv̀ng ngangá:mì.
47Døá:mì høq, kùngshí gø̀m nø tìnúngmè rvwè taq vle. Yesu nø vdàmpa taq Àng wa vle. 48Vzv̀ng lapkèní nv̀mbø̀ng vtit ráì rvt, shø̀ rvp dvshà we sv̀ng Yesuí yv̀ng bǿà. Sháng gárí dvgvp tìnúngmè mvdv̀mdv̀m àngmaq vl yv́ngsv̀ng Yesu dì ráì nø̀ àngmaq shvnvngnvng vlelv́m dv́nshìe. 49Tì mvdv̀mdv̀m Àng dì ráì we àngmaqí yv̀ng bǿà kvt, vshì íe lá:nò nø̀, chvnvnv́n vkiq lú:ngì. 50Àngmaq shvngbeí Àng sv̀ng yv̀ng bǿà nø̀ shérvkaq svreá:mì.
Íwe, wela:ngí Yesuí, “Nøt dvshá mvrà, Ngà ǿngàe. Mèsèrenø̀ngni,” a:lòe. 51Yesu nø kùngshí sv̀ng zv́ngshì bǿì kvt, nv̀mbø̀ng gø vnará:mì. Wekvt àngmaq nø vtvngshaq rìràá:mì nø̀ dádv̀ng wae. #Mak. 4:39 52Pàwá wani àngmaq nøt zaq rvtnø̀ pungwà kíng gǿ sv̀ng zidòng shvá:mò lòng sv̀ng gø àngmaqí mvcíng mvrà:lò.
Za vsv̀ng dvba:nò we
53Àngmaq nø kupa sv̀ng léshì ráì nø̀ Genesaret rvgaq sv̀ng tuqá:mì kvt, tìrìn yv́ng kùngshí vdǿ:nòe. 54Àngmaq kùngshí kèní léshì daqì dvgvp, wervgaq rìí Yesu sv̀ng chàng mvshv́l bǿà. 55Àngmaq nø wervgaq gùrgùr sv̀ng kvlv̀ngá:mì nø̀, Àng kayv́ng vl we tá bǿò nìnø weyv́ng sv̀ng za vsv̀ngrì pvlu taq baqa:tnà. 56Wamàrì nv̀ng mvrìngrì yv́ng gø, rvmá hv́ngrì yv́ng gø Àng kayv́ng tuqvm nìnø weyv́ng àngmaqí za rì nø gvttø̀m yv́ng vyà:lò nø̀, Àng mvdv̀m bèlaq mvtú wa za rì kaq shup dvzv́rlv́m Àng sv̀ng kórshìe. Wekvt shup lú:nò gǿ vrvm nø baná:mì. #Mak. 5:27,28; Dzr. 5:15; 19:11,12
ที่ได้เลือกล่าสุด:
:
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2025 Rvcv́ngcè Kàru Gomidi Kristu Shvngø̀mré. All Rights Reserved.