Rhufeiniaid 13
13
Dyledswyddau tuag at yr Awdurdodau Gwladol.
1Bydded pob enaid#13:1 Gan bwysleisio cyfrifoldeb pob un. yn ddarostyngedig#13:1 Y mae y pedwar gair hyn o'r un gwreiddyn, tassô, ‘gosod,’ ‘trefnu.’ i awdurdodau sydd drostynt; canys nid oes awdurdod oddieithr oddiwrth#13:1 Oddiwrth D F G; gan א A B. Dduw, a'r rhai sydd, gan Dduw y maent wedi eu hordeinio#13:1 Y mae y pedwar gair hyn o'r un gwreiddyn, tassô, ‘gosod,’ ‘trefnu.’. 2O ganlyniad, yr hwn sydd yn ymrestru#13:2 Y mae y pedwar gair hyn o'r un gwreiddyn, tassô, ‘gosod,’ ‘trefnu.’ yn erbyn yr awdurdod, y mae yn gwrthsefyll ordinhad#13:2 Y mae y pedwar gair hyn o'r un gwreiddyn, tassô, ‘gosod,’ ‘trefnu.’ Duw; a'r rhai a wrthsafant a dderbyniant farnedigaeth iddynt eu hunain. 3Canys nid yw y llywodraethwyr yn ddychryn i'r gwaith#13:3 Felly, א A B D F G Brnd.; gweithredoedd da … gweithredoedd drwg, Test. Derb. da ond i'r gwaith drwg. A ewyllysi di beidio ofni yr awdurdod? gwna y da, a thi a gei glod ganddo: 4canys gweinidog#13:4 Diakonos, gan bwysleisio cymmeriad uchel y swydd. Duw yw efe i ti er daioni; ond os gwnei y drwg, ofna, canys ni wisg#13:4 Gwisgai y Cesariaid gleddyf fel arwyddlun o'u gallu ymherodrol. Llefara Paul am lywodraeth ac awdurdod fel y cyfryw fel o osodiad Dwyfol, er y gallent gael eu camddefnyddio i'r graddau eithaf. Nero yn awr oedd Ymherawdwr Rhufain. efe y cleddyf yn ofer#13:4 ‘Heb achos’ neu ‘heb effaith.’ Y mae ganddo ei ‘gred‐lythyrau,’ ei awdurdod.; oblegyd gweinidog Duw yw efe, a dialydd er llid#13:4 ‘Y dialydd sydd yn dangos llid y llywodraethwr.’ i'r hwn sydd yn gwneuthur drwg. 5Gan hynny, angenrhaid yw ymostwng, nid yn unig o herwydd y llid#13:5 Hynny yw, y gospedigaeth., ond hefyd o herwydd cydwybod#13:5 Yr ymwybodolrwydd fod gan y llywodraethwr hawl i gospi trosedd.. 6Canys o achos hyn y telwch deyrnged#13:6 Teyrnged (phoros) yw yr hyn a delir gan genedl sydd ddarostyngedig i un arall. hefyd; canys gwasanaethwyr#13:6 Yn adnod 5 cawn diakonos, ‘gweinidog,’ yn yr hwn y pwysleisir un yn gwasanaethu ar ran Duw; yma, leitourgos [un yn gweithio dros y bobl], un mewn swydd gyhoeddus, fel offeiriad, &c., yn gwasanaethu ar ran y bobl. Duw ydynt, gan dalu sylw#13:6 Dyfal‐barhau, ‘ymegnio i,’ ‘parhau i lynu.’ Yr un gair yn 12:12. dyfal i'r peth hwn. 7Telwch i#13:7 Gan hynny, gad. א A B D. bawb eu dyledion; teyrnged#13:7 Teyrnged (phoros) yw yr hyn a delir gan genedl sydd ddarostyngedig i un arall., i'r hwn y mae teyrnged yn ddyledus; treth#13:7 Treth [telos, ‘toll’] ddynoda y trethoedd raid cu talu at gynnal y llywodraeth wladol; neu, teyrnged ar bersonau; treth, ar feddiannau., i'r hwn y mae treth; ofn, i'r hwn y mae ofn; parch, i'r hwn y mae parch.
Cariad ac ymarferiad Cristionogol.
8Na fyddwch mewn dyled i neb o ddim ond o garu bawb eich gilydd#13:8 Gan awgrymmu fod cariad yn ddyled arhosol. Mwyaf i gyd y byddom yn caru, mwyaf i gyd y bydd y ddyled o gariad yn aros.; ond yr hwn sydd yn caru arall#13:8 Llyth., y llall [heteros, un gwahanol]. sydd wedi cyflawni#13:8 Y mae cyflawniad yn rhagflaeni y weithred, ac yn y bwriad y mae y rhinwedd. y ddeddf; 9canys hyn: Na odineba#13:9 Y mae yr amser yn y dyfodol, ‘Ni odinebi,’ &c., Na ladd, Na ladratta,#13:9 Na cham‐dystiolaetha א; gad. A B D F G., Na thrachwanta; ac os oes orchymyn arall, cynnwysir#13:9 ‘Y mae yn cael ei symio i fyny,’ ‘gosodir yr oll dan y penawd.’ ef yn gryno yn y gair hwn, Câr#13:9 Fel y mae ffydd wedi cymmeryd lle ‘gweithredoedd y ddeddf’ rhwng dyn a Duw, felly y mae cariad i gymmeryd lle pob rhyw gyfammod cyfreithiol rhwng dyn a dyn. dy gymmydog fel ti dy hun. 10Cariad ni weithreda ddrwg i'w gymmydog; gan hynny cyflawnder#13:10 Plerôma, ‘yr hyn sydd yn llanw,’ yn cyfarfod yn hollol â holl ofynion deddf. deddf yw cariad.
11A hyn: gan wybod yr amser#13:11 Kairos, amser neillduol, ‘argyfwng,’ yn enwedig o hyn hyd Ddyfodiad Crist. ei bod eisoes yn bryd i#13:11 I chwi א A B C; i ni D E F G. chwi ddeffroi o gwsg; canys yr awrhon y mae ein hiachawdwriaeth#13:11 Nid ein cyflawn iachawdwriaeth i anfarwoldeb a gogoniant, yn gymmaint ag Ail Ddyfodiad yr Arglwydd. ni yn nes na phan gredasom. 12Y nos a gerddodd#13:12 Prokoptô, ‘estyn allan’ megys trwy guro â morthwyl, ‘myned ym mlaen,’ ‘gynnyddodd’ (Luc 2:52; Gal 1:14). ym mhell, ac y mae y dydd wedi agoshau; am hynny bwriwn#13:12 ‘Diosgwn a thaflwn ymaith fel yn annheilwng ac yn annghyfaddas i frwydr fawr bywyd.’ ymaith oddiwrthym weithredoedd y tywyllwch, a gwisgwn arfau#13:12 Y mae yr Apostol yn hoff o'r ffugyr (1 Thess 5:8; 2 Cor 6:7; Rhuf 6:1, 3; Eph 6:13, &c.). Yma, nid yn unig gwisgo dillad, ond arfau i'r frwydr. y goleuni. 13Rhodiwn yn weddus megys yn y dydd, nid mewn cyfeddach a meddwdod, nid mewn cyd‐orwedd ac anlladrwydd#13:13 Y mae y rhai hyn oll yn y rhif lluosog, ‘ymarferiadau o loddestwaith, meddwdod, godineb, ac anlladrwydd.’, nid mewn cynnen a chenfigen; 14eithr gwisgwch am danoch yr Arglwydd Iesu Grist#13:14 Fel ein harfogaeth i wrthsefyll a gorchfygu pechod. Yr adnod hon oedd offerynol yn nhroedigaeth Awstin., ac na wnewch rag‐ddarbod dros y cnawd, gyda golwg ar ei chwantau.
ที่ได้เลือกล่าสุด:
Rhufeiniaid 13: CTE
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Cyfieithiad Newydd o'r Testament Newydd gyda Nodiadau gan Dr William Edwards. Cyhoeddwyd mewn 4 cyfrol 1894-1915.
