II Thessalonike 1
1
1Paolo, nu Silvano, nu Timoteo, kwa kanisa lya waThessalonike mwa Mulungu Dadi witu nu Bambo Yesu Kristo; 2Neema kwinu ni kindamba kuhuma pa Mulungu Dadi nu Bambo Yesu Kristo.
3Tiyii ni misigilo kunsengusa Mulungu magono goha ndawa ya mwenga, walongo, umu yilinganila pakukita kiyitakiso kinu kiyonjakaseka muni, ni kiganano kya ayi yoha wa mwenga kwa yungi nu njini kiyolokela; 4mpaka tenga tawete tilumba pa mwenga pa makanisa ga Mulungu ndawa ya luyumalakilo lwinu ni kiyitakiso kinu pa mahumbuso na mafinyikiso goha gala muhumbusika nago; 5kalasiko kakupaula kwa kugoloka kwake Mulungu; nausi muwalangike walulinganila wa utwa wa Mulungu, pa mhalo wuwu muyufwana mahumbuso: 6ngati kugoloka ati pa Mulungu kupeleka mahumbuso kwa wala wawahumbusa, 7na kwa mwenga wakuhumbusika kupumulila pamonga na tenga, pa mafunukuliko ga Bambo Yesu Kristo kuhuma kunani pamonga na wakamalaika wa mbafu yake, 8pa lilambe lya mwoto, kuwalipilisa wala wangali kummanya Mulungu, na wala wangali kuyiyufwanila evangel ya Bambo Yesu: 9wala nawombe yalipalile kuyambulika, kuyanangika kwa miaka kuhuma pa kyene kya Bambo ni kuhuma pa kukwisika kwa makakala gake, 10pala yafike akwisike pa wawalafu wake, ni kuhikalika pa wala woha wakakeliti (ndawa ukayitikaliki ulungamakiso witu kwa mwenga) pa ligono lililalila. 11Kiyingalile pa iki tisali kawili magono goha kwa mwenga, kukita Mulungu witu awawalanga wakulinganila wa kikemeleko kinu, ni afwilanise kilondo kiyi kyoha kya kukita kinofu, ni lihengo liyi lyoha lya kiyitakiso, pamonga ni mbafu; 12nausi lihina lya Bambo witu Yesu likwisike mugati mwinu, na mwenga mgati mwa yombe, kwa ndingo wa neema ya Mulungu witu nu Bambo Yesu Kristo.
ที่ได้เลือกล่าสุด:
II Thessalonike 1: MGS1937
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
First published by the British and Foreign Bible Society in 1937.