Malumbo 145
145
1Ninekurumisha, Izuwa wangu, ee mfumwa: ninelitasia izina lako ndarasi na ndarasi.
2Misi yose ninekutasia: na nineliisisa izina lako ndarasi na ndarasi.
3Mzuri ni mbaha, na wa kuisiswa muno: na ubaha wakwe usiidima kutisiwika.
4Irika limwe lineliisisa izina lako mtana lingi: na lineitoranya mihiro mibaha yako.
5Ninekusara ghati ya ubaha urumishwe wa nganyi yako: na ghati ya marighio mako.
6Na wandu wenelia mburi ya mihiro yako yenye kuitusha: na nineutoranya ubaha wako.
7Weneteta lukumbusho lwa uwedi wako wingi: na weneivina mburi ya ngalo yako.
8Mzuri ni mwenye mvono, eizua lusario: mwanguhe hena kureghija, na wa lusario lwingi.
9Mzuri ni wedi hena wose: na masario makwe menyoie wanga ya ndima jakwe jose.
10Ndima jako jose jinekung’olia haika, ee Mzuri: na washenete wako wenekutasia.
11Wenelia mburi ya kirumi kya ufumwa wako: na weneitetia zinya yako.
12Wawatisiwije waana wa wandu mihiro mibaha yakwe: na kirumi kya ubaha wa ufumwa wakwe.
13Ufumwa wako ni ufumwa wa ndarasi: na kuitoria kwako kwaikaa ghati ya marika mose.
14Mzuri ewaimusha wose wala wegwa: ewawushija wose wala weinama.
15Meso ma wose mekuinda we: uwang’olia kidjo kyawo hena magheri.
16Wajughua mkono wako: waighusha vyose vina moo.
17Mzuri ni mwenye ngalo ghati ya nzia jakwe jose: na mwenye mvono ghati ya ndima jakwe jose.
18Mzuri ni afuhi na wose wemwitangia: wose wemwitangia kididi.
19Enefisha kukunda kwa wala wemwondoka: na enekisikia kiiyo kyawo, na enewakija.
20Mzuri ewarinda wose wemkundie: kake enewanyamara wawiwi wose.
21Itumbu langu lineteta luisiso lwakwe Mzuri: na muri ose ulitasie izina lakwe lishenete ndarasi na ndarasi.
ที่ได้เลือกล่าสุด:
Malumbo 145: TAVETA
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.