Malumbo 143
143
1Ulusikie luombo lwangu, ee Mzuri: usikije kusemba kwangu: hena luitikijo lwako unitalwe, na hena ngalo yako.
2Nete usiingie na wuchili na muzoro wako: amu msongorana wako teneoka mwenye moo mwenye ngalo.
3Amu mring’a eikinya ngoro yangu; eugusha moo wangu mtano na si: eniikaja na kija, sa wala wefwie kae.
4Hena iyo ngoma yangu yasokea ndeni hangu: ngoro yangu ndeni hangu ina wukiwa.
5Naikumbuka misi ya kae, nagheshijia ghati ya mihiro yako yose: nakusara ghati ya ndima ya mikono yako.
6Nakurongia mikono yangu: ngoro yangu ina ngiru hena we, sa isanga libundike.
7Usare kunitalwa, ee Mzuri, ngoma yangu yasokea; usiniwisie wusho wako: nisifwanane na wala wesee iwongoni.
8Unioshe kusikia lukundo lwako heyawo, amu nakuitikija: unitisiwije nzia iniwe kuitongia, amu nakuwushijia ngoro yangu.
9Unikije, ee Mzuri, ghati ya maring’a mangu: nakudindikia we nesa uniwise.
10Uniloshe kuketa sandu ukundie; amu niwe Izuwa wangu: ngoma yako ni wedi, unirongoje ghati ya isanga la wuirowili.
11Uniwushe, ee Mzuri, hena lwa izina lako: hena ngalo yako uing’ole ngoro yangu ghati ya wasi.
12Na hena ngalo yako uwachwe hae maring’a mangu, na uwanyamare wose weirisha ngoro yangu wasi: amu nimi muzoro wako.
ที่ได้เลือกล่าสุด:
Malumbo 143: TAVETA
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.