Isaya 12
12
Lwimbo lo Wulumbe
1Ne lizuwa lyolokuza lono wanhu wolokwimba wawe kutya,
“Nghukulumba 'gwe go Muwaha Mulungu!
Hamba wuwe wali wungholeywe likuwo,
ninga aluno wusindamice,
wulece kungholelwa kanyhi likuwo.
2Mulungu yo mhonelo yangu nomwitumbila mwene,
hamba si nokogopa cinji yaye.
Hambi Muwaha Mulungu,
nha yo kamhelaga 'ne vilungo no wusume,
kanyhi yo muponyi wangu.
3Ne wanhu wo Mulungu wasangalalaga lono yawaponya,
nha vyono malenga ge mbeho gamusangalazaga
mono yena nyhilu mwizuwa likali.”
4Ne lizuwa lyolokuza lono wanhu wolokwimba wawe kutya,
“Mulumbenyi Muwaha Mulungu!
Mucemelezenyi yamutazenyi!
Mugalonjele makungugo gose ze metumo gakwe!
Muwalonjele zo wuwaha wakwe!
5Mwimbilenyi Muwaha Mulungu
so metumo gakwe mawaha gono yetumile.
Ne wanhu wose wazihulice zo lukumyo lwakwe.
6Muwalekaje wose wono wekaye mu Sayuni,
wembe ne mazi mawaha wawe kutya,
Mulungu mono yelile we Waisilayeli, yo muwaha,
kanyhi yekalane ne wanhu wakwe.”
Cigogo Bible © Bible Society of Tanzania, 2002.