Exodo 37
37
Ja jastik oj makunuk b'a yoj snaj ja Dyosi
Ja skajonil ja trato
1-9Ja Besaleli, cho sk'u'lan ja skajonil ja trato sok jun te' sb'i'il acasia, sok ja yargoya'il jumasa, ste'il b'a oj likxuk ek'i, ja smajkil sti'i ya' ochyi k'anal tak'in sok sk'u'lan kan chab' yanjel querubin ja Dyosi. Spetsanil jach' sk'u'lan ja jastal alji yab' yuj ja Dyosi.
Ja smesa'il ja waji
10-16Ja Besaleli cho sk'u'lan ja smesa'il ja waj sb'a Dyosi, sok te' acasia, ya' och kanyi ja yal ste'il b'a oj likxuk ek' soki, spetsanil ja jas oj makunuk ja tiwi, toj k'anal tak'in.
Ja kandelerio toj k'anal tak'ini
17-24Ja Besaleli, sk'u'lan ja kandelerio toj k'anal tak'in sok juke yajlub' cho jach'ni sk'u'lan juke smoj ja ajlub' iti. Yuj ja jastik ch'ak sk'u'luki, yi'aj yuj jun tajb'e lajune sok oxe (33) kilo k'anal tak'in.
Ja yaltaril ja pomi
25-28Ja Besaleli, sk'u'lan ja yaltaril ja pomi sok te' acasia, cho ya'ni ochyi ja yal ste'il b'a oj likxuk ek'i.
Ja aceite sok ja pomi
29Ja Besaleli, schapa ja aceite it tsa'ub'ali, sok ja pom it jel x'ajb'ani yik'ili. Jach' sk'u'lan jastal wa xtojb'i ja lekil perjume.
Spetsanil ja iti, jach' tojb'i ja jastal ch'ak aljuk yab' ja Moises yuj ja Dyosi.
ที่ได้เลือกล่าสุด:
Exodo 37: YABD
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Sociedad Bíblica de México 2021