Exodo 35
35
Ja ab'al b'a sk'ak'u'il jijleli
1Ja Moisesi, stsomo sb'aj sok ja israelenio jumasa, yala yab' ja yab'al jumasa ja Dyosi:
2—Ja we'nlexi, wake k'ak'u oj b'ob' a'tijananik, jaxa b'a sjukili, jun k'ak'u tsa'ub'al oj ja wil'ex. Ja k'ak'u jawi, oj jijlanik ja oj ja toy'ex ja sb'i'il ja Dyosi. Ja ma mi oj sk'u'uk ja ab'al jumasa iti, oj milxuke ele. 3Chikan b'a ayex ja k'ak'u iti, mi oj b'ob' a tsom wa k'ak'exi.
Ja limosna b'a oj tojb'uk sok ja na'its b'a oj toyxuk ja Dyosi
4Ja Moisesi, yala yab' ja israelenio jumasa ja tuk yab'al ja Dyosi:
5—Wax k'ana oj ja tsom'ex jun limosna ja janek' waxa k'ana oj ja wa'wex b'a snaj ja Dyosi. I'ajik jan k'anal tak'in, sakal tak'in sok bronce; 6sok k'u'uts b'a yelaw chak muk muk, b'a k'ik' muk muk, b'a chak lek; k'u'uts b'a lek, tso'otsil chivo, 7ts'ujmil chej b'onob'al sok chak, tuk ts'u'um b'a lek; sok te' sb'i'il acasia, 8aceite sb'a ajlub', perjume sok aceite b'a tsa'ub'al, pom b'ax ajb'ani yik'il, 9ton sb'i'il onise b'a tuktukil yelaw sok tuk ton b'a tsamal lek b'a oj tojb'uk ja spal k'u' sok ja schompa ja pagre jel niwak ja ya'tele'i.
Ja jastik wa xmakuni b'a snaja ja Dyosi
10-19—Spetsanil ja israelenio jumasa ma oj b'ob' sk'u'l tuktukil a'teli, ye'n oj jakuke b'a oj stojb'ese ja na'itsi sok ja jastik oj makunuk b'a yojoli: Skajonil, skandelerio'il, smesa'il wa'el sok spetsanil ja jastik oj makunuki. Jachuk ja spatyo'ili, jel t'ilan oj makxuk lek, b'a jach' makan oj ajyuk spetsanil ja jas tey b'a yojoli: Jastal ja yaltar b'a oj tsikxuk yi ja smajtan ja Dyosi, sok ja ye'tal bronce, sok spetsanil ja jas wa xmakuni, ja k'u'al jumasa sb'a pagre, ja pom jel x'ajb'ani yik'ili, sok ja aceite it mi tukuk ja scholi. Spetsanil ja it jumasa ja yala ja Dyos oj k'u'laxuk.
Ja kristyano yi'aje och ja slimosna'e'i
20Spetsanil ja kristyano jumasa spila sb'aj sok ja Moisesi. 21-26Tsa'an, spetsanil ja ma wa sk'ana oj ya'yi ja slimosna ja Dyos b'a oj tojb'esxuk ja na'itsi, sok ja sk'u' ja pagre jumasa. Spetsanile yi'aje och ja jastal smajtan ja Dyosi, winik ixuk waj ya'wekan spetsanil tik'e yal tak'in b'a ay yi'oj k'anal tak'in, k'u'uts b'a yelaw chak muk muk, b'a k'ik' muk muk, b'a chak lek, k'u'uts b'a lek, ts'ujmil chej, ts'ujmil chivo, sok tuk ts'u'um b'a lek. Ay ma yi'aj och sakal tak'in, bronce, te' sb'i'il acasia, ay ixuke ma yi'a och ts'isub'al sok jalub'al tso'otsil chivo.
27Ja ma' niwan ja ya'tel yuj ja israelenio, yi'aje och ton sb'i'il onise, sok tuk tsamal ton jumasa, b'a oj tojb'uk ja sk'u' sok ja schompa ja pagre jumasa. 28Cho yi'aje och perjume, aceite b'a ijlanub', ja aceite it tsa'ub'ali, pom b'ax ajb'ani yik'il.
29Spetsanil ja israelenio, winik ixuk yi'aje och ja slimosna'e' b'a oj tojb'uk ja jastal wa sk'ana ja Dyosi, ye'n ch'ak ya'we yi b'a sk'ab' ja Moisesi.
Ja ma'tik tsa'ji b'a oj a'tijuki
30-35Ja Moisesi, ti yala yab' ja israelenio jumasa:
—Maklayik lek ja jas oj kal a wabyexi. Ja Dyosi stsa'ata chab' a'tijum ja ma' oj b'ob' ya'telta ja snaji. Ja' stsa'a ja Besalel sb'a k'ole sb'a Juda, jaxa juni ja Oholiab sb'a k'ole sb'a Dani, ye'n ja Dyos ya'oj yi ja ya'tele b'a oj sk'u'luke ja a'tel jumasa b'a te'i, stojb'esjel k'u'uts b'a chak muk muk, k'u'uts b'a k'ik' muk muk, b'a chakal k'u'uts, sok k'u'uts b'a lek, ja'ni b'a oj b'ob' ts'isxuk sok chikan jas tik'e a'telili. Jach'ni, cho ak'ub'al sneb'e b'a oj sje'e yi pilan ja a'tel jumasa wa sna'awe'i.
—Ja Besaleli tey sok ja Yespiritu ja Dyosi, cho ak'ub'al yi sna' b'a oj sna' lek ja a'tel jumasa, b'a oj sb'is ja k'anal tak'ini, ja sakal tak'ini, ja bronce, wa sna'a lek ya'teltajel, wani sna'a lek ya'jel sta' schol ja yal tsamal toni, jach'ni ja te' jumasa.
ที่ได้เลือกล่าสุด:
Exodo 35: YABD
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Sociedad Bíblica de México 2021