IINDUMISO 54
54
Ukucela ukukhuselwa ezintshabeni
Kumbhexeshi-kwayara; ikhatshwa ziintambula; umbongo kaDavide, ngexesha amaZiti exelela uSawule ukuba uDavide uzimele kuwo.
1Ngegunya lakho ndisindise, Thixo;
ngamandla akho undikhulule.
2Wuphulaphule umthandazo wam,
sive isikhalo sam, Thixo.
3Iintlanga ziyandihlasela;
izikhohlakali zizungula ukundibulala.
Zona azimkhathalele nganto uThixo.
4Kodwa ke umncedi wam nguThixo,
umxhasi wam nguMhlekazi.
5Ngamana wayibuyisela kwasezintshabeni zam inkohlakalo yazo.
Zibhangise, kuba uthembekile wena.
6*Ndikhoyo, ndilangazelela ukukwenzela umbingelelo.
Ndiyabulela kuwe, kuba wena ulungile.
7Kuzo zonke iingxaki zam wena undihlangule;
ukoyiswa kweentshaba zam ndikubone ngamehlo.
ที่ได้เลือกล่าสุด:
IINDUMISO 54: XHO96
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Bible Society of South Africa 1996. Used with permission. All rights reserved.