Mbete 1 Kɔrenteri 2
2
1-2Kaŋ mí a bi ra yi̧n biri gina bi a titilu ké ta̧w woiri ra mi ten ɓay ké mu̧h law Ŋgerzah ra hi̧ wuri lah. Mi ka-kah-u ke ru̧na ya pi, ke dekle ɓay ya pi, ɓayu ké mi mbi tul bi ɓay tu fe a hani-u ké sakra woiri ya. Sa ɓa Ŋgermbay Zezu ké mi tu ni ɓa Ŋgermbay ké hu ké tul kpuh vbatay.
3Mi gi ta̧w woiri ke ŋgerna ya, mi gi ta̧w woiri kandɔk gun ké gi ke hȩkme, ke mun tona a luki. 4-5Ɓay ɓahna bi, ká-kah ɓay bi ta ɓa ru̧na ké rah nzuk ya. Le ɓa Tem mí ten ketina ɓayu ke huhrumun ɓay hi̧ law woiri ɓá te sa tul ru̧na nzuk pirmatulri ya. Le ɓá te sa tul huhrumun Ŋgerzah ma. 6Ɓay a ru̧-u gaŋ mí nah ɓah hi̧ nzukri ké ŋger da. Ru̧na-u ta ɓa sam ru̧na a tukala-ay ya, ta ɓa sam ru̧na mbay tukala-ayri ya pi. Sew a tukala ƴo kalna. 7Wara mí nah ɓah ɓay ru̧na Ŋgerzah ké sa̧wu mu̧-mu̧h. Ru̧na-aw ra ɓa riŋ ɗina wah ké Ŋgerzah lek ke titilu da̧y kaŋ. 8Ru̧na-aw ra mbay tukala-ay mbew ké tu-tu ta-a. Ku tu ra tu le, ku ta ɓar Ŋgermbay nzuk sa̧w riŋ ɗina ra ké tul kpuh vbatay ya. 9Wara mí
fe ké nun nzuk ko bɔk mbew ya,
fe ké suk nzuk lah bɔk mbew ya,
fe ké law nzuk ker bɔk mbew ya
ɓa fe ké Ŋgerzah lek ɓay tul nzukri ké sa ni,
kandɔk kú-u vbeh ɓil mbete lewsa̧.
10Bale Ŋgerzah hi̧ Tem ye ten sa̧w ru̧na-u hi̧ na, ɓayu ké Tem tu law Ŋgerzah tu-tu, kerɓay ye a ɗih-uri kara ke tu-tu pi.
11Nzuk ké tu fe ké na ɓil law nzuk a ɓoru ta-a. Sa ɓa nzuku mí tu fe ké na ɓil law ye. Kaŋ pi mí nzuk ké tu fe ké na ɓil law Ŋgerzah ta-a. Sa ɓa Tem ye mí tu kerɓay ye. 12A wah ra Tem ké ƴo ziŋ na ra ta ɓa tem záh a tukala-ay ya. Le nah ziŋ Tem ké ur ké ta̧w Ŋgerzah wah ké hi̧ nah tu lawsuki ké Ŋgerzah hi̧ na ke law rihna. 13Lawsuki ké Ŋgerzah hi̧ na ra mí nah ƴo sɔk nzukri lawsuki-u ke sam ru̧na a nzuk pirmatul ya. Le nah ƴo sɔk nzukri lawsuki ra ke ru̧na a Tem. Nah hekre feri ké si ke Tem ƴo sɔk nzukri ké Tem Ŋgerzah ƴo ziŋ niri ko. 14Nzuk pirmatul a sa̧w som siɓa mgba ɓay Tem Ŋgerzah ya. Ɓayu na ni ɓa kɔk ɓay. Ke mah tu-u kara ya pi ɓay fe le, a ye Tem mí ke ƴo hi̧ nzuk fakla ɓay ye ko. 15-16Nzuk pirmatul a sa̧w Tem ba, fakla ɓayri gbam. A ye ra nzuk a ɓoru ké ɓay fakla ɓay ye ko ta-a ɓayu ké a ge mí mah tu kerɓay Gaŋ tul feri riw ? A ge mí mah hi̧ ni nzak hewna le ? #2.15-16 Ɓayay na ɓil Mbete Esaïe 40.13. A wah ra nah ƴo wuri ke kerɓay Ŋgermbay gaŋ.
ที่ได้เลือกล่าสุด:
Mbete 1 Kɔrenteri 2: SIAFNK
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Wycliffe Bible Translators, Inc. All rights reserved.