Israelfɔ Ɩlʋ 99
99
Anɩ Bulu Amʋ Lɔwankɩ
1Nana Bulu gyi owie, ɔmá-ɔmá bʋkpɩnkɩ.
Otsie mʋ obiasʋ akerubsʋ.
Ɔsʋlʋ fɛ́ɛ́ ɩkpɩnkɩ kpakpakpa.#Eks. 25:22
2Nana Bulu lomoni Sion wulutɔ.
Ɔlɔfʋa dʋn ɔmá-ɔmá.
3Bʋkanfʋ fʋ ɩda ánɩ́ ɩbʋ ifu,
ɩbʋ wanwan.
Fʋ mʋ́ fɔwankɩ!
4Owie Otumipʋ, fʋtekle asʋngyi ɔnɔkwalɩsʋ,
Fayaɩ asʋngyi ɔnɔkwalɩsʋ mʋ́a yilebwɛ Yakob ɔmátɔ.
5Mlɩtsu Nana Bulu, anɩ Bulu amʋ fʋa.
Mlɩda akpawunu mʋ ayabiasɩ.
Ɔlɔwankɩ!
6Mose mʋa Aaron bɔbwɛ mʋ igyi ahapʋ.
Samuel lɔbwɛ aha amʋʋ bosu kpoli mʋ amʋtɔ ɔkʋlɛ.
Bosu kpoli Nana Bulu, ɔlɔsɔ amʋ́ ɔnɔ.
7Ɔlɔtɔɩ tsʋn agyindeá ilotswii lɩɩ fɛ ɔkpabitɔ ha amʋ́.#Eks. 33:9
Begyi ɔnɔá ɔlɛlɛ pʋ́ amandɩɛá ɔlɔpʋha amʋ́sʋ.
8Oo Nana Bulu, anɩ Bulu, fɔsɔ amʋ́ ɔnɔ.
Buluá otesikie fʋgyi ha amʋ́,
tamɛ nɩ bɔpʋ lalahɛ gyi fʋ a, fʋtɛka amʋ́ ɩkɔ.
9Mlɩtsu Nana Bulu anɩ Bulu amʋ fʋa.
Mlɩsum mʋ mʋ onuto ɩbʋ amʋsʋ.
Tsufɛ Nana Bulu anɩ Bulu amʋ lɔwankɩ.
ที่ได้เลือกล่าสุด:
Israelfɔ Ɩlʋ 99: nko
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation