Israelfɔ Ɩlʋ 98
98
Bulu Ɔba Begyi Ɔyɩ Asʋn
Kanfʋ-ɩlʋ.
1Mlɩwa ɩlʋ pɔpwɛ ha Nana Bulu,
tsufɛ alabwɛ ofula!
Mʋ tumi pʋ́ mʋ ɔwʋnlɩn
lagyi ɩsʋ ha mʋ.
2Nana Bulu laha babɩ mʋ nkpahɔ.
Alalɛ mʋ yilebwɛ suna ɔmá-ɔmá.
3Ɔmɛtan mʋ ɔdwɛá ɩma ɔka
pʋ́ ɔnɔkwalɩá ɔbʋ ha Israel woyisʋ.
Aha bawun anɩ Bulu ɩsʋgyi yewie ɔyɩ ɔka.
4Ɔyɩtɔ aha fɛ́ɛ́, mlɩtswɩ ope ha Nana Bulu,
amlɩkplʋn ansigyisʋ wa ɩlʋ kanfʋ mʋ.
5Mlɩda ɔsankuo, wa ɩlʋ kanfʋ mʋ.
Mlɩda ɔsankuo, amlɩpʋ ɔmɛ dɛdɛ wa ɩlʋ ha mʋ.
6Mlɩfʋlɩ ɩkpɛ mʋ́a akufa-nsiebi,
amlɩpʋ ansigyi tswɩ ope Owie Nana Bulu ansɩtɔ.
7Ɔpʋ mʋ́a mʋ́tɔ atɔ ɩlɛ ɔnɔ.
Ɔyɩ pʋ́ mʋ́tɔ atsiapʋ ɛ fɛ́ɛ́ abʋsʋra okitikiti.
8Ntsu akpɔnkpɔntɩ bʋda apian,
abʋ fɛ́ɛ́ ɩwa ɩlʋ wa abatɔ,
9Nana Bulu ansɩtɔ,
tsufɛ ɔba begyi ɔyɩ asʋn.
Obégyi mʋ́ yilebwɛ ɔkpasʋ,
gyi ɔmá-ɔmá asʋn kɛkɛ.
ที่ได้เลือกล่าสุด:
Israelfɔ Ɩlʋ 98: nko
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation