Israelfɔ Ɩlʋ 61
61
Dɩnka Owie Nkɛsʋ
Dawid kanfʋ-ɩlʋ ha ɩlʋ osunapʋ. Bɔ́pʋ ɔsankuo da mʋ́.
1Oo Bulu, nu mɩ isu.
Yaa asʋ afʋnu mɩ mpaɩ.
2Nlɩɩ ɔsʋlʋ ɔka tsutsuutsu, ndesu kpoli fʋ.
Asʋn ladʋn mɩ klʋn,
tsu mɩ lɩɩ bʋta fʋahɛsʋ.
3Tsufɛ fʋgyi mɩ ɔtanʋkpa,
obu fʋahɛá iletri mɩ alupʋ sʋ.
4Ha mɩ antsia fʋ otsiakpa brɛ fɛ́ɛ́!
Mɩ anya ɔtanʋkpa fʋ abambasɩ. Ɩya.
5Tsufɛ Bulu, fanu ɩkɔá notsula ha fʋ.
Fapʋ aha ánɩ́ bʋtenya fʋ ɩda ifu ogyikpa ɩkʋ ha mɩ.
6Dɩnka owie nkɛsʋ,
mʋ abi-aná abʋdan tʋ mʋ.
7Oo Bulu, ha mʋ ogyi iwie fʋ ansɩtɔ brɛ fɛ́ɛ́.
Ha fʋ ɔdwɛá ɩma ɔka pʋ́ ɔnɔkwalɩ ɩkpa mʋ.
8Mɛnɩ nɔ́wa ɩlʋ kanfʋ fʋ ɩda brɛ fɛ́ɛ́,
brɛá ndɛ mɩ ɩkɔá notsula ka ekekegyiɛkɛ.
ที่ได้เลือกล่าสุด:
Israelfɔ Ɩlʋ 61: nko
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation