Israelfɔ Ɩlʋ 53
53
Aha Lalahɛ Bɛɛ, Bulu Má Ɩnʋ
Dawid atosuna ɩlʋ ha ɩlʋ osunapʋ. Bɔ́wa mʋ́ nwɛsʋ.
1Aha mimlahɛ nkʋlɛ dɛ amʋ́ ɩwɩ bla bɛɛ,
“Bulu má ɩnʋ.”
Bayinta, bamli mbusuo abɔpʋ.
Ɔbakʋlɛ kʋraa mɛ́dalɩ amʋ́tɔ.
2Nana Bulu tɛkɩ anyankpʋsa fɛ́ɛ́ sɩsɩ tsu ɔsʋsʋ,
kɩ bɛɛ, menya ɔtɩansɩpʋ ɔkʋá otodunka mʋ ɔkpa.
3Amʋ́ fɛ́ɛ́ badamli ɔma ha Bulu.
Amʋ́ fɛ́ɛ́ bafwɩ ɔkpa.
Yile ɔbwɛpʋ ɔkʋkʋ má ɩnʋ.
Ɔbakʋlɛ kʋraa mɛ́dalɩ amʋ́tɔ.
4Nana Bulu ɔbɛɛ, “Mʋ́ sʋ lalahɛ abwɛpʋ bʋmóonu asʋn asɩ ɛkɛkɛɛkɛ?
Bʋdɛ mɩ aha wɩ fɛ iye bʋdɛwɩ,
bʋtamasu kpoli mɩ.”
5Ɩnʋ ifu bɛ́kɩta amʋ́ ɔtɩnɛá ifu ɩma,
tsufɛ Bulu ɔbɛ́da Israelfɔ alupʋ awú saɩn.
Pɛlɩ bɛ́kɩta amʋ́, tsufɛ Bulu lakpa amʋ́ ɔma.
6Nhɩɛ ndɛ Bulu kokoli mbɛɛ,
ɔkʋ otsu Sionbʋsʋ bɔhɔ Israelfɔ.
Ɛkɛá Bulu ɔbɛ́latsu mʋ aha kʋsʋ a,
ɩhɩɛ wa Yakob abi-aná ɔdwɛ, ansɩ ɩhɩɛ gyi Israelfɔ.
ที่ได้เลือกล่าสุด:
Israelfɔ Ɩlʋ 53: nko
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation