Nahumu 3
3
1Matiasalregesege, kikai papacai ki umawmase ka cekele!
Palraelre kai ki cekele swaete ku lrulrucukane si ku ngikarakacanane;
ku aravasane ribici, ka kadrwa ku tapalikaiyane.
2Twasitiisiti ku lingau ki salrumalrumai ki rigi, akwadrau ku lingau ki palridringi lu katwatwase!
La lrakuthukuthulu ku la tarakikaruburu ku rigi, mia ki ngiapalapaalai ku sakikaruburane ka palridingi!
3Ku ngwarigirigi ku kwapingi matwase aswala kikaruburu, ku lrabu si dramu walikaliikathe!
Ku lakinawmasane ki wapacai maabate alregelrege, kaika amaka asiasipane ku culrale ki wapacai;
ku laumawmase mwacucusu si ngwadreke ki lakinawmasane ki wapacai.
4Ku tiatiama ki swa Ninivi lri kipathavungu;
ku tharirane kwini ki alisu wathalrebeethebe ki umawmase.
Ku nganganeini walrilrigili ki lakuni;
ku tulrisini watavuvulrucu ki sanaka zuku.
5Ku Tamatama ka abebeelengenga ki sanaka kwapingi amia kai:
Swa Ninivi, lri pathavungaku muswane;
lri ulaimadhaku patuelre muswane,
lani drele kai lakuni ku kinawmasanesu,
lani drele sanaka umawmase ku takiarubwananesu.
6Lri pakiarurubwanaku muswane, la malra ku makudrulru ku lamanemane si cilri pwa ki kinawmasanesu;
ku umawmase lai lri pangu kasamaali lengethe muswane.
7Ku wadrele muswane ku umawmase lri siwlri mubere.
Kwi lalasu amia kai: Acinilrianenga Ninivi!
Aneane ku lri kisapalra iniane?
Aneane ku lri ubangalre sasa iniane?
8Swa Ninivi, magagarangesu ki tangadrane ki swa Izipiti ka cekele Thibise? Kwi alisu mialri ikai ku kadravane ngithalringulu iniane, mia ki balingibingi lakebe iniane, kai Nile kadravane amani ku satelengane iniane. 9Ku swa Kuse si swa Izipiti amani ku pukuini; kadrwa ku talikaiyane ku lrekemeini. Ku swa Pute, si swa Lribia la sitalragi iniane. 10Ai ku umawmase ki swa Tipise lri kiravase mwa ki maelane ka kuni. Ku lalalake lini lri kicilri kipapacai pikai ki kadalranane ki cekele; ku tabebelenge lini si la matiausakene ka umawmase lri kikerenge ara kicikici, si kiiluku ki umawmase, mia ki lawbubulu kimavalavala.
11Swa Ninivi, lri mialrisu kabusuku si kamilringi; la mialrisu api ubebere ki badhasu. 12Ku kepale ki cekelesu lri ngimia ki icizike ka angatu, suete ku madru ka malremenga, sana ngivelevele kwini angatu, ku madru lri mururu mwa ki ngudui ki umawmase. 13Ku tarakikaruburu ka kwapingisu makanaelre lri ngimia ki twaraamuru ka ababai. Lri kaisu maka tumane icucubungu ki badha si palakebe ki lrawlrawdru ki cekele; ku apwi lri lama ki sadrukurane. 14Lri mwalrusu, si padulru ku akelane ki badha lringulu! Kusu aru drima pakakecenge kai satelengane! Kusu thalrea ku dae si tulringiga, padulrwa ku sapatwalravane tulringiga! 15Adravane tungitwatumanesu, lri kilaamana si pacai, lri kipapaacai. Lri miasu ki taleke kikane eleme ki apapawku.
Ku siaswalane, lu tulalakesu mia ki apapawku ku ridarane edhale; 16ku piasu ku lawbubulu makakalra ki tariau belenge. Ai kikainga maulrawnga, mia ki apapawku ka ngiapalai katwase. 17Ku tabebelengesu mia ki twaredededele ka apapawku, lu kakecelre yasadra ikai ki balingibingi, sana lrau ku vai la katwase ngipalai makanaelre; laka kadrwa ku umawmase ku wathingale ku tamwane.
18Tinuhika ki swa Asiria, ku latabebelengesu wapacainga makanaelre; ku lakiamatikaikai ka tabebelengesu lri apecenga palralrawthu. Ku laumawmasesu wasarau ikai lregelrege, kadrwa ku umawmase ku waililuku liniane kainganai. 19Ku dulasu kaika amaka sulravanenga; ku takadulanesu kai lri maka udringainga. Sanaka kialalra ku takipakamudanesu ku umawmase lri carecare kiraragai. Aneanenga ku maka mwabere ku kadrwa ku sasadra ku ngikarakacananesu?
ที่ได้เลือกล่าสุด:
Nahumu 3: NDV
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© The Bible Society in Taiwan, 2017
All rights reserved
© 臺灣聖經公會版權所有，2017