ข้อพระคัมภีร์ยอดนิยมจาก SALMOS 103

แบ่งปัน

We ḻawa' X̱anžon' ḻen dot yichj ḻáẕda'wa', na' bi gaḻ ḻaža'a da' chawe' da' bene' chia'.

Ženít ḻawe' yógo'te doḻa' da' nbaga'a. Žeyone' neda' chegak yógo'te yižwé' ka' da' yoa'a. Žape chi'e neda' nich bi gata'. Ḻo yeḻa' ži'i ḻaže' chie', na' yeḻa' žeyache' ḻaže' chie' ẕka'n chawe'e neda'. Ẕzanḻi'e da' chawe' ka' da' žákgaken chia' nich yeyaka' ka to benne' yiz kwide', na' benne' waḻe kan žak che to bsia.

We ḻawa' X̱anžo Dios ḻen dot yichj ḻáẕda'wa'. We ḻawa' La la'y chie' ḻen dot da' naka'.

Kan nak x̱a x̱kwide' ka' ži'i ḻaže' ḻen ẕi'nkze' ka', kikze nak X̱anžon' ži'i ḻaže' ḻen benne' ka' žápegake' Le' ba la'ne.

Ka nak zi'to' gan ẕḻa' wbíž, na' gan ženen, kikze ẕkwase' zíto'le doḻa' da' nbága'žo.

X̱anžon' žeyache' ḻáže'le', na' nži'ile' benách ka'. Nake' ẕen ḻaze', na' nží'iḻe'ele' benách chie' ka'.

Bi žebi'e chežo ka nak ẕia da' nbága'žo, na' bi na' wžía yi'e žo'o ni'a che x̱tóḻa'žo. Ka nak sibe ya'abá ḻawle yežlyó, kikze nak yeḻa' ži'i ḻaže' ẕen chie' ḻen benne' ka' žápegake' Ḻe' ba la'ne.

Bzoa X̱anžon' latje chie' ya'abá gan ži'e ẕnna bi'e. Nakkze' Benne' Wnná Bia' Ẕen ḻáwlegak da' zej den.