ข้อพระคัมภีร์ยอดนิยมจาก Luki 3

แบ่งปัน

Waarinŋ wɔ̀ ru, Yuhana bo-ri nkasu ki ru sun kì, konaŋ ki bataa wuru a wu-a ntiŋ gbɛ. Yesu yɛrima ki i na a wu. Yesu wumaan ki kɔɔtɛ, ntiŋ i a bo Kirinŋ nafɛ sun. Ntiŋ tu-i niŋ na, kirinpɔli ki i nawwulu. Ɲiniwɔlinŋ ki i ji miŋ tu kilaaŋ fɔ, ŋì i jɛri ntiŋ sun. Wulu bɛɛ i po kirinpɔli ki ra, ŋì i ǹʼbi : « Miŋ i míŋ dintɛ Danshuru ki i. Miŋ bi ki gbɛ-i míŋ gbɛ haali. »

Niŋ ki ra, Yuhana i ǹʼbi kí bataa tɛ : « Míŋ i ábɛɛ wu-a ju ra, nka koŋ bɛɛ yirira i nmaŋ, nwɔ̀ wɔ so ki gbɛ-i mɔ́ɔ́n ki wu, míŋ ŋuniŋ kuru-i niŋ wɔ kari yaa pilitɔnŋ i. Niŋ a na ábɛɛ wu Ɲiniwɔlinŋ ki fa tuu ra.

Á bi shɔɔrinŋ ni ma, nwɔ̀ri ra ǹʼji tu ábɛɛ ntɔri bi áwɔ bijɛ kiri ra. Á fa ǹʼsunu tu ábɛɛ Aburahamu daŋ ni i, tu niŋ a ábɛɛ mwu kì dɛ! Míŋ a ǹʼbi ábɛɛ tɛ, tu nupobi ki ji i, ńʼtu Kirinŋ a so kwɔ kari ji-i Aburahamu daŋ ni i.

Á á yɛri paka tɔ dɛ! Pulu ki fɛshi-i jirinŋ ki fa a kanaŋ ki kwurumaanna ki tɛ kɔ. Jirinŋ finŋ woo finŋ daŋ shɔɔrinŋ pa-a kì, niŋ bataa ra kwuru bo tuu ru. »

Niŋ ma-i, miŋ tu ǹʼsɛbɛ-i Kirinŋ wɔ cintɔnŋ Esayi wɔ sɛbɛ ki ru ɲaan wɔ̀ tɛ tu : « Koŋ bɛɛ i fali-la jaŋ ki faninmwuŋ tu : ‹ Á Ŋuntiŋ ki wɔ saa ki ramɔni, á i ǹʼwɔ saa pyaanŋ kiri teli. Kukuta kiri bataa ra na naye, tɔnŋ kiri fa tintiŋ kiri bataa ra na gwu kɛɲɛ. Saa kɛrimaan kiri bataa ra na teli, demaŋ jɛ kiri fɔn i ramɔni. A niŋ ma, koŋ bataa ra na Kirinŋ wɔ koŋ mwuka ɲaan ki ja. › »