ข้อพระคัมภีร์ยอดนิยมจาก 2 MONYE 1

แบ่งปัน

Ushindzi wa shiungu wahe uriv̄a piya zalazimu uhusu uhayati na ĩɓada, ha urijudza Monyewe urihira ha utukufu na uwema wahe monyewe. Ha wizo ariv̄a zinguwahadi zendza thamani tsena zazidi uɓole zahe, ile ha wizo mukane ushirika hari mwa ihali ya shiungu yahe, mutrale umenyefu uv̄ingwao ulemenguni ha zingushauku zendza uovu.

Ha siɓaɓu ya iyo kamwe, namufanye piya djitihadi zanyu ile muengedze uwema ju la uaminifu wanyu, na ju la uwema, ujuzi, ju la ujuzi, trongo ya udzizia, na ju la udzizia, ustahamilivu, ju la ustahamilivu, maendreleo ya ĩɓada, na ju la maendreleo ya ĩɓada, uv̄endza wa shiunanya, na ju la uv̄endza wa shiunanya, mahaɓa.

Mana neka trongo zizo za moni hanyu, tsena zisuengedzeha, kazitsomulishani amba muke ɓila zitrendro wala mavuna hari mwa umujua Raɓi watru Insa-Kristi.

Ha izo wananyangu, namufanye djitihadi zaidi muyakinishe umuhirio na umutsahulio mwadjaãliwa. Mwamofanya izo, dahari kamutsopuliha.