ข้อพระคัมภีร์ยอดนิยมจาก ROMA 6

แบ่งปัน

Pe"mung:ga"re qobo: nho: aphug' wa shid: ru ngad: ra". Mao"So: nhag' myan" ra" jeju jhaung qhu" kam" wa ngonhaung" Asang Khristu Yesu we' dagaung dasho: boe" rumae apyad ato: kao so' ngad: ra".

Qobo re naonhaung" Asang dakad' nhao ge,- pe"mung:ga"re naonhaung" wa kham" to" ra" Tarha" qao: mae na mo, mangad:- Mao"So: nhag' myan" ra" jeju qao: mae na: ra" mo, ngad: ako".

Airumung: Yesu wa yao: Pho" phungbao qam: so' khyo" yang shid: rumae" dam: daui: to" li" nhao: ru qhug' ru we' dakhyo:- ngonhaung" re: kao so' daui khyo asag' re kao so' qo" daui: na nae" qhid' mae"- ngonhaung" qid nyhab' kham: yu: ra" khyo" Yesu yao" shid kham" rumae bobo mung: yao: we' daga" nyhab' pye' ru qhug' bam va".

Naonhaung" yao" gaung dau khodau rere: makhyang" ra" khyo mae dadaui nhao ge,. Naonhaung" wa shid: rumae" dam: daui: to" li" va" mo, ngad: ru we' dakhyo:- naonhaung" gaung geim" re Mao"So re qhaug' byid: mung: din:man" ra" khyo re ci nae" qhid' mae" naonhaung" yao" gaung dau re Mao"So re ab byid: ge,

Amung: qobo kad' nae" kao bau: ra" myid qam: so' re se' pye' mung: ngonhaung" wa qobo: nho: jeim maboe" na lo nae" qhid' mae" ngonhaung" nho: qobo gaung byuxug' wa Khristu we' daga" pyao: zang dao mae bose' pye' ru qhug' va" rure ngonhaung" ba: ra". Airumung: ngonhaung" wa qobo: nho: jeim magai: boe" na lo:ngad: ra".

Ai we' dakhyo: qobo we' sin: yang: ta" gelang: ga" re- naonhaung" yao" gaung re shid va" khyo" myid: jho: yu ca" ako". Ngadqere: Yesu Khristu khyo" yang Mao"So we' zam" khug: daui: na: ein: myid: jho: na ge,.

Airulao"- ngonhaung" pe" ru: ta" nae" i? Mao"So: nhag' myan" ra" jeju myo" laug: li" nae" qhid' mae" ngonhaung" wa qobo khug mae xo' yang: kao so' daui nae" i? Gaigai: airu: mangad:- Qobo we' shid: gao: va" mo, ngonhaung" wa qobo khug mae khoru: mung: kao so' qo" gai: daui nae" i?

Dayaug yaug jhao" mho dao: gyo: nae"- ga: naonhaung" yao" gaung re jeim khyo" yesang nhao: pye' lao"- naonhaung" wa naonhaung" mho dao: gyo: byid' ra" yaug; nho: jeim qe ngad ko" rure gaigai: yao: naonhaung" ba: ako".

Pe"mung:ga"re daba naonhaung" wa qobo: nho: jeim qe boe" qu" vako" ra"- ngadqere: ana" wa- mho" shid' rumae naonhaung" kham: yu: ra" dangman" ra" khyo re naonhaung" aung khug nhag' lam: alhab' we' phug' cao" vako" ruyang Mao"So: jeju re caung:khin" byid' ra". Naonhaung" wa qobo: nho: jeim boe" na: rumae" lhoe' ke' byid' ru qhug' mung: din:man" ru nho: jeim qe boe" lo: avako".