ข้อพระคัมภีร์ยอดนิยมจาก ROMA 5

แบ่งปัน

Ngadqere: ngonhaung" wa qobo gaung qe ngad: jo; bam shi" au:- Khristu wa ngonhaung" qhid' mae" shid kham: byid' ru wa Mao"So ngonhaung" re khoqhi" jhid'de; ra" khyo ngonhaung" re qhu" byid' ava".

Ai: myid: lao" ru wa ngonhaung" re qam: shan nhao nae" mangad:- pe"mung:ga"re ngonhaung" re byid' ra" jhaung qhu"- Gyang" Lho" Byo khyo" yang Mao"So wa yao" jhid'de; myid ngonhaung" nhag' lam: khug mae vhe' zaui byid' to" ra".

Ngonhaung" wa qug: khai" rumae re: ta" phug: na:- pe"mung:ga"re qug: khai" ru wa zang: qhao" rure- boe" nhao: ra". Zang: qhao" ru wa Mao"So: yang myid bovang" byid' rure boe" nhao: ra". Asang Mao"So: yang myid bovang" byid' ru wa myid: lao" rure boe" nhao: rure- ngonhaung" ba: ra".

Ana"- ngonhaung" wa lam khug: ra" myid khyo" yang jo: ra"- ga: Mao"So: yang sun" yu: ru qhug' mung:- ngonhaung" Asang Yesu Khristu khyo" yang Mao"So we' ngonhaung" agyo: mae yaug yo: ru qhug' yu: ra". Ana" ngonhaung" daui: na: ra" Mao"So: jeju re kham zo" ra" kao so' mae yao: ngonhaung" re lam khug: ru khyo" yang jhui" lo: ra". Airumung: Mao"So: phungbao re qo" bokhae: yu nae"- myid: lao" yang: ngonhaung" ngaui bau: ngaui yao phug: na: ra".

Ngonhaung" khug ngha qo majo, shi" au:- Khristu wa Mao"So: yang dang: to" ra" yo, khyin: mae makhyang: mashab; ra" mo; qhid' mae" shid kham: byid' ra".

Ana" ngonhaung" wa Khristu shid kham: byid' ra" khyo" yang jo: ra"- ga: Mao"So: yang sun" yu: ru qhug' mo, ngad mung: Mao"So: nhag' yo" rumae" Khristu mathao mae khyad' yu: ru je yang: qhug' nae" ngad: ra".

Byu dayaug mho dao: magyo" ra" mathao mae byu alhab' mo, qobo shad' lhoe" ra" mo, ga: sun" pye' ru we' dakhyo:- byu dayaug mho dao: gyo" ruyang byu alhab' mo, re din" man" ra"- ga: Mao"So: yang sun" yu byid' ru qhug' li" genae".

Ana" ngonhaung" re Mao"So: ba nam boe" nhao: ra" Asang Yesu Khristu khyo" yang Mao"So kad' va" ra" mau" zo" mathao mae ngonhaung" ngaui bau" na:.