ข้อพระคัมภีร์ยอดนิยมจาก Romə 8

แบ่งปัน

Namba we si wə du kwa daŋ', Ifray wə gi sin mə ɓay zə sôwâ məni wə um ba, sôwâ məni mum ɗe nday ce' ndə məni vunduk rum wə wa'a.

Zə na we si njeŋe: Ko mar, ko nyî, ko sum sin Ifray mə wafray, ko usiya məni gay' jwə kə gbəgboŋ mbok fray kə nya, ko kwa mə mgbaŋ ni nə, ko kwa məni wə də mbə, ko gbəgboŋ mə wafray, ko gbəgboŋ mə zə nya, ko kwa məsin daŋ' məni Ifray gi, kwa ɗaw du nday cu gak ɓul mbok mba kə bə məni Ifray ta' ne mba kə Bârî mba Zezu Kris nə kpe mi.

Ndəna' ta', Simbeɗ mə Kəleŋ wə mbə kawɓa mba, namba sôwâ mə tətâ, zə namba cu we in dan kə Ifray kə vari rum mi. Ama Simbeɗ kə tu rum wə in dan kə Ifray zə mba kə ndəma' məni swə cu gak in kə vun mi.

Dan rum la' ndəna' si, namba də in ma su? Ifray la' kəta' kə mba si, sa gak mba tak su?

Zə rum, mgbaŋ ni nə, dan ɓok cu wa sôwâ məni ɓa ɗaw kə Zezu Kris nə mi.

Sôwâ məni wə ar kwa wa' kpak tu nday nə suk gbəgboŋ wa dan ɗik vunduk nday, handay də mara. Ama sôwâ məni wə ar kwa wa' Simbeɗ Ifray nə suk gbəgboŋ wa dan ɗik vunduk nday, Ifray də ne nyî mə də hâ kə heɓ ne kə sum rumu.

Ama wə du kwa rum daŋ', namba gay' gaŋsem kə swə məni bə mba.

Na kar i boni məni namba wə ce mgbaŋ ni nə cu gak kənji' kə mbra' məni Ifray wə də ta' mba ne kofo nə mi.

Kwa mi gak ɓul mbok mba kə bə Kris nə su? Boni gak su? Dan ɗik su? Sôwâ məni wə keɓ zu mba su? Mê' su? Ca su? Cik su? Ko masəlam su?

Ɓay Ifray məni wə we dan ɗik vunduk sumra', mum wə we kwa məni Simbeɗ mə Kəleŋ wə o, zə Simbeɗ wə o kwa zə sôwâ mə kəleŋ ce' ndə məni Ifray wə wa'a.

Sôwâ daŋ' məni wə ta zə Simbeɗ Ifray, handay daw Ifraya.

Sôwâ məni wə ta ce' ndə məni kpak tu nday wə wa', kwa wa' rum wə suk gbəgboŋ wa dan ɗik vunduk nday, ama sôwâ məni wə ta ce' ndə məni Simbeɗ Ifray wə wa', kwa wa' rum wə suk gbəgboŋ wa dan ɗik vunduk ndaya

Mum cu ɗe i wa Vay um mi, zawa mum ar num ce' ndə kwa po' fur zə mba daŋ', gi ma mum cu də mba ne kwa məsin daŋ' kə Vay um mi su?

Simbeɗ Ifray kə tu rum wə in ne kə simbeɗ mba i namba daw Ifraya. Zə namba daw um, namba də ti bayɗa məni Ifray kawvun wa rum kə sôwâ umu. Ɓay namba də ti bayɗa Ifray wa nji ɗaw kə Kris. Zə namba la' wə ce boni kə rum si, namba də gay' kə rum wə du mbra' um ta'a.

Sôwâ məni ar kpak tu nday suk gbəgboŋ wa dan ɗik vunduk nday, handay sum sî Ifraya. Handay cu ta zə dan dlay Ifray mi. Kəzin', handay cu gak mi!

Kwa daŋ' məni Ifray gi wə ji bəka məni Ifray wə də ta' ne kə daw umu: Kwa rum daŋ' wə ji bəka rum kə mê' ɓayrumu.

Namba we si: Mgbaŋ ni nə, kwa daŋ' məni Ifray gi wə ndəma' kə boni ce' ndə məni ma wə ce kəri məni ta wə vra'a.