ข้อพระคัมภีร์ยอดนิยมจาก Hebreos 4

แบ่งปัน

Man i utzij i Dios lik k'aslik xaq o ucho'ab'. I utzij i Dios xaqjun ru' pacha jun ch'ich' jutut utzam, chi k'ulala o uware; naj kok wi chupam i qak'ux, xaq chupam i qanima. Ku'aljinsaj wach taq urayijb'al i qanima, xaq wach taq kuch'ob' i qajolom.

Rumali chqakowirsaj qak'ux che i tejeb'ik ru' ukub'ib'al i Dios chi o u'ij i k'ax kojuna'o. Ire kril ni tob'al qawach xaq kuya ni utzil chomal chqe are o rajwaxik chqe.

Are Ire, are jun atz laj rajpatan i Dios chi kril tob'al qawach, man reta'am xa oj winaq chi nti qas qacho'ab'. Xaq Ire ktzaqsax te'eq chupam i mak atzalal, pacha taq i tzaqsab'al chi kojik'aw wi yoj, xwiri, Ire nti jun umak xu'ano.

Ronojel ni'pa i olik, nti kruwaj rib' chwach i Dios man lik are Ire anawnaq. Ronojel o chisaq chwach Ire; chwach ire lik nti ch'uqtal uwach. K-on panoq qonojel kqab'ij ni chwach ire wach i qa'anom waral chwach i jyub' ta'aj.

I Jesús chi Uk'ojol i Dios, are atz laj rajpatan i Dios qe yoj, chi xel b'i chikaj. Rumali rajwaxik chi arewi lik kul qak'ux che i k'utunik chi qakojom.

Chqa'ana pen uri qokik che i uxlanem chi sujtal chqe rumal i Dios. Man keje ile mijun ku'ano pacha xki'an i qatit qamam chi xkiqel utzij i Dios.