ข้อพระคัมภีร์ยอดนิยมจาก Hebreos 5

แบ่งปัน

We kkitij chik i wa, ya je nimaq chik uri, xaq o chik uri kino'oj. Man ujer tan keta'am chik pachike i utz, xaq pachike i utz taj.

Lik ujer tan kixtijin chutayik utzij i Dios; lik kmajawik ix ajk'utunel chik. Xwiri, keje ti ile; xa o uchak kjeq tan chik uk'utik chiwe ni'pa i k'ax ti k-anik. Pacha ix ral taq ak'alab' chi k'a ketz'umanik, chi k'amaja kkitij wa. Ike chi k'amaja kkita ub'e pachike i utz chwach i Dios, je keje pacha i ak'alab' chi k'a ketz'umanik, nti kino'oj.

Tupu Ire uk'ojol i Dios, xwiri chupam ronojel ni'pa i k'ax Ire xnawik chi rajwaxik chi lik arewi kkojon che i Dios. Keje ile, i Jesucristo xe'eloq jun suk'ul laj ajtol qe, rumali chi Ire are uxeb'al i totajik. Ni'pa i kkikoj utzij Ire, kkiriq ni kik'aslemal chi nti uk'isik.

I Jesucristo are o chi chwach i jyub' ta'aj, reta'am chi i Dios o pu'ab' kuto chwach i kamik. Rumali, xo'ik xutz'onoj utob'al che; ko xch'awik are xutz'onoj che. I Dios lik xuta wach xtz'onox che, man i Jesucristo uya'om rib' pu'ab', wach kraj i Dios.