ข้อพระคัมภีร์ยอดนิยมจาก 1 Juan 3

แบ่งปัน

Ix, ral taq wak'al, we qatzij o k'axnab'al qak'ux, xwi ti ru' qachi' kqab'ij. O uchak k-iltajik chi o k'axnab'al qak'ux saqil rumal i utz chi kqa'ano.

Qeta'am wach usuk' i k'axnab'al k'uxij man i Jesucristo xu'aljinsaj chqe are xuya rib' che i kamik tob'al qe yoj. Xaq yoj, kmajawik kqaya qib' che i kamik, k'axnab'al ke i qachalal chwach i Cristo.

Chiwila pe', i Qaqajaw chikaj lik k'ax kojuna'o; man kub'ij chi oj rak'al Ire, i qatzij lik oj re Ire. I winaq chi to' je re uwach i jyub' ta'aj, keta'am ti qawach, man keta'am ti uwach i Dios.

Xwiri jun we to' kmakunik, xa re i Itzel uri, man i Itzel lik ajmak chuxeb'al li ij saq. Xwiri i Uk'ojol i Dios xk'un chwach i jyub' ta'aj xolusacha uwach ni'pa u'anom Itzel.

Jun, we rak'al chik i Dios, kmakun ti chik man o re i Dios che; utz ti chik uri kmakunik, man alaxnaq chik ru' i Dios.

We o jun b'eyom, to' kril i rachalal chwach i Cristo chi lik o rajwaxik che, xwiri we kuto taj. Lik nti uri k'axnab'al uk'ux pacha re i Dios.

We kqakoj retalil utzij upixab' i Dios, kojk'iji uri pu'ab' Ire, xaq Ire o pqak'ux yoj. Rumal Utewal chi uya'om chqe, qeta'am chi i Dios o pqak'ux.

K-aljin uri, pachin je rak'al i Dios, xaq pachin je rak'al i Itzel: Ni'pa i utz ti kki'ano, ni'pa i kkaj ti i kachalal chwach i Cristo, ike ne te re i Dios.

I tzij chi xita are xiya iwib' pu'ab' i Jesucristo, are iri: O uchak k'ax kqana qib' chqawach.

Ix, wachalal chwach i Cristo, mixok il che we tzel kixkil i winaq chi je re uwach i jyub' ta'aj.