ข้อพระคัมภีร์ยอดนิยมจาก Lucca 3

แบ่งปัน

Mentre chì tutti si facianu battizzà, fù battezzu ancu Ghjesù è, in lu mentre ch'ellu pricava, u celu s'aprì è u Spiritu Santu li si calò addossu cù a forma curpurale d'una culomba, è vense una voce da u celu: «tù sè u me figliolu, u me caleghju, è in tè mi ralecru.»

à tutti li rispose, è disse: «eiu vi battezzu cù l'acqua, ma vene quellu chì hè più altu cà mè, è chì eiu ùn sò mancu da scioglieli a currighjina di i scarpi, ellu vi battizzarà cù u Spiritu santu è u focu

Fate frutti chì sianu quelli di u pintimentu, è ùn cuminciate à dì in voi stessi: “cum'è babbu avemu à Abraamu.” Chì a vi dicu, ancu da isse petre, Diu pò fà nasce figlioli pà Abraamu!

Chì, à dighjà, a piola hè messa à a radica di l'alberi: l'arburu chì ùn face u fruttu bellu và mozzu è lampatu in lu focu.»

cum'ella hè scritta in lu libru di e parolle d'Isaia, u prufeta: hè a voce d'un omu chì grida in lu disertu, appruntate a strada di u Signore, fate li l'andati diritti; Sarà ripiuta ogni bassa, sarà spianata ogni muntagna è ogni pughjola, I passaghji storti vinaranu diritti, è e strade sfussate saranu apparinate; è ogni carne vidarà a salvazione di Diu .