ข้อพระคัมภีร์ยอดนิยมจาก ရူဝ်းမႃႉ 13

แบ่งปัน

ဝႄႈ​ပႅတ်ႈ​တၢင်း​ဢၼ်​ႁဵတ်း​ပွႆး​လႄႈ​ၵိၼ်​လဝ်ႈ​မဝ်း​ၵမ်၊တၢင်း​ဢၼ်​ၽိတ်းပိူင်ႈ​ၽူဝ်မေး​ပိူၼ်ႈ​လႄႈ​ၵိလေႇသႃႇ​ၵူဝ်ႈၵိူၵ်ႇ​ဢိၵ်ႇတင်း​တၢင်း​ဢၼ်​ၶွႆ​ၵၼ်​လႄႈ​ၽိတ်း​ၵၼ်​ထဵင်​ၵၼ်​ၸိူဝ်း​ၼၼ်ႉ​သေယဝ်ႉ၊ဢွၼ်ၵၼ်​ပႂ်ႉထိင်း​တူဝ်ၸဝ်ႈၵဝ်ႇ​ႁႂ်ႈလႆႈ​ၵမ်ၵျၢင်ႉ​ၸိူဝ်ႉ​ၼင်ႇ​ၵူၼ်း​ဢၼ်​မီး​ၼႂ်း​ၵၢင်ဝၼ်း​ဢၼ်လႅင်း​ၼၼ်ႉ​တႃႉ​ႁဝ်း။ ယိပ်း​တိုဝ်း​ၶိူင်ႈ​လၢၵ်ႈၼၢၵ်ႈ​ၸဝ်ႈ​ၽြႃး​ ယေႇသု​ၶရိၸ်ႈ၊ သေလႄႈ​ယႃႇပေ​ၶိုင်​ပွင်​ႁႂ်ႈ​တူဝ်ၵႃႇယႃႉ​ၵႂႃႇ​ၸွမ်း​ၵိလေႇသႃႇ​မၼ်း​ၼၼ်ႉ။

ယႃႇပေ​ႁႂ်ႈ​မီး​ၼီႈ​သေ​မဵဝ်း​တီႈ​ၽူႈလႂ်။ ႁႂ်ႈ​မီး​ၼီႈ​တၢင်းႁၵ်ႉ​မႅတ်ႈတႃႇ​တၢင်း​ဢၼ်​သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ထုၵ်ႇလီ​မီး​ၼိူဝ်​ၵၼ်​ၼၼ်ႉ​ၵူၺ်း​တႃႉ။ ၵေႃႉ​ဢၼ်​ႁၵ်ႉ​ပိူၼ်ႈ​ၼၼ်ႉ​ထွမ်ႇဢဝ်​လႄႈ​ၵမ်ၵျၢင်ႉ​ၸွမ်း​ပိင်းၺၢပ်ႈတြႃး​ၸဝ်ႈ​ယဝ်ႉ။

ႁႂ်ႈ​ၵူၼ်း​ၵူႈ​ၵေႃႉ​ၶၢမ်ႇ​ဢဝ်​ဢႃႇၼႃႇ​ၶုၼ်​ဢုပ်ႉ​မိူင်း​ၶဝ်​တႃႉ။ လွင်ႈ​မၼ်း​ၸမ်ႉ၊ဢႃႇၼႃႇ​ဢၼ်​လႂ်​သေဢမ်ႇဝႃႈ​ပေႃး​ၽြႃးပဵၼ်ၸဝ်ႈ​ယင်း​ဢမ်ႇ​ပၼ်​ဢၶႂၢင်ႉ​ၸိုင်၊ဢမ်ႇ​တႄႇ​ဢမ်ႇ​မၼ်ႈ​လႆႈ​လႄႈ​ဢႃႇၼႃႇ​ဢၼ်​တႄႇ​ယူႇ​မီး​ယူႇ​တင်းသဵင်ႈတင်းလူင်​ၼၼ်ႉ​ပဵၼ်​ဢၼ်​ၽြႃးပဵၼ်ၸဝ်ႈ​ပၼ်​ဝႆႉ​တီႈ​ၶဝ်​ဢေႃႈ။

ၶိင်ႇ​ၵၢင်ၶိုၼ်း​ၸမ်​တၵ်း​သဵင်ႈ​ယဝ်ႉ​လႄႈ​ၸမ်​ၶိင်ႇ​ၽႃႉပၢင်ႇ​မိူင်းလႅင်း​မႃး​ယဝ်ႉ၊ဢွၼ်ၵၼ်​ပႄႇပႅတ်ႈ​တၢင်းၵမ်​တၢင်းၵျၢင်ႉ​ဢၼ်​လပ်းသိင်ႇ​ၼၼ်ႉ​လႄႈ​ယိပ်း​တိုဝ်း​ၶိူင်ႈ​လၢၵ်ႈၼၢၵ်ႈ​ပုၼ်ႈတႃႇ​ၼႂ်း​ဢၼ်လႅင်း​ၵၼ်​တႃႉ​ႁဝ်း။

ၵေႃႉ​ဢၼ်​ႁၵ်ႉ​ၵူၼ်း​တင်းလၢႆ​ၼၼ်ႉ​တၵ်း​ဢမ်ႇ​တွၼ်ႉ​ႁဵတ်း​မိူၵ်ႈ​တီႈ​ပိူၼ်ႈ​ဢေႃႈ။ ပိူဝ်ႈ​ၼႆ​လႄႈ​ၵေႃႉ​ဢၼ်​ၸၢင်ႈႁၵ်ႉ​ပိူၼ်ႈ​ၼၼ်ႉ​ပဵၼ်​ၵေႃႉ​ဢၼ်​ထွမ်ႇဢဝ်​လႄႈ​ၵမ်ၵျၢင်ႉ​ၸွမ်း​ပိင်းၺၢပ်ႈတြႃး​တင်းမူတ်း​ယဝ်ႉ​ဢေႃႈ။

ပိူဝ်ႈ​ၼႆ​လႄႈ​ၸွမ်း​ၵႃႈ​ၼင်ႇ​ဢၼ်​သူ​ထုၵ်ႇလီ​ပၼ်​ၼၼ်ႉ​ဢဝ်​ပၼ်​တႃႉ။ ၶွၼ်ႇ​ဢၼ်​သူ​ထုၵ်ႇလီ​ထၢမ်း​ၼၼ်ႉ​ၵေႃႈ​ထၢမ်း​တႃႉ။ ငိုၼ်း​ၵႅပ်း​ငိုၼ်း​ၵၢင်​ဢၼ်​သူ​ထုၵ်ႇလီ​ပၼ်​ၼၼ်ႉ​ၵေႃႈ​ပၼ်​တႃႉ။ ၵေႃႉ​ဢၼ်​ထုၵ်ႇလီ​လႆႈ​ၵဵပ်း​တီႈ​မၼ်း​ၵေႃႈ​ႁႂ်ႈ​ၵဵပ်း​ဢဝ်​တႃႉ။ ရူဝ်ႇသေႇ​ၵေႃႉ​ဢၼ်​သူ​ထုၵ်ႇလီ​ရူဝ်ႇသေႇ​ၼၼ်ႉ​တႃႉ။ ပၼ်​ၵုင်ႇသရေႇ​ၵေႃႉ​ဢၼ်​သူ​ထုၵ်ႇလီ​ပၼ်​ၵုင်ႇသရေႇ​ၼၼ်ႉ​တႃႉ။