ข้อพระคัมภีร์ยอดนิยมจาก Pilipai 4

แบ่งปัน

I buku none ado bwese maha ta abudon solo-an, ado satikisiy ndri-iy. Arile, udu bolo maha mari badeh, ado kasolom ki ta Kindrei ya ado kasehek bolo maha tado ki tan hawe kadeu wurah ki tan ta aliy.

Eme na salom tado le, Kindrei kameh mesekei tikisiy tado iu. Arile, ado kameh winiyan bala tanan bala mwasin bwe le, aliy ado atona i buku doh. Eme ya Kindrei badeh, winiyan tawiy, ma winiyan tondrokei budon tado, tasah ado badeh, ahas hawe Krais Jises.

Eme ya ado nadu tine badu hawek ta budon handru. Ta sendrehendreh ta aliy, iri lakou doh ado katawiy kihis: Iri lakou ndra handru le, kandriyen mwasin ta amekes iri lau kasekesek, ma kaseben bolo manyah tiri in hamon ta sahou randra le, ma hawe lakou mwasin kameh iri lau asehek ta aliy. Iri lakou doh badeh, ado kabudon ta aliy solo-an.

Tasah, jo winiyan amekes lahou mari na boto-on tan iy edeu eme tek.

Eme jo katandra-un tado ja, ado kasekesek Laban kudu le buku doh. Tasah, ado ndra ari buruwen hawe Laban.

Eme ya Kindrei tek kaweleyani ado na lakou ado aseken ta aliy i san ta Krais Jises. Tasah, iy badeh, tan lakou solo-an labai udu aliy.

Eme ya saba lakou le mene ado ndratou jo ndramekes, ya ado ndratanan ta aliy, ado katehei ki ta lahou ma kamekes. Ya, i buku none ado amekes kameh, Kindrei, ndramak ta edeu tataha kandriyen ta ado le, kameh udu hawe ado aseben ado.

Ya bale ado samaniy, Laban mirihik eme ai. Eme kandriyen mwasin tado ta ado le, badeh, ado kamekes ki ta lau mari.

Jo tanan ta jo kameh andriliu ta lakou ma jo ale tanan ta jo kameh bandriliu ta lakou bwe. Jo ndraselen ta aliy ta bolo maha-an mari. I buku none ndrinek idih deh, jo imeson o, jo andriliu ta lakou deh, jo bandriliu bwe, jo badeh, ndraselen ma sekesek le.

Eme ya jo asehek doh ta anya jo andriliu ta lakou, bwe. Tasah, jo ndraselen ta bolo iri maha doh.