ข้อพระคัมภีร์ยอดนิยมจาก Pilipai 3

แบ่งปัน

Eme ya ado nadu tine badu hawek i san ta budon handru, jo batiye anya jo badeh, ndratawi lakou mwasin mari, bwe. Arile, lakou ari le jo tanan handru asah i buku doh: Jo atehei lakou mari mene ndra-au ndra konak, ya jo sakaliye ya madak ales iu le i bwena ta lakou ere kodo-oh. Winiya le jo barasos, ya Kindrei le kameh baradeu lakou doh barame tek, na len iy aloh taha ala hawe Krais Jises.

Eme ya jo anya kales kere bwele-e boto-on ta Krais mene imek, ano iy amak ja. Ma jo anya kabwese maha hawe isi ta nyaran i le buku none iy mene bwese. I buku none jo imek, jo abudon Kindrei kameh winiyan mete-ei jo amak ja i le buku Krais mene.

Ma laba tinan labai udu badeh, jo i tanan Krais Jises i Laban tek baden eh. Jo i tanan lakou mari doh bala se lakou bwe, iu laleyah. Eme na Jises le, jo kameh akahei iri lakou doh iu, tasah ari mwasin badu ta aliy winiyan basebenei jo bwe. Lakou doh ndra-au ma ndrano. Eme ya balek ki ta Jises le ma jo kihis hawen le.

Ya eme budon tek i buku aliy ale, jo anya lakou mari doh kameh winiyan mesekei jo asahan mwasin. Arile, na dah budon tek ndra randrah labai, i buku doh: Jo anyolom ma abudon ili badeh, lakou mari doh badeh, bala se ari lakou bwe. Tasah, lakou doh badeh, turuki jo bala tanan Krais bwe.