رِسَالَةْ كُولُوسِّي 4
4
الْفَصْلْ الرَّابْعْ
1آ الْسْيَادْ، تْعَامْلُو مْعَ عْبِيدْكُمْ بْالْحَقّْ وْالْعَدْلْ، وْتّْفَكّْرُو بْلِّي حْتَّى نْتُمَ عَنْدْكُمْ سِيّْدْ فْالسّْمَا.#أفسس 6:9
وْصِيَّاتْ خْرِينْ
2دَاوْمُو عْلَى الصّْلَاة، وْكُونُو دِيمَا مُوجُودِينْ بَاشْ تْشَكْرُو اللَّهْ فْصْلَاتْكُمْ. 3وْصَلِّيوْ مْنْ جِهْتْنَا حْتَّى حْنَا بَاشْ يْحَلّْ لِينَا اللَّهْ الْبَابْ لْلْكْلَامْ دْيَالُه، وْنْخَبّْرُو بْالسِّرّْ دْ الْمَسِيحْ اللِّي عْلَى وْدُّه أَنَا مْشْدُودْ فْالْحَبْسْ، 4وْهَكَّا غَادِي نْبَيّْنُه كِيفْ وَاجْبْ عْلِيَّ نْدِيرْ. 5عِيشُو بْالْحْكْمَة مْعَ النَّاسْ اللِّي مَاشِي مُومْنِينْ، وْغْتَنْمُو الْفُرْصَة.#أفسس 5:16 6خَلِّيوْ كْلَامْكُمْ مْقْبُولْ وْفِيهْ الْفَايْدَة، بَاشْ تْعَرْفُو كِيفَاشْ خَاصّْكُمْ تْجَاوْبُو كُلّْ وَاحْدْ.
السّْلَامْ
7 #
أفسس 6:21،22 رَاهْ ݣَاعْ الْخْبَارْ دْيَالِي غَادِي يْخَبّْرْكُمْ بِيهَا خُويَا الْعْزِيزْ تِيخِيكُسْ اللِّي أَمِينْ فْخْدَمْتُه، وْكَيْشَارْكْ مْعَايَ فْخْدْمَةْ الرَّبّْ.#الاعمال 20:4؛ 2تيموتاوس 4:12 8رَانِي صِيفْطْتُه لِيكُمْ عْلَى وْدّْ هَادْشِّي، بَاشْ يْوَصّْلْ لِيكُمْ خْبَارْنَا وْيْشَجّْعْ قْلُوبْكُمْ، 9وْمْعَاهْ أُنِسِيمُسْ الْخُو الْأَمِينْ وْالْعْزِيزْ اللِّي هُوَ وَاحْدْ مْنّْكُمْ. وْهُمَ غَيْعَاوْدُو لِيكُمْ عْلَى كُلّْ مَا كَيْجْرَا هْنَا.#فيلمون 10-12
10كَيْسَلّْمْ عْلِيكُمْ أَرِسْتَرْخُسْ اللِّي مْشْدُودْ مْعَايَ فْالْحَبْسْ، وْمَرْقُسْ اللِّي مْنْ عَائِلْةْ بَرْنَابَا اللِّي وْصِّيتْكُمْ عْلِيهْ، إِيوَا إِلَا جَا عَنْدْكُمْ رَحّْبُو بِيهْ.#الاعمال 19:29؛ 27:2؛ فيلمون 24؛ الاعمال 12:12،25؛ 13:13؛ 15:37-39 11وْكَيْسَلّْمْ عْلِيكُمْ يَشُوعْ اللِّي مْكَنِّي يُسْطُسْ، رَاهْ هَادُو أَصْلْهُمْ مْنْ لِيهُودْ، وْهُمَ بُوحْدْهُمْ اللِّي كَيْخَدْمُو مْعَايَ فْمَمْلَكَةْ اللَّهْ، وْهُمَ اللِّي كَيْشَجّْعُونِي. 12كَيْسَلّْمْ عْلِيكُمْ أَبَفْرَاسْ اللِّي هُوَ وَاحْدْ مْنّْكُمْ وْهُوَ عَبْدْ دْ الْمَسِيحْ يَسُوعْ، رَاهْ دِيمَا كَيْكَافْحْ بْالصّْلَاة عْلَى وْدّْكُمْ، بَاشْ تْبْقَاوْ تَابْتِينْ وْنْتُمَ مْكْمُولِينْ وْعَنْدْكُمْ تِقَة كْبِيرَة فْمُرَادْ اللَّهْ.#كولوسي 1:7؛ فيلمون 23 13وْرَانِي كَنْشْهَدْ لِيهْ بْلِّي كَيْضْرَبْ تَمَارَة بْزَّافْ عْلَى وْدّْكُمْ، وْعْلَى وْدّْ هَادُوكْ اللِّي فْلَاوُدِكِيَّة وْفْهِيَرَابُولِيسْ. 14كَيْسَلّْمْ عْلِيكُمْ لُوقَا الطّْبِيبْ الْعْزِيزْ، وْدِيمَاسْ.#2تيموتاوس 4:11؛ فيلمون 24؛ 2تيموتاوس 4:10؛ فيلمون 24
15سَلّْمُو عْلَى الْخُوتْ اللِّي فْلَاوُدِكِيَّة، وْعْلَى نِمْفَاسْ وْالْكْنِيسَة اللِّي كَتّْجْمَعْ فْدَارْهَا. 16وْمْلِّي تّْقْرَا عَنْدْكُمْ هَادْ الرِّسَالَة، صِيفْطُوهَا بَاشْ تّْقْرَا حْتَّى فْالْكْنِيسَة دْيَالْ لَاوُدِكِيَّة، وْالرِّسَالَة اللِّي صِيفْطْتْ لْلَاوُدِكِيَّة قْرَاوْهَا حْتَّى نْتُمَ. 17وْݣُولُو لْأَرْخِبُّسْ: «رَدّْ بَالْكْ مْزْيَانْ بَاشْ تْكَمّْلْ الْخْدْمَة اللِّي قْبَلْتِيهَا مْنْ عَنْدْ الرَّبّْ».#فيلمون 2
18السّْلَامْ كَنْكَتْبُه لِيكُمْ بْيْدِّي أَنَا بُولُسْ. تّْفَكّْرُو بْلِّي رَانِي مْشْدُودْ فْالْحَبْسْ، وْنِعْمَةْ اللَّهْ تْكُونْ مْعَاكُمْ.
தற்சமயம் தேர்ந்தெடுக்கப்பட்டது:
رِسَالَةْ كُولُوسِّي 4: MSTD
சிறப்புக்கூறு
நகல்
ஒப்பீடு
பகிர்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2012 دار الكتاب المقدس بالمغرب. جميع الحقوق محفوظة
© 2012 Morocco Bible Society. All rights reserved