Imamat 9
9
Harun 'o gasa jou-jou
1Toma wangere ma soi tu'angere toma , gena-ge solano ma laya togumu ḏua, 'a Musa 'o 'aro'o 'a Harun re 'ai ngowa-ngowa'a nau'u re ngowa'a Israel manga bi-biri'i ga'a sayanga ma jingi'i, ananga gena-ge 'aḏi sapolo ra unanga. 2Re 'a Musa 'o kanau ra Harun ma betongo so'o ne: <<'Oro sapi ma ngowa ma nau'u rimoi re doba ma nau'u rimoi, haiwani romoḏiḏi gena-ge balasu ma lese lolara re no sidoa'a di'a Ma JOU. Sapi ma nau'u ma ngowa sa'olo jou-jou di'a sigofi ngowa'a ra Ma JOU 'ai momina, re doba ma nau'u sa'olo jou-jou tau'u. 3Ḏua no soma'a ngowa'a Israel 'aḏi gasa 'abingi ma nau'u sa'olo jou-jou di'a sigofi ngowa'a ra Ma JOU 'ai momina, re sapi ma ngowa ma nau'u re doba ma nau'u, enanga romoḏiḏi gena-ge ma lese lolara re ma 'umuru musungu rimoi, di'a jou-jou tau'u. 4Soma'a ḏi'i ananga 'aḏi gasa sapi ma nau'u rimoi re doba ma nau'u rimoi, enanga gena-ge di'a sitola'a ra Ma JOU 'ai Suyu'u ma ngalana ma da-daku ma biono sa'olo jou-jou sababu dadunu 'aḏi marimoi moju ra Ma JOU, simete'e ḏi'i jou-jou ngo-ngoromo ga'a sicapuru reo goroho, sababu wangere nange-ne Ma JOU ḏuanga i'a 'o siwaiti ra ananga.>> 5Mo-moini ga'a 'a Musa 'o soma'a ra Harun, ananga ya gasa toma Suyu'u Lo-lomu ma ngalana ma da-daku ma biono re bangsa Israel mo-moini 'aḏi maco-cori i'a di'a silamo'o re siḏubuso Ma JOU. 6Ḏua 'a Musa 'o kanau ma betongo so'o ne: << Ma JOU 'o soma'a ngini 'a'a so'o gena-ge, la ngini ni oḏi'i Unanga 'ai mulia ma cahaya.>>
7Togumu i'a, 'a Musa 'o kanau ra Harun, <<No maco-cori i'a toma jou-jou ma ngi'i, re no sidoa'a jou-jou di'a sigofi ngowa'a ra Ma JOU 'ai momina re jou-jou tau'u. Jou-jou romoḏiḏi gena-ge di'a 'ani diri, la ngana ḏuanga i'a no si'a'a ngana masiretene dadunu no dadi marimoi ra Ma JOU. Re ḏi'i, no gasa re sidoa'a jou-jou ma tero di'a bangsa Israel, la ngana ḏuanga i'a no si'a'a ananga dadunu 'aḏi dadi marimoi ra Ma JOU. 'A Harun, ngana balasu no 'a'a so'o gena ma tero sa'olo Ma JOU ro parenta ra ngoi.>>
8Dadi, 'a Harun no maco-cori i'a toma jou-jou ma ngi'i re no tola'a sapi ma ngowa ma nau'u sa'olo jou-jou di'a sigofi ngowa'a ra Ma JOU 'ai momina di'a 'ai diri masiretene. 9'Imam matengo ra Harun 'ai ngowa-ngowa'a ma nau'u 'o gasa haiwani ma ngaunu ra Harun, unanga 'a sitono 'ai giama ma rarag̱a toma ngaunu gena-ge, 'a si'ese toma tadu-tadu'u toma jou-jou ma ngi'i ma ḇuḇuku rata. Ḏua ma ngaunu ma jingianga 'i siajala toma jou-jou ma ngi'i ma cimi. 10Ma gaji rema ginjal romoḏiḏi re 'a'abala ma balangu ga'a 'i rousu i'a toma jou-jou gena-ge di'a sigofi ngowa'a ra Ma JOU 'ai momina, unanga 'a tau'u toma jou-jou ma ngi'i ma re'u, ma tero sa'olo Ma JOU ro parenta ra Musa. 11Mada'a haiwani gena-ge ma la-la'eme re ma eno'o, unanga 'a tau'u toma suyu'u ma daeraha ma ḏuḏunu.
12Togumu i'a, 'a Harun 'o tola'a haiwani di'a jou-jou tau'u di'a 'ai diri masiretene. Ḏua, 'a Harun 'ai ngowa-ngowa'a nau'u 'aḏi pula'a haiwani gena-ge ma ngaunu ra unanga, kara unanga 'a siajala toma jou-jou ma ngi'i ma ḇuḇuku rata ma gagoro. 13Togumu i'a, ananga 'aḏi pula'a haiwani gena-ge ma sae'e re ma balangu rimoi-rimoi ra Harun kara 'a tau'u toma jou-jou ma ngi'i ma re'u. 14Gena ḏua, ma po'olo ma dara re ma busuu'u, unanga 'a soso'o re 'a tau'u simete'e jou-jou tau'u toma jou-jou ma ngi'i ma re'u.
15Togumu i'a Harun 'o gasa 'abingi ma nau'u ga'a sa'olo bangsa Israel manga jou-jou re unanga 'o tola'a 'abingi gena-ge re 'a sidoa'a sa'olo bangsa Israel ma jou-jou di'a sigofi ananga ra Ma JOU 'ai momina, ma tero sa'olo jou-jou ma mulaingi di'a sigofi ngowa'a ra Ma JOU 'ai momina ga'a unanga ro sidoa'a di'a 'ai diri masiretene. 16Gena ḏua, 'a Harun 'o 'oro haiwani di'a jou-jou tau'u kara 'a sidoa'a mete'e ma 'atoranga.#Im. 1:10-13 17Re unanga 'o sidoa'a jou-jou ngo-ngoromo re 'o 'oro gulupungu jobo moi kara 'a tau'u se-sebanga jou-jou tau'u toma jou-jou ma ngi'i ma re'u, jou-jou tau'u gena-ge di'a wangere da-daini.
18Gena ḏua, 'a Harun 'o tola'a sapi ma nau'u rimoi re doba ma nau'u rimoi di'a bangsa Israel manga jou-jou sababu dadunu marimoi moju ra Ma JOU. Harun 'ai ngowa-ngowa'a nau'u 'aḏi sidoa'a haiwani ma ngaunu ra Harun, kara unanga 'a siajala toma jou-jou ma ngi'i ma ḇuḇuku rata ma gagoro. 19Mada'a sapi ma nau'u re doba ma nau'u gena-ge ma gaji: gena-ge ma di'imi rema gaji ga'a sao ma po'olo ma dara, ma ginjal romoḏiḏi re ma 'a'abala ma balangu ga'a rousu i'a, 20ananga ya siteru toma haiwani romoḏiḏi ma katere ma re'u, kara Harun 'a tau'u toma jou-jou ma ngi'i ma re'u. 21Mada'a haiwani romoḏiḏi gena-ge ma katere re ma busuu'u ma kuwiḏa, 'a Harun 'a sitede ie sa'olo nana'o rimoi enanga mo-moini gena-ge ri siwola i'a di'a Ma JOU ma tero sa'olo Musa ro parenta ra Harun.
22Wakutu jou-jou di'a sigofi ngowa'a ra Ma JOU 'ai momina, jou-jou tau'u re jou-jou sababu dadunu marimoi moju ra Ma JOU 'a Harun 'a sidoa'a palisi'i i'a, unanga 'a tede 'ai giama toma ngowa-ngowa'a Israel re ya'u sibarakati.#Nyo. 6:22-27 kara unanga 'o 'uci toma jou-jou ma ngi'i gena-ge ma sebanga i'a. 23Togumu i'a, 'a Musa re Harun, ananga 'aḏi osama toma Suyu'u Lo-lomu ma dara. Wakutu ananga 'aḏi supu, ananga 'aḏi sibarakati ngowa-ngowa'a Israel. Ḏua ngowa'a Israel mo-moini 'aḏi oḏi'i Ma JOU 'ai mulia ma cahaya. 24Kage-kage Ma JOU 'o siguci u'u ga'a 'i tau'u simoini jou-jou tau'u re jou-jou tau'u ma lelegu#9:24 Gena-ge: jou-jou di'a sigofi ngowa'a ra Ma JOU 'ai momina re jou-jou sababu dadunu marimoi moju ra Ma JOU. ga'a rema gaji toma jou-jou ma ngi'i ma re'u. Wakutu ngowa'a Israel mo-moini 'aḏi oḏi'i, ananga 'aḏi poa'a siduga-duga#9:24 bolo poa'a rema maroanga re 'aḏi mapagara manga biono toma tana'a.#Sup. 19:16; Sup. 20:18-21
தற்சமயம் தேர்ந்தெடுக்கப்பட்டது:
Imamat 9: SAJ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)
Imamat 9
9
Harun 'o gasa jou-jou
1Toma wangere ma soi tu'angere toma , gena-ge solano ma laya togumu ḏua, 'a Musa 'o 'aro'o 'a Harun re 'ai ngowa-ngowa'a nau'u re ngowa'a Israel manga bi-biri'i ga'a sayanga ma jingi'i, ananga gena-ge 'aḏi sapolo ra unanga. 2Re 'a Musa 'o kanau ra Harun ma betongo so'o ne: <<'Oro sapi ma ngowa ma nau'u rimoi re doba ma nau'u rimoi, haiwani romoḏiḏi gena-ge balasu ma lese lolara re no sidoa'a di'a Ma JOU. Sapi ma nau'u ma ngowa sa'olo jou-jou di'a sigofi ngowa'a ra Ma JOU 'ai momina, re doba ma nau'u sa'olo jou-jou tau'u. 3Ḏua no soma'a ngowa'a Israel 'aḏi gasa 'abingi ma nau'u sa'olo jou-jou di'a sigofi ngowa'a ra Ma JOU 'ai momina, re sapi ma ngowa ma nau'u re doba ma nau'u, enanga romoḏiḏi gena-ge ma lese lolara re ma 'umuru musungu rimoi, di'a jou-jou tau'u. 4Soma'a ḏi'i ananga 'aḏi gasa sapi ma nau'u rimoi re doba ma nau'u rimoi, enanga gena-ge di'a sitola'a ra Ma JOU 'ai Suyu'u ma ngalana ma da-daku ma biono sa'olo jou-jou sababu dadunu 'aḏi marimoi moju ra Ma JOU, simete'e ḏi'i jou-jou ngo-ngoromo ga'a sicapuru reo goroho, sababu wangere nange-ne Ma JOU ḏuanga i'a 'o siwaiti ra ananga.>> 5Mo-moini ga'a 'a Musa 'o soma'a ra Harun, ananga ya gasa toma Suyu'u Lo-lomu ma ngalana ma da-daku ma biono re bangsa Israel mo-moini 'aḏi maco-cori i'a di'a silamo'o re siḏubuso Ma JOU. 6Ḏua 'a Musa 'o kanau ma betongo so'o ne: << Ma JOU 'o soma'a ngini 'a'a so'o gena-ge, la ngini ni oḏi'i Unanga 'ai mulia ma cahaya.>>
7Togumu i'a, 'a Musa 'o kanau ra Harun, <<No maco-cori i'a toma jou-jou ma ngi'i, re no sidoa'a jou-jou di'a sigofi ngowa'a ra Ma JOU 'ai momina re jou-jou tau'u. Jou-jou romoḏiḏi gena-ge di'a 'ani diri, la ngana ḏuanga i'a no si'a'a ngana masiretene dadunu no dadi marimoi ra Ma JOU. Re ḏi'i, no gasa re sidoa'a jou-jou ma tero di'a bangsa Israel, la ngana ḏuanga i'a no si'a'a ananga dadunu 'aḏi dadi marimoi ra Ma JOU. 'A Harun, ngana balasu no 'a'a so'o gena ma tero sa'olo Ma JOU ro parenta ra ngoi.>>
8Dadi, 'a Harun no maco-cori i'a toma jou-jou ma ngi'i re no tola'a sapi ma ngowa ma nau'u sa'olo jou-jou di'a sigofi ngowa'a ra Ma JOU 'ai momina di'a 'ai diri masiretene. 9'Imam matengo ra Harun 'ai ngowa-ngowa'a ma nau'u 'o gasa haiwani ma ngaunu ra Harun, unanga 'a sitono 'ai giama ma rarag̱a toma ngaunu gena-ge, 'a si'ese toma tadu-tadu'u toma jou-jou ma ngi'i ma ḇuḇuku rata. Ḏua ma ngaunu ma jingianga 'i siajala toma jou-jou ma ngi'i ma cimi. 10Ma gaji rema ginjal romoḏiḏi re 'a'abala ma balangu ga'a 'i rousu i'a toma jou-jou gena-ge di'a sigofi ngowa'a ra Ma JOU 'ai momina, unanga 'a tau'u toma jou-jou ma ngi'i ma re'u, ma tero sa'olo Ma JOU ro parenta ra Musa. 11Mada'a haiwani gena-ge ma la-la'eme re ma eno'o, unanga 'a tau'u toma suyu'u ma daeraha ma ḏuḏunu.
12Togumu i'a, 'a Harun 'o tola'a haiwani di'a jou-jou tau'u di'a 'ai diri masiretene. Ḏua, 'a Harun 'ai ngowa-ngowa'a nau'u 'aḏi pula'a haiwani gena-ge ma ngaunu ra unanga, kara unanga 'a siajala toma jou-jou ma ngi'i ma ḇuḇuku rata ma gagoro. 13Togumu i'a, ananga 'aḏi pula'a haiwani gena-ge ma sae'e re ma balangu rimoi-rimoi ra Harun kara 'a tau'u toma jou-jou ma ngi'i ma re'u. 14Gena ḏua, ma po'olo ma dara re ma busuu'u, unanga 'a soso'o re 'a tau'u simete'e jou-jou tau'u toma jou-jou ma ngi'i ma re'u.
15Togumu i'a Harun 'o gasa 'abingi ma nau'u ga'a sa'olo bangsa Israel manga jou-jou re unanga 'o tola'a 'abingi gena-ge re 'a sidoa'a sa'olo bangsa Israel ma jou-jou di'a sigofi ananga ra Ma JOU 'ai momina, ma tero sa'olo jou-jou ma mulaingi di'a sigofi ngowa'a ra Ma JOU 'ai momina ga'a unanga ro sidoa'a di'a 'ai diri masiretene. 16Gena ḏua, 'a Harun 'o 'oro haiwani di'a jou-jou tau'u kara 'a sidoa'a mete'e ma 'atoranga.#Im. 1:10-13 17Re unanga 'o sidoa'a jou-jou ngo-ngoromo re 'o 'oro gulupungu jobo moi kara 'a tau'u se-sebanga jou-jou tau'u toma jou-jou ma ngi'i ma re'u, jou-jou tau'u gena-ge di'a wangere da-daini.
18Gena ḏua, 'a Harun 'o tola'a sapi ma nau'u rimoi re doba ma nau'u rimoi di'a bangsa Israel manga jou-jou sababu dadunu marimoi moju ra Ma JOU. Harun 'ai ngowa-ngowa'a nau'u 'aḏi sidoa'a haiwani ma ngaunu ra Harun, kara unanga 'a siajala toma jou-jou ma ngi'i ma ḇuḇuku rata ma gagoro. 19Mada'a sapi ma nau'u re doba ma nau'u gena-ge ma gaji: gena-ge ma di'imi rema gaji ga'a sao ma po'olo ma dara, ma ginjal romoḏiḏi re ma 'a'abala ma balangu ga'a rousu i'a, 20ananga ya siteru toma haiwani romoḏiḏi ma katere ma re'u, kara Harun 'a tau'u toma jou-jou ma ngi'i ma re'u. 21Mada'a haiwani romoḏiḏi gena-ge ma katere re ma busuu'u ma kuwiḏa, 'a Harun 'a sitede ie sa'olo nana'o rimoi enanga mo-moini gena-ge ri siwola i'a di'a Ma JOU ma tero sa'olo Musa ro parenta ra Harun.
22Wakutu jou-jou di'a sigofi ngowa'a ra Ma JOU 'ai momina, jou-jou tau'u re jou-jou sababu dadunu marimoi moju ra Ma JOU 'a Harun 'a sidoa'a palisi'i i'a, unanga 'a tede 'ai giama toma ngowa-ngowa'a Israel re ya'u sibarakati.#Nyo. 6:22-27 kara unanga 'o 'uci toma jou-jou ma ngi'i gena-ge ma sebanga i'a. 23Togumu i'a, 'a Musa re Harun, ananga 'aḏi osama toma Suyu'u Lo-lomu ma dara. Wakutu ananga 'aḏi supu, ananga 'aḏi sibarakati ngowa-ngowa'a Israel. Ḏua ngowa'a Israel mo-moini 'aḏi oḏi'i Ma JOU 'ai mulia ma cahaya. 24Kage-kage Ma JOU 'o siguci u'u ga'a 'i tau'u simoini jou-jou tau'u re jou-jou tau'u ma lelegu#9:24 Gena-ge: jou-jou di'a sigofi ngowa'a ra Ma JOU 'ai momina re jou-jou sababu dadunu marimoi moju ra Ma JOU. ga'a rema gaji toma jou-jou ma ngi'i ma re'u. Wakutu ngowa'a Israel mo-moini 'aḏi oḏi'i, ananga 'aḏi poa'a siduga-duga#9:24 bolo poa'a rema maroanga re 'aḏi mapagara manga biono toma tana'a.#Sup. 19:16; Sup. 20:18-21
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)