Imamat 8
8
Musa 'o sisolano 'a Harun re 'ai ngowa-ngowa'a nau'u
8:1-36
1Ma JOU 'o kanau ra Musa ma betongo so'o ne: 2<<Tagi re 'aro'o 'a Harun re 'ai ngowa-ngowa'a nau'u 'aḏi tagi gasa 'imam 'ai pakeanga, goroho 'urapana, sapi ma ngowa ma nau'u rimoi sa'olo jou-jou di'a sigofi ngowa'a ra Ma JOU 'ai momina re doba ma nau'u romoḏiḏi re roti kama ragi ua toma karajanga moi toma Suyu'u Lo-lomu ma ngalana ma da-daku ma biono. 3Gena ḏua, no soma'a 'umata Israel mo-moini 'aḏi malomu toma Suyu'u Lo-lomu ma ngalana ma da-daku ma biono.>> 4'A Musa 'a siḏagi mete'e Ma JOU 'ai parenta. Ḏua 'umata Israel 'aḏi malomu mo-moini toma ngi'i gena-ge.
5'A Musa 'o kanau toma 'umata Israel ma lo-lomu gena-ge, << 'Oru ḇato ga'a Ma JOU ro soma'a, ngoi ta 'a'a so'o nena-ne:>> 6Ḏua Musa 'o soma'a Harun re 'ai ngowa-ngowa'a nau'u 'aḏi made-de'oso toma biono re Musa 'o siba-ba'ala ḇanyo tamanga lese. 7Togumu i'a, unanga 'o sipake 'a Harun reo 'imam ma baju gena-ge: juba ma lape toma dara, juba ma golona ma bi-biri'u si'a'a reo lenan 'alusu, re 'o juba, re ḏi'i baju 'efod re baju 'efod rema bi-biri'u ga'a sirimoi rema baju 'efod. Bi-biri'u gena-ge ngowa'a pahe 'a singuwele, kara 'a sipiri'u namo-namoto tai golona. 8Ḏua Musa 'o sigare katere ma da-damunu ra Harun re toma katere ma da-damunu ma dara 'o singosama Urim re Tumim. 9Ḏua unanga 'o sigare serban ra Harun 'ai sae'e, toma serban ma biono unanga 'o sigare ma pita guraci. Gena-ge 'i dadi sa'olo nana'o rimoi mangale 'a Harun 'o siwola i'a di'a Ma JOU. 'A Musa 'o si'a'a mo-moini gena-ge ga'a Ma JOU ro parenta ra unanga.
10Gena ḏua, 'a Musa 'o 'oro goroho 'urapana kara 'a siji-jiri toma Suyu'u Lo-lomu re pakakasa mo-moini toma dara. Rema duhu gena-ge, unanga 'o siwola i'a enanga mo-moini gena-ge di'a Ma JOU. 11Goroho 'urapana gena-ge ceka'a ua, unanga 'a siji-jiri soi tumudingi toma jou-jou tau'u ma ngi'i re ma pakakasa re toma ḇanyo ma ngi'i re ma ba-bangini. Rema duhu gena-ge, unanga 'o siwola i'a enanga mo-moini di'a Ma JOU. 12Ḏua, Musa 'o siba-ba'ala goroho 'urapana ra Harun 'ai sae'e di'a siwola i'a Harun di'a Ma JOU. 13Gena ḏua, Musa 'o soma'a 'a Harun 'ai ngowa-ngowa'a nau'u 'aḏi made-de'oso toma biono kara 'o sipake manga juba-juba ma lape re 'o sirangi golona ma bi-biri'u tamanga golona, re ḏi'i sirangi serban tamanga sae'e mete'e sa'olo Ma JOU 'o parenta ra Musa.
14Pasala i'a, Musa 'o 'oro sapi ma ngowa ma nau'u rimoi sa'olo jou-jou di'a sigofi ngowa'a ra Ma JOU 'ai momina. Re Harun re 'ai ngowa-ngowa'a ananga 'aḏi siteru manga giama toma sapi ma nau'u gena-ge ma sae'e ma re'u sa'olo jou-jou di'a sigofi ngowa'a ra Ma JOU 'ai momina. 15Ḏua 'a Musa 'a tola'a sapi gena-ge re 'a 'oro ma ngaunu mamuni'a re 'a si'ese rai rarag̱a toma tadu-tadu'u toma jou-jou ma ngi'i ma ḇuḇuku rata di'a sigofi jou-jou ma ngi'i gena-ge. Re ma ngaunu ma jingianga unanga 'a siajala toma jou-jou ma ngi'i ma cimi. Re ma duhu so'o gena-ge unanga 'o sigofi jou-jou ma ngi'i, la enanga gena-ge siwola i'a di'a Ma JOU sa'olo ngi'i 'ofi-'ofi di'a tau'u jou-jou. 16Sapi ga'a ri tola'a gena-ge, 'a Musa 'a 'oro ma gaji mo-moini: gena-ge gaji toma po'olo ma dara, ma 'a'abala ma balangu ga'a rousu i'a re ma ginjal romoḏiḏi rema gaji ga'a 'i pata. Mo-moini gena-ge, unanga 'a tau'u toma jou-jou ma ngi'i ma re'u. 17Mada'a sapi ma la-la'eme, ma eno'o re enanga ma faja, mo-moini gena-ge balasu na tau'u toma ngowa'a Israel manga suyu'u ma daeraha ma ḏuḏunu ma tero sa'olo Ma JOU ro parenta ra Musa.
18Gena ḏua, Musa 'o 'oro doba ma nau'u sa'olo jou-jou tau'u. Harun re 'ai ngowa-ngowa'a nau'u 'aḏi siteru manga giama toma doba gena-ge ma sae'e. 19'A Musa 'a tola'a doba gena-ge kara ma ngaunu 'a siajala toma jou-jou ma ngi'i ma ḇuḇuku rata ma gagoro. 20Unanga 'a tola-tola'a doba ma nau'u gena-ge mete'e enanga ma balangu. Ḏua, Musa 'o tau'u ma sae'e, ma balangu-balangu re ma gaji. 21Gena ḏua, ma po'olo ma dara re ma busuu'u, unanga 'a soso'o reo ḇanyo. Ḏua Musa 'o tau'u doba ma nau'u mo-moini gena-ge toma jou-jou ma ngi'i ma re'u sa'olo jou-jou tau'u. Gena-ge jou-jou ngo-ngoromo rema bounu ga'a sisanangi Ma JOU 'ai 'akala re sinyingara. Mo-moini gena-ge Musa 'a si'a'a ma tero sa'olo Ma JOU ro parenta ra Musa.
22Gena ḏua 'a Musa 'o 'oro doba ma nau'u rimoi ma lelegu sa'olo jou-jou solano di'a 'imam-'imam. Re 'a Harun re 'ai ngowa-ngowa'a nau'u 'aḏi siteru manga giama toma doba ma nau'u gena-ge ma sae'e ma re'u, 23kara Musa 'o tola'a doba gena-ge. Togumu i'a, unanga 'o 'oro doba ma nau'u gena-ge ma ngaunu ceka'a ua kara 'a si'ese ra Harun 'ai ngau'u ma kuwiḏa ma gogolete, tai giama ma kuwiḏa ma tuḇulelara re tai rou ma kuwiḏa ma tuḇulelara. 24Gena ḏua Musa 'o soma'a Harun 'ai ngowa-ngowa'a 'aḏi maco-cori ino, re unanga 'a si'ese ḏi'i doba ma nau'u gena-ge ma ngaunu mamuni'a ra ananga manga ngau'u ma kuwiḏa ma gogolete re tamanga giama ma kuwiḏa ma tuḇulelara kara tamanga rou ma kuwiḏa ma tuḇulelara. Ḏua, ma ngaunu ma jingianga, unanga 'a siajala toma jou-jou tau'u ma ngi'i ma ḇuḇuku rata ma gagoro. 25Musa 'o 'oro doba gena-ge ma gaji mo-moini: ma di'imi rema gaji re ma gaji ga'a ya sao ma po'olo ma dara re ma 'a'abala ma balangu ga'a rousu i'a, ma ginjal romoḏiḏi re ma gaji re ma busuu'u ma kuwiḏa. 26Re toma karajanga ma dara 'age roti-roti kama ragi ua ga'a ri siwola i'a di'a Ma JOU, 'a Musa 'a 'oro roti rimoi ga'a kama ragi ua, roti ḇululu rimoi ga'a sicapuru reo goroho re roti tore nginara rimoi. Roti mo-moini gena-ge unanga 'o sigare toma haiwani ma gaji ma balangu-balangu re ma busuu'u ma kuwiḏa, mo-moini gena-ge ma re'u. 27Roti mo-moini re doba ma nau'u ma balangu-balangu gena-ge, unanga 'a sigare ra Harun re 'ai ngowa-ngowa'a nau'u manga giama, kara ananga ya tede ie di'a sijumu mangale jou-jou mo-moini gena-ge ri siwola i'a di'a Ma JOU. 28Togumu i'a, Musa dadunu 'a 'oro jou-jou simoini ra ananga manga giama re 'a tau'u sirimoi reo jou-jou tau'u toma jou-jou ma ngi'i ma re'u. Gena-ge jou-jou solano di'a 'imam-'imam sa'olo jou-jou ngo-ngoromo rema bounu ga'a sisanangi Ma JOU 'ai 'akala re sinyingara. 29Ma ḏo-ḏogumu, Musa 'a 'oro doba ma nau'u ma katere ma la-la'eme re 'a tede ie di'a sijumu jou-jou gena-ge 'i siwola i'a di'a Ma JOU. Katere gena-ge di'a Musa 'ai balangu toma doba ma nau'u ga'a jou-jou solano 'imam-'imam sa'olo Ma JOU ro parenta ra unanga.
30Togumu i'a, Musa 'o 'oro goroho 'urapana mamuni'a re haiwani ma ngaunu mamuni'a ga'a 'age toma jou-jou ma ngi'i ma re'u, kara 'a siji-jiri ra Harun re 'ai ngowa-ngowa'a nau'u re ra ananga manga baju. Rema duhu so'o gena-ge, Musa 'o siwola i'a 'a Harun re 'ai ngowa-ngowa'a 'ai nau'u re manga pakeanga di'a Ma JOU.
31Ma ḏo-ḏogumu, Musa 'o kanau ra Harun re 'ai ngowa-ngowa'a nau'u ma betongo so'o ne:<<Na sa'ai haiwani gena-ge ma la-la'eme toma Suyu'u Lo-lomu ma ngalana ma da-daku ma biono. Ngini balasu na oromo toma ngi'i gena-ge reo roti ma jingianga ga'a ri sidoa'a sa'olo jou-jou solano, enanga gena-ge ga'a 'age toma karajanga ma dara ma tero sa'olo Ngoi to soma'a so'o ne: <'A Harun re 'ai ngowa'a nau'u ḏuanga i'a 'aḏi oromo gena-ge.> 32Haiwani ma la-la'eme ma jingianga re roti ma jingianga, ngana balasu na tau'u simoini. 33Ma di'ara wangere tumudingi ma dara, ngini ni sisoi'i tala awa Suyu'u Lo-lomu ma ngalana ma da-daku ma biono singadolo siḏuanga sisolano ngini, sababu solano ma laya paralu ma di'ara wangere tumudingi. 34Ma JOU ro parenta 'oru ga'a wa si'a'a toma wangere nange-ne, la ngini dadunu ni dadi marimoi ra Ma JOU. 35Wangere tumudingi ma dara, lobi'i re wangere, ngini balasu ni tegoro toma Suyu'u Lo-lomu ma ngalana ma da-daku ma biono di'a ni siḏagi 'oru ga'a Ma JOU ro parenta. Na'o ngini na siḏagi ua, ḏuanga i'a ngini ni sengene. Gena-ge Ma JOU ro parenta ra ngoi.>> 36Ḏua, Harun re 'ai ngowa-ngowa'a nau'u ya siḏagi mo-moini mete'e 'oru ga'a Ma JOU ro parenta ra Musa di'a ananga.
தற்சமயம் தேர்ந்தெடுக்கப்பட்டது:
Imamat 8: SAJ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)
Imamat 8
8
Musa 'o sisolano 'a Harun re 'ai ngowa-ngowa'a nau'u
8:1-36
1Ma JOU 'o kanau ra Musa ma betongo so'o ne: 2<<Tagi re 'aro'o 'a Harun re 'ai ngowa-ngowa'a nau'u 'aḏi tagi gasa 'imam 'ai pakeanga, goroho 'urapana, sapi ma ngowa ma nau'u rimoi sa'olo jou-jou di'a sigofi ngowa'a ra Ma JOU 'ai momina re doba ma nau'u romoḏiḏi re roti kama ragi ua toma karajanga moi toma Suyu'u Lo-lomu ma ngalana ma da-daku ma biono. 3Gena ḏua, no soma'a 'umata Israel mo-moini 'aḏi malomu toma Suyu'u Lo-lomu ma ngalana ma da-daku ma biono.>> 4'A Musa 'a siḏagi mete'e Ma JOU 'ai parenta. Ḏua 'umata Israel 'aḏi malomu mo-moini toma ngi'i gena-ge.
5'A Musa 'o kanau toma 'umata Israel ma lo-lomu gena-ge, << 'Oru ḇato ga'a Ma JOU ro soma'a, ngoi ta 'a'a so'o nena-ne:>> 6Ḏua Musa 'o soma'a Harun re 'ai ngowa-ngowa'a nau'u 'aḏi made-de'oso toma biono re Musa 'o siba-ba'ala ḇanyo tamanga lese. 7Togumu i'a, unanga 'o sipake 'a Harun reo 'imam ma baju gena-ge: juba ma lape toma dara, juba ma golona ma bi-biri'u si'a'a reo lenan 'alusu, re 'o juba, re ḏi'i baju 'efod re baju 'efod rema bi-biri'u ga'a sirimoi rema baju 'efod. Bi-biri'u gena-ge ngowa'a pahe 'a singuwele, kara 'a sipiri'u namo-namoto tai golona. 8Ḏua Musa 'o sigare katere ma da-damunu ra Harun re toma katere ma da-damunu ma dara 'o singosama Urim re Tumim. 9Ḏua unanga 'o sigare serban ra Harun 'ai sae'e, toma serban ma biono unanga 'o sigare ma pita guraci. Gena-ge 'i dadi sa'olo nana'o rimoi mangale 'a Harun 'o siwola i'a di'a Ma JOU. 'A Musa 'o si'a'a mo-moini gena-ge ga'a Ma JOU ro parenta ra unanga.
10Gena ḏua, 'a Musa 'o 'oro goroho 'urapana kara 'a siji-jiri toma Suyu'u Lo-lomu re pakakasa mo-moini toma dara. Rema duhu gena-ge, unanga 'o siwola i'a enanga mo-moini gena-ge di'a Ma JOU. 11Goroho 'urapana gena-ge ceka'a ua, unanga 'a siji-jiri soi tumudingi toma jou-jou tau'u ma ngi'i re ma pakakasa re toma ḇanyo ma ngi'i re ma ba-bangini. Rema duhu gena-ge, unanga 'o siwola i'a enanga mo-moini di'a Ma JOU. 12Ḏua, Musa 'o siba-ba'ala goroho 'urapana ra Harun 'ai sae'e di'a siwola i'a Harun di'a Ma JOU. 13Gena ḏua, Musa 'o soma'a 'a Harun 'ai ngowa-ngowa'a nau'u 'aḏi made-de'oso toma biono kara 'o sipake manga juba-juba ma lape re 'o sirangi golona ma bi-biri'u tamanga golona, re ḏi'i sirangi serban tamanga sae'e mete'e sa'olo Ma JOU 'o parenta ra Musa.
14Pasala i'a, Musa 'o 'oro sapi ma ngowa ma nau'u rimoi sa'olo jou-jou di'a sigofi ngowa'a ra Ma JOU 'ai momina. Re Harun re 'ai ngowa-ngowa'a ananga 'aḏi siteru manga giama toma sapi ma nau'u gena-ge ma sae'e ma re'u sa'olo jou-jou di'a sigofi ngowa'a ra Ma JOU 'ai momina. 15Ḏua 'a Musa 'a tola'a sapi gena-ge re 'a 'oro ma ngaunu mamuni'a re 'a si'ese rai rarag̱a toma tadu-tadu'u toma jou-jou ma ngi'i ma ḇuḇuku rata di'a sigofi jou-jou ma ngi'i gena-ge. Re ma ngaunu ma jingianga unanga 'a siajala toma jou-jou ma ngi'i ma cimi. Re ma duhu so'o gena-ge unanga 'o sigofi jou-jou ma ngi'i, la enanga gena-ge siwola i'a di'a Ma JOU sa'olo ngi'i 'ofi-'ofi di'a tau'u jou-jou. 16Sapi ga'a ri tola'a gena-ge, 'a Musa 'a 'oro ma gaji mo-moini: gena-ge gaji toma po'olo ma dara, ma 'a'abala ma balangu ga'a rousu i'a re ma ginjal romoḏiḏi rema gaji ga'a 'i pata. Mo-moini gena-ge, unanga 'a tau'u toma jou-jou ma ngi'i ma re'u. 17Mada'a sapi ma la-la'eme, ma eno'o re enanga ma faja, mo-moini gena-ge balasu na tau'u toma ngowa'a Israel manga suyu'u ma daeraha ma ḏuḏunu ma tero sa'olo Ma JOU ro parenta ra Musa.
18Gena ḏua, Musa 'o 'oro doba ma nau'u sa'olo jou-jou tau'u. Harun re 'ai ngowa-ngowa'a nau'u 'aḏi siteru manga giama toma doba gena-ge ma sae'e. 19'A Musa 'a tola'a doba gena-ge kara ma ngaunu 'a siajala toma jou-jou ma ngi'i ma ḇuḇuku rata ma gagoro. 20Unanga 'a tola-tola'a doba ma nau'u gena-ge mete'e enanga ma balangu. Ḏua, Musa 'o tau'u ma sae'e, ma balangu-balangu re ma gaji. 21Gena ḏua, ma po'olo ma dara re ma busuu'u, unanga 'a soso'o reo ḇanyo. Ḏua Musa 'o tau'u doba ma nau'u mo-moini gena-ge toma jou-jou ma ngi'i ma re'u sa'olo jou-jou tau'u. Gena-ge jou-jou ngo-ngoromo rema bounu ga'a sisanangi Ma JOU 'ai 'akala re sinyingara. Mo-moini gena-ge Musa 'a si'a'a ma tero sa'olo Ma JOU ro parenta ra Musa.
22Gena ḏua 'a Musa 'o 'oro doba ma nau'u rimoi ma lelegu sa'olo jou-jou solano di'a 'imam-'imam. Re 'a Harun re 'ai ngowa-ngowa'a nau'u 'aḏi siteru manga giama toma doba ma nau'u gena-ge ma sae'e ma re'u, 23kara Musa 'o tola'a doba gena-ge. Togumu i'a, unanga 'o 'oro doba ma nau'u gena-ge ma ngaunu ceka'a ua kara 'a si'ese ra Harun 'ai ngau'u ma kuwiḏa ma gogolete, tai giama ma kuwiḏa ma tuḇulelara re tai rou ma kuwiḏa ma tuḇulelara. 24Gena ḏua Musa 'o soma'a Harun 'ai ngowa-ngowa'a 'aḏi maco-cori ino, re unanga 'a si'ese ḏi'i doba ma nau'u gena-ge ma ngaunu mamuni'a ra ananga manga ngau'u ma kuwiḏa ma gogolete re tamanga giama ma kuwiḏa ma tuḇulelara kara tamanga rou ma kuwiḏa ma tuḇulelara. Ḏua, ma ngaunu ma jingianga, unanga 'a siajala toma jou-jou tau'u ma ngi'i ma ḇuḇuku rata ma gagoro. 25Musa 'o 'oro doba gena-ge ma gaji mo-moini: ma di'imi rema gaji re ma gaji ga'a ya sao ma po'olo ma dara re ma 'a'abala ma balangu ga'a rousu i'a, ma ginjal romoḏiḏi re ma gaji re ma busuu'u ma kuwiḏa. 26Re toma karajanga ma dara 'age roti-roti kama ragi ua ga'a ri siwola i'a di'a Ma JOU, 'a Musa 'a 'oro roti rimoi ga'a kama ragi ua, roti ḇululu rimoi ga'a sicapuru reo goroho re roti tore nginara rimoi. Roti mo-moini gena-ge unanga 'o sigare toma haiwani ma gaji ma balangu-balangu re ma busuu'u ma kuwiḏa, mo-moini gena-ge ma re'u. 27Roti mo-moini re doba ma nau'u ma balangu-balangu gena-ge, unanga 'a sigare ra Harun re 'ai ngowa-ngowa'a nau'u manga giama, kara ananga ya tede ie di'a sijumu mangale jou-jou mo-moini gena-ge ri siwola i'a di'a Ma JOU. 28Togumu i'a, Musa dadunu 'a 'oro jou-jou simoini ra ananga manga giama re 'a tau'u sirimoi reo jou-jou tau'u toma jou-jou ma ngi'i ma re'u. Gena-ge jou-jou solano di'a 'imam-'imam sa'olo jou-jou ngo-ngoromo rema bounu ga'a sisanangi Ma JOU 'ai 'akala re sinyingara. 29Ma ḏo-ḏogumu, Musa 'a 'oro doba ma nau'u ma katere ma la-la'eme re 'a tede ie di'a sijumu jou-jou gena-ge 'i siwola i'a di'a Ma JOU. Katere gena-ge di'a Musa 'ai balangu toma doba ma nau'u ga'a jou-jou solano 'imam-'imam sa'olo Ma JOU ro parenta ra unanga.
30Togumu i'a, Musa 'o 'oro goroho 'urapana mamuni'a re haiwani ma ngaunu mamuni'a ga'a 'age toma jou-jou ma ngi'i ma re'u, kara 'a siji-jiri ra Harun re 'ai ngowa-ngowa'a nau'u re ra ananga manga baju. Rema duhu so'o gena-ge, Musa 'o siwola i'a 'a Harun re 'ai ngowa-ngowa'a 'ai nau'u re manga pakeanga di'a Ma JOU.
31Ma ḏo-ḏogumu, Musa 'o kanau ra Harun re 'ai ngowa-ngowa'a nau'u ma betongo so'o ne:<<Na sa'ai haiwani gena-ge ma la-la'eme toma Suyu'u Lo-lomu ma ngalana ma da-daku ma biono. Ngini balasu na oromo toma ngi'i gena-ge reo roti ma jingianga ga'a ri sidoa'a sa'olo jou-jou solano, enanga gena-ge ga'a 'age toma karajanga ma dara ma tero sa'olo Ngoi to soma'a so'o ne: <'A Harun re 'ai ngowa'a nau'u ḏuanga i'a 'aḏi oromo gena-ge.> 32Haiwani ma la-la'eme ma jingianga re roti ma jingianga, ngana balasu na tau'u simoini. 33Ma di'ara wangere tumudingi ma dara, ngini ni sisoi'i tala awa Suyu'u Lo-lomu ma ngalana ma da-daku ma biono singadolo siḏuanga sisolano ngini, sababu solano ma laya paralu ma di'ara wangere tumudingi. 34Ma JOU ro parenta 'oru ga'a wa si'a'a toma wangere nange-ne, la ngini dadunu ni dadi marimoi ra Ma JOU. 35Wangere tumudingi ma dara, lobi'i re wangere, ngini balasu ni tegoro toma Suyu'u Lo-lomu ma ngalana ma da-daku ma biono di'a ni siḏagi 'oru ga'a Ma JOU ro parenta. Na'o ngini na siḏagi ua, ḏuanga i'a ngini ni sengene. Gena-ge Ma JOU ro parenta ra ngoi.>> 36Ḏua, Harun re 'ai ngowa-ngowa'a nau'u ya siḏagi mo-moini mete'e 'oru ga'a Ma JOU ro parenta ra Musa di'a ananga.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)