Imamat 10
10
'A Nadab re Abihu manga ḏosa
1Toma wangere rimoi, 'a Nadab re Abihu, 'a Harun 'ai ngowa'a na-nau'u ngamu ḏiḏi tai ngowa'a nga ḏuata manga sigolona ananga ngamu ḏiḏi 'aḏi 'oro manga u'u ma ngi'i re ya sigare u'u ma ngaboso toma u'u ma ngi'i ma dara, kara ananga ya sigare dupa toma ngi'i ga'a toma u'u ma ngi'i ma re'u di'a sidoa'a sa'olo jou-jou ra Ma JOU. Mada'a Ma JOU 'o simaha ua ananga sidoa'a jou-jou gena-ge. 2Ḏua Ma JOU 'o sisapolo u'u siro'u ananga singadolo 'aḏi sengene ra Ma JOU 'ai momina. 3Ḏua Musa 'o kanau ra Harun ma betongo so'o ne: <<Gena-ge ga'a Ma JOU 'ai maksudu wakutu Unanga 'o kanau ma betongo so'o ne, <Ananga ga'a 'aḏi mau maco-cori i'a ra ngoi sa'olo 'ari 'imam, ananga balasu 'aḏi silamo'o Ngoi ga'a 'Ofi-'Ofi, re ngowa-ngowa'a mo-moini ḏuanga i'a 'aḏi simulia Ngoi.>>> Mada'a Harun 'o masiogoro ḇato.
4Gena ḏua, 'a Musa 'o 'aro'o 'a Misael re Elsafan, 'a Uziel 'ai ngowa-ngowa'a nau'u, 'a Uziel ga'a 'a Musa re Harun 'ai jou. 'A Musa 'o kanau ra ananga ma betongo so'o ne: <<Ni ino 'ane ni 'oro 'a Nadab re Abihu manga mayeti toma Suyu'u Lo-lomu ma ngalana ma da-daku ma biono re ya sigare toma suyu'u ma daeraha ma ḏuḏunu.>> 5Ananga 'aḏi sapolo re 'oro mayeti ga'a remanga pakeanga moju re ya sisupu toma suyu'u ma daeraha ma ḏuḏunu, ma tero sa'olo Musa 'o parenta ra ananga. 6Ḏua Musa 'o kanau ra Harun re 'ai ngowa-ngowa'a nau'u ngamu ḏiḏi ma lelegu, 'a Eleazar re Itamar <<Awa ni sieanga ninga utu 'i kawusa re awa ni 'acingi ninga baju di'a ni sijumu mangale ninga 'akala re sinyingara kangela rema duka. Na'o ngini ni 'a'a so'o gena, ngini ḏuanga i'a ni sengene re Ma JOU 'o ruta toma 'umata Israel mo-moini. Mada'a sieanga i'a ngowa'a mo-moini toma suku Yakub, ananga gena-ge nyengara ya rerese ma gaḏi sababu Ma JOU 'o sisapolo u'u ga'a 'i sisengene ngowa'a ngamu ḏiḏi gena-ge. 7Awa ngini ni sisoi'i tala Suyu'u Lo-lomu ma ngalana ma da-daku ma biono, la awa ni sengene, sababu ngini sanga solano reo goroho 'urapana taninga sae'e.>> Ananga ya siḏagi mete'e sa'olo Musa 'a kanau.
'Atoranga di'a 'imam-'imam
8Ma JOU 'o kanau ra Harun ma betongo so'o ne: 9<<Na'o ngana re 'ani ngowa-ngowa'a nau'u 'aḏi ka'e 'anggur bolo 'alkohol, awa ni osama Suyu'u Lo-lomu ma dara. Na'o ngini ni lawana 'atoranga gena-ge, ḏuanga i'a ngini ni sengene. 'Ari hukumu gena-ge, ngini balasu ni mete'e singadolo ninga ju'uda tala kasingado-ngadolo. 10Ngini balasu ni waro 'oru ga'a ri siwola i'a di'a Ma JOU, re 'oru ga'a 'i siwola i'a ua di'a Ma JOU; 'oru ga'a 'i najis re 'oru ga'a 'i 'ofi ra Ma JOU 'ai momina. 11'Ari hukumu mo-moini ga'a Ngoi, Ma JOU Ta siajele ra Musa di'a ngowa'a Israel, ngini balasu na sidoto'o toma bangsa Israel.>>
'Imam manga balangu
12'A Musa 'o kanau ra Harun re 'ai ngowa'a nau'u ngamu ḏiḏi 'a Eleazar re Itamar ma betongo so'o ne: << 'Oro gulupungu toma jou-jou ngo-ngoromo ma jingianga ga'a ri sidoa'a sa'olo jou-jou ra Ma JOU. Ḏua ngini ni 'a'a roti kama ragi ua toma gulupungu gena-ge, kara ni oromo roti gena-ge toma jou-jou ma ngi'i ma gagoro. Pa'i 'imam-'imam ḇato nyengara 'o oromo roti gena-ge sababu enanga gena-ge lai 'ofi-'ofi. 13Roti gena-ge ngini balasu ni oromo pa'i toma ngi'i 'ofi-'ofi ḇato, sababu ngo-ngoromo gena-ge sa'olo 'ani balangu re ḏi'i 'ani ngowa-ngowa'a nau'u ninga balangu toma jou-jou ngo-ngoromo ga'a ri sidoa'a ra Ma JOU. So'o gena Ngoi, Ma JOU, 'ari hukumu di'a ngini. 14Mada'a ngini re ninga ngowa'a nau'u re ngowa'a were'a ḏi'i, ananga gena-ge nyengara 'aḏi oromo haiwani ma katere ga'a ri sitede ie re ma busuu'u ga'a ri siwola i'a di'a ninga balangu. Balangu gena-ge toma jou-jou sababu dadunu marimoi moju ra Ma JOU ga'a gena-ge ngowa-ngowa'a Israel manga jou-jou. Mada'a ngini balasu na oromo pa'i toma ngi'i ga'a 'i 'ofi mete'e Ma JOU 'ai 'atoranga. 15Ma busuu'u ga'a 'i siwola i'a ḏua rema katere ga'a 'i sitede ie ananga balasu ya gasa sirimoi rema gaji sa'olo jou-jou ngo-ngoromo di'a Ma JOU. Mo-moini gena-ge 'i dadi jou-jou ga'a 'i sitede ie ra Ma JOU 'ai momina. Enanga gena-ge 'i dadi ngana 'ani balangu re ḏi'i 'ani ngowa-ngowa'a nau'u, ngini ninga balangu di'a kasingado-ngadolo i'a mete'e sa'olo Ma JOU ro parenta.>>
16Togumu i'a, Musa 'o sano mode-mode'e ngowa-ngowa'a mamuni'a di'a disa waro mangale 'abingi ma nau'u sa'olo jou-jou di'a sigofi ngowa'a ra Ma JOU 'ai momina. Mada'a ma nyonyata 'abingi gena-ge 'i tau'u ḏua! Dadi 'a Musa 'o ruta ra Eleazar re Itamar, 'a Harun 'ai ngowa'a nau'u ngamu ḏiḏi ma lelegu. Unanga 'o kanau ra ananga ma betongo so'o ne: 17<<I'a sa'olo jou-jou di'a sigofi ngowa'a ra Ma JOU 'ai momina gena-ge, ngana rena oromo toma ngi'i 'ofi-'ofi #10:17 Im. 6:26ua? Jou-jou gena-ge 'i 'ofi-'ofi madutu ga'a Ma JOU ro pula'a ra ngini di'a sigofi ngowa'a Israel moju tamanga ga'a ma rapu re ni si'a'a ananga dadunu 'aḏi dadi marimoi ra Ma JOU. 18'Oḏi'i, 'abingi ma ngaunu na gasa ua toma Suyu'u Lo-lomu ma dara. Sababu gena-ge, ngini balasu ni oromo jou-jou gena-ge toma ngi'i 'ofi-'ofi ma tero sa'olo ngoi to parenta ḏua.>>
19'A Harun 'a sangoro ra Musa, <<Tero mode'e, wangere nange-ne ngowa-ngowa'a Israel raḏi sipula'a manga jou-jou di'a sigofi ngowa'a ra Ma JOU 'ai momina, re jou-jou tau'u ra Ma JOU. Kalaha so'o gena, katula gena-ge ri nga'unu ngoi mangale 'ari ngowa'a nau'u ngamu ḏiḏi raḏi sengene! Na'o wangere nange-ne ngoi to oromo ngowa'a Israel manga jou-jou di'a sigofi ngowa'a ra Ma JOU 'ai momina, sanga ua 'ari ga'a 'i sisanangi Ma JOU 'ai 'akala re sinyingara!>> 20Wakutu 'a Musa 'a 'isene 'a Harun 'ai sa-sangoro gena-ge Musa 'o 'akoru.
தற்சமயம் தேர்ந்தெடுக்கப்பட்டது:
Imamat 10: SAJ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)
Imamat 10
10
'A Nadab re Abihu manga ḏosa
1Toma wangere rimoi, 'a Nadab re Abihu, 'a Harun 'ai ngowa'a na-nau'u ngamu ḏiḏi tai ngowa'a nga ḏuata manga sigolona ananga ngamu ḏiḏi 'aḏi 'oro manga u'u ma ngi'i re ya sigare u'u ma ngaboso toma u'u ma ngi'i ma dara, kara ananga ya sigare dupa toma ngi'i ga'a toma u'u ma ngi'i ma re'u di'a sidoa'a sa'olo jou-jou ra Ma JOU. Mada'a Ma JOU 'o simaha ua ananga sidoa'a jou-jou gena-ge. 2Ḏua Ma JOU 'o sisapolo u'u siro'u ananga singadolo 'aḏi sengene ra Ma JOU 'ai momina. 3Ḏua Musa 'o kanau ra Harun ma betongo so'o ne: <<Gena-ge ga'a Ma JOU 'ai maksudu wakutu Unanga 'o kanau ma betongo so'o ne, <Ananga ga'a 'aḏi mau maco-cori i'a ra ngoi sa'olo 'ari 'imam, ananga balasu 'aḏi silamo'o Ngoi ga'a 'Ofi-'Ofi, re ngowa-ngowa'a mo-moini ḏuanga i'a 'aḏi simulia Ngoi.>>> Mada'a Harun 'o masiogoro ḇato.
4Gena ḏua, 'a Musa 'o 'aro'o 'a Misael re Elsafan, 'a Uziel 'ai ngowa-ngowa'a nau'u, 'a Uziel ga'a 'a Musa re Harun 'ai jou. 'A Musa 'o kanau ra ananga ma betongo so'o ne: <<Ni ino 'ane ni 'oro 'a Nadab re Abihu manga mayeti toma Suyu'u Lo-lomu ma ngalana ma da-daku ma biono re ya sigare toma suyu'u ma daeraha ma ḏuḏunu.>> 5Ananga 'aḏi sapolo re 'oro mayeti ga'a remanga pakeanga moju re ya sisupu toma suyu'u ma daeraha ma ḏuḏunu, ma tero sa'olo Musa 'o parenta ra ananga. 6Ḏua Musa 'o kanau ra Harun re 'ai ngowa-ngowa'a nau'u ngamu ḏiḏi ma lelegu, 'a Eleazar re Itamar <<Awa ni sieanga ninga utu 'i kawusa re awa ni 'acingi ninga baju di'a ni sijumu mangale ninga 'akala re sinyingara kangela rema duka. Na'o ngini ni 'a'a so'o gena, ngini ḏuanga i'a ni sengene re Ma JOU 'o ruta toma 'umata Israel mo-moini. Mada'a sieanga i'a ngowa'a mo-moini toma suku Yakub, ananga gena-ge nyengara ya rerese ma gaḏi sababu Ma JOU 'o sisapolo u'u ga'a 'i sisengene ngowa'a ngamu ḏiḏi gena-ge. 7Awa ngini ni sisoi'i tala Suyu'u Lo-lomu ma ngalana ma da-daku ma biono, la awa ni sengene, sababu ngini sanga solano reo goroho 'urapana taninga sae'e.>> Ananga ya siḏagi mete'e sa'olo Musa 'a kanau.
'Atoranga di'a 'imam-'imam
8Ma JOU 'o kanau ra Harun ma betongo so'o ne: 9<<Na'o ngana re 'ani ngowa-ngowa'a nau'u 'aḏi ka'e 'anggur bolo 'alkohol, awa ni osama Suyu'u Lo-lomu ma dara. Na'o ngini ni lawana 'atoranga gena-ge, ḏuanga i'a ngini ni sengene. 'Ari hukumu gena-ge, ngini balasu ni mete'e singadolo ninga ju'uda tala kasingado-ngadolo. 10Ngini balasu ni waro 'oru ga'a ri siwola i'a di'a Ma JOU, re 'oru ga'a 'i siwola i'a ua di'a Ma JOU; 'oru ga'a 'i najis re 'oru ga'a 'i 'ofi ra Ma JOU 'ai momina. 11'Ari hukumu mo-moini ga'a Ngoi, Ma JOU Ta siajele ra Musa di'a ngowa'a Israel, ngini balasu na sidoto'o toma bangsa Israel.>>
'Imam manga balangu
12'A Musa 'o kanau ra Harun re 'ai ngowa'a nau'u ngamu ḏiḏi 'a Eleazar re Itamar ma betongo so'o ne: << 'Oro gulupungu toma jou-jou ngo-ngoromo ma jingianga ga'a ri sidoa'a sa'olo jou-jou ra Ma JOU. Ḏua ngini ni 'a'a roti kama ragi ua toma gulupungu gena-ge, kara ni oromo roti gena-ge toma jou-jou ma ngi'i ma gagoro. Pa'i 'imam-'imam ḇato nyengara 'o oromo roti gena-ge sababu enanga gena-ge lai 'ofi-'ofi. 13Roti gena-ge ngini balasu ni oromo pa'i toma ngi'i 'ofi-'ofi ḇato, sababu ngo-ngoromo gena-ge sa'olo 'ani balangu re ḏi'i 'ani ngowa-ngowa'a nau'u ninga balangu toma jou-jou ngo-ngoromo ga'a ri sidoa'a ra Ma JOU. So'o gena Ngoi, Ma JOU, 'ari hukumu di'a ngini. 14Mada'a ngini re ninga ngowa'a nau'u re ngowa'a were'a ḏi'i, ananga gena-ge nyengara 'aḏi oromo haiwani ma katere ga'a ri sitede ie re ma busuu'u ga'a ri siwola i'a di'a ninga balangu. Balangu gena-ge toma jou-jou sababu dadunu marimoi moju ra Ma JOU ga'a gena-ge ngowa-ngowa'a Israel manga jou-jou. Mada'a ngini balasu na oromo pa'i toma ngi'i ga'a 'i 'ofi mete'e Ma JOU 'ai 'atoranga. 15Ma busuu'u ga'a 'i siwola i'a ḏua rema katere ga'a 'i sitede ie ananga balasu ya gasa sirimoi rema gaji sa'olo jou-jou ngo-ngoromo di'a Ma JOU. Mo-moini gena-ge 'i dadi jou-jou ga'a 'i sitede ie ra Ma JOU 'ai momina. Enanga gena-ge 'i dadi ngana 'ani balangu re ḏi'i 'ani ngowa-ngowa'a nau'u, ngini ninga balangu di'a kasingado-ngadolo i'a mete'e sa'olo Ma JOU ro parenta.>>
16Togumu i'a, Musa 'o sano mode-mode'e ngowa-ngowa'a mamuni'a di'a disa waro mangale 'abingi ma nau'u sa'olo jou-jou di'a sigofi ngowa'a ra Ma JOU 'ai momina. Mada'a ma nyonyata 'abingi gena-ge 'i tau'u ḏua! Dadi 'a Musa 'o ruta ra Eleazar re Itamar, 'a Harun 'ai ngowa'a nau'u ngamu ḏiḏi ma lelegu. Unanga 'o kanau ra ananga ma betongo so'o ne: 17<<I'a sa'olo jou-jou di'a sigofi ngowa'a ra Ma JOU 'ai momina gena-ge, ngana rena oromo toma ngi'i 'ofi-'ofi #10:17 Im. 6:26ua? Jou-jou gena-ge 'i 'ofi-'ofi madutu ga'a Ma JOU ro pula'a ra ngini di'a sigofi ngowa'a Israel moju tamanga ga'a ma rapu re ni si'a'a ananga dadunu 'aḏi dadi marimoi ra Ma JOU. 18'Oḏi'i, 'abingi ma ngaunu na gasa ua toma Suyu'u Lo-lomu ma dara. Sababu gena-ge, ngini balasu ni oromo jou-jou gena-ge toma ngi'i 'ofi-'ofi ma tero sa'olo ngoi to parenta ḏua.>>
19'A Harun 'a sangoro ra Musa, <<Tero mode'e, wangere nange-ne ngowa-ngowa'a Israel raḏi sipula'a manga jou-jou di'a sigofi ngowa'a ra Ma JOU 'ai momina, re jou-jou tau'u ra Ma JOU. Kalaha so'o gena, katula gena-ge ri nga'unu ngoi mangale 'ari ngowa'a nau'u ngamu ḏiḏi raḏi sengene! Na'o wangere nange-ne ngoi to oromo ngowa'a Israel manga jou-jou di'a sigofi ngowa'a ra Ma JOU 'ai momina, sanga ua 'ari ga'a 'i sisanangi Ma JOU 'ai 'akala re sinyingara!>> 20Wakutu 'a Musa 'a 'isene 'a Harun 'ai sa-sangoro gena-ge Musa 'o 'akoru.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)