Imamat 11
11
Haiwani ga'a najis re najis ua
11:1-47
1Ma JOU 'o kanau ra Musa re Harun ma betongo so'o ne: 2<<Siajele toma ngowa'a Israel so'o ne: Toma haiwani mo-moini ma sigolona ga'a rou ma rata toma dungia ma dara, ngini nyengara ni oromo haiwani-haiwani nena-ne: 3Haiwani ga'a ma kulucimi'i 'i suka, re si'alusu ma ngo-ngoromo soi ḏiḏi gena-ge ngini na oromo nyengara. 4Mada'a haiwani-haiwani ga'a na oromo yoḏu'u, gena-ge ga'a ma kulucimi'i 'i suka ua, bolo si'alusu ma ngo-ngoromo soi ḏiḏi ua. 'Ade-'ade: sa'olo unta sababu kalaha enanga 'i si'alusu ma ngo-ngoromo soi ḏiḏi, mada'a ma kulucimi'i 'i suka ua. Dadi haiwani gena-ge 'i najis di'a ngini. 5So'o gena ḏi'i: Pelanduk, sababu kalaha enanga 'i si'alusu ma ngo-ngoromo soi ḏiḏi, mada'a ma kulucimi'i 'i suka ua. Dadi haiwani gena-ge 'i najis di'a ngini. 6Re ḏi'i kalinci, sababu kalaha enanga 'i si'alusu ma ngo-ngoromo soi ḏiḏi, mada'a ma kulucimi'i 'i suka ua. Dadi haiwani gena-ge 'i najis di'a ngini. 7Ḏi'i 'o soto bangana, kalaha ma kulucimi'i 'i suka, mada'a enanga 'i si'alusu ma ngo-ngoromo soi ḏiḏi ua, gena-ge 'i najis di'a ngini. 8Haiwani gena-ge mo-moini ma la-la'eme na oromo ceka'a i'a mai awa, ma mayeti mai na cigi awa; haiwani gena-ge 'i najis di'a ngini
9Nena-ne ga'a ngini nyengara na oromo: mo-moini ga'a 'ahu toma ḇanyo ma dara; bae rema ḇuḇutu re ma dungi'i, bae 'ahu toma ngoloto, bae 'ahu toma ḇanyo ma dara, gena-ge mo-moini ngini nyengara na oromo. 10Mada'a 'oru ḇato ga'a 'i 'ahu bae toma ngoloto ma dara, bae toma ḇanyo ma dara, ma ḇuḇutu cua re ma dungi'i 'i cua re mo-moini lai ceka'a bolo ma lelegu ga'a 'ahu toma ḇanyo ma dara, enanga gena-ge ngini balasu na 'oro ino sa'olo bo-bosono di'a ngini. 11Ngini balasu na 'oro ino mo-moini gena-ge mode-mode'e sa'olo bo-bosono di'a ngini; oromo ma la-la'eme awa re ma mayeti ngini na 'oro ino sa'olo bo-bosono, dadi na cigi awa. 12Mo-moini ga'a 'ahu toma ḇanyo ga'a ma ḇuḇutu 'i cua bolo ma dungi'i 'i cua, ngini balasu na 'oro ino sa'olo bo-bosono di'a ngini.
13Nena-ne ga'a ngini balasu na 'oro ino sa'olo bo-bosono toma namo-namo ma sigolona sababu enanga nena-ne 'i bo-bosono di'a ngini dadi ngini oromo awa: namo kareba, goro'o, kangaisi ngoloto; 14kangaisi kolili re kangaisi kotu'u mete'e ma rupa rimoi-rimoi; 15namo ḇokaka mete'e enanga ma rupa rimoi-rimoi; 16namo onta, namo goro'o, camar re kangaisi mete'e enanga ma rupa rimoi-rimoi; 17namo pungguk, namo dendang ḇanyo re namo ḇukuku; 18namo goro'o ma buḏo, namo undan, namo ering; 19namo ranggung, namo soweko, mo-moini mete'e ma rupa rimoi-rimoi, namo meragai kawuri'i.
20Ngi-ngia mo-moini ga'a rema kalatu'u re 'i tare-tare, gena-ge ngini balasu na 'oro ino sa'olo bo-bosono di'a ngini. 21Mada'a ngingia ga'a rema kalatu'u re 'i tare-tare, gena-ge ga'a rema bolono di'a 'i maḏupaka toma tana'a ma re'u, ngini nyengara na oromo. 22Toma ngingia ma sigolona, ga'a ngini nyengara na oromo nena-ne: 'o sasaba-sasaba mete'e enanga ma rupa, gena-ge sasaba-sasaba ḇauru mete'e enanga ma rupa, re gororoso re dingano-dingano e'a mete'e enanga ma rupa. 23Mada'a ngingia ma lelegu ḏi'i reo gena-ge ga'a rema kalatu'u re 'i tare-tare gena-ge ngini na 'oro ino sa'olo bo-bosono di'a ngini.
24Mo-moini gena-ge ḏuanga i'a 'i si'a'a matengo 'o dadi najis: 'A guna ḇato ga'a 'o cigi haiwani gena-ge ma mayeti, unanga ḏuanga i'a 'o dadi najis singadolo wangere jala, 25re 'a guna ḇato ga'a 'o gasa haiwani gena-ge ma mayeti, unanga balasu 'o 'uju 'ai pakeanga, mada'a unanga 'o dadi najis singadolo wangere jala. 26Haiwani mo-moini ma rou rata mada'a ma kulucimi'i 'i suka ti-tiai ua bolo 'i si'alusu ma ngo-ngoromo soi ḏiḏi ua, haiwani gena-ge 'i dadi najis di'a ngini. 'A guna ḇato 'a cigi, unanga 'o dadi najis . 27So'o gena-ge ḏi'i: Mo-moini ga'a 'i tagi sito'u reo rou ma sata toma haiwani ma sigolona ga'a tagi rema rou rata, enanga gena-ge 'i najis di'a ngini. 'A guna ḇato 'o cigi haiwani gena-ge mayeti 'o dadi najis singadolo wangere jala, 28re 'a guna ḇato 'o gasa haiwani ma mayeti gena-ge, unanga balasu 'o 'uju 'ai pakeanga mada'a unanga 'o dadi najis singadolo wangere jala, unanga gena-ge 'o najis di'a ngini.
29Nena-ne haiwani tare-tare mo-moini ga'a lai ceka'a toma tana'a, haiwani ga'a 'i najis di'a ngini, enanga gena-ge: Nguti 30landak, beranga, tute, jijiḏu, patasusu. 31Mo-moini gena-ge toma haiwani tare-tare ma sigolona, enanga gena-ge 'i najis di'a ngini: 'A guna ḇato 'a cigi haiwani gena-ge ma mayeti unanga 'o dadi najis singadolo wangere jala. 32Na'o haiwani gena-ge ma mayeti 'i eta'a nga'unu 'ori i'a i'a, enanga gena-ge 'i dadi najis: bae ate, bae ḇa'a, bae eno'o bolo ḇa'a karongo. 'Ori i'a gena-ge ga'a sipake di'a 'oru ḇato balasu sitono toma ḇanyo di'a si'ofi, mada'a singadolo wangere 'i jala enanga 'i najis, ḏua enanga dadunu 'i dadi 'ofi. 33Na'o haiwani ma mayeti gena-ge 'i eta'a nga'unu giu'u tana'a, enanga mo-moini ga'a toma dara 'i dadi najis, re giu'u gena-ge balasu 'i sisuka. 34Ngo-ngoromo 'oru ḇato ga'a ḇanyo toma giu'u gena-ge ya nga'unu, enanga ḏi'i 'i dadi najis, re ngo-ngo'e toma giu'u gena-ge ḏi'i mai 'i dadi najis. 35'Oru ḇato ga'a mayeti gena-ge 'i eta'a ya nga'unu, enanga 'i dadi najis: Bae kawali 'i si'a'a reo tana'a di'a sa'ai bolo 'osu-'osumu roti ma ngi'i ga'a si'a'a reo tana'a, enanga gena-ge balasu 'i sisuka singadolo wejere, sababu enanga ri dadi najis re balasu ni ta'ajiri enanga 'i najis. 36Mada'a ḇanyo ma la'o bolo sumu, na'o haiwani ma mayeti 'i eta'a ya nga'unu ḇanyo gena-ge 'i najis ua, mada'a 'a guna ḇato ga'a 'o cigi ma mayeti gena-ge, unanga 'o dadi najis. 37Na'o ma mayeti gena-ge 'i eta'a nga'unu toma gisisi ga'a mau 'a so'ana, gisisi gena-ge 'i 'ofi, najis ua. 38Mada'a na'o gisisi gena-ge 'i tono toma ḇanyo, kara ma mayeti 'i eta'a ya nga'unu, enanga 'i najis di'a ngini.
39Na'o haiwani ga'a ngini nyengara na oromo, enanga 'i sengene, 'a guna ḇato 'o cigi ma mayeti gena-ge, unanga 'o dadi najis singadolo wangere jala. 40Re 'a guna ḇato 'o gasa bolo oromo haiwani ma mayeti gena-ge balasu 'o 'uju 'ai pakeanga, mada'a unanga 'o dadi najis singadolo wangere jala.
41Haiwani ga'a lai ceka'a mo-moini ga'a 'i tare-tare toma tana'a ma re'u, enanga gena-ge ngini na 'oro ino sa'olo bo-bosono re na oromo yoḏu'u. 42Haiwani mo-moini ga'a 'i tare-tare rema po'olo bolo rema rou rata, bolo ma rou lai repe, bolo haiwani mo-moini ga'a tare-tare ga'a lai ce-ceka'a toma tana'a ma re'u, enanga gena-ge ngini na oromo yoḏu'u sababu enanga mo-moini 'i bo-bosono di'a ngini. 43Awa ni siwosono ninga diri ra Ma Jou'ongu Madutu 'ai momina bolo ni sidadi ninga diri najis awa sababu ni oromo haiwani tare-tare ga'a lai ce-ceka'a gena-ge. 44Sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso. Sababu gena-ge, ngini balasu ni siwola i'a ninga diri sa'olo 'ofi-'ofi di'a Ngoi ḇato re ni 'ahu sa'olo ngowa'a 'ofi-'ofi Tari momina sababu Ngoi to 'Ofi-'Ofi#1Pet. 1:16. Dadi ngini ni 'a'a ninga diri najis awa sababu ni oromo haiwani lai ce-ceka'a 'oru ḇato ga'a tare-tare toma tana'a ma re'u. 45Sababu Ngoi nena-ne Ma JOU ga'a To gasa ngini supu toma Mesir, la Ngoi nyengara to dadi Ma Jou'ongu Madutu ga'a ngini ni silamo'o re siḏubuso. Sababu gena-ge, ngini balasu ni 'ahu sa'olo ngowa'a 'ofi-'ofi, sababu Ngoi to 'ofi-'ofi. 46Gena-ge 'atoranga-'atoranga mangale haiwani re 'o namo-namo diwanga, re haiwani mo-moini ga'a 'i 'ahu toma ḇanyo ma dara, re haiwani lai ce-ceka'a ga'a 'i tare-tare toma tana'a ma re'u. 47'Atoranga-'atoranga gena-ge, la ngini nga'unu ni siwo-wola 'ori i'a ga'a najis, re 'ori i'a ga'a 'i najis ua, re haiwani ga'a 'ahu ga'a nyengara na oromo re haiwani ga'a 'ahu ga'a na oromo yoḏu'u.>>
தற்சமயம் தேர்ந்தெடுக்கப்பட்டது:
Imamat 11: SAJ
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)
Imamat 11
11
Haiwani ga'a najis re najis ua
11:1-47
1Ma JOU 'o kanau ra Musa re Harun ma betongo so'o ne: 2<<Siajele toma ngowa'a Israel so'o ne: Toma haiwani mo-moini ma sigolona ga'a rou ma rata toma dungia ma dara, ngini nyengara ni oromo haiwani-haiwani nena-ne: 3Haiwani ga'a ma kulucimi'i 'i suka, re si'alusu ma ngo-ngoromo soi ḏiḏi gena-ge ngini na oromo nyengara. 4Mada'a haiwani-haiwani ga'a na oromo yoḏu'u, gena-ge ga'a ma kulucimi'i 'i suka ua, bolo si'alusu ma ngo-ngoromo soi ḏiḏi ua. 'Ade-'ade: sa'olo unta sababu kalaha enanga 'i si'alusu ma ngo-ngoromo soi ḏiḏi, mada'a ma kulucimi'i 'i suka ua. Dadi haiwani gena-ge 'i najis di'a ngini. 5So'o gena ḏi'i: Pelanduk, sababu kalaha enanga 'i si'alusu ma ngo-ngoromo soi ḏiḏi, mada'a ma kulucimi'i 'i suka ua. Dadi haiwani gena-ge 'i najis di'a ngini. 6Re ḏi'i kalinci, sababu kalaha enanga 'i si'alusu ma ngo-ngoromo soi ḏiḏi, mada'a ma kulucimi'i 'i suka ua. Dadi haiwani gena-ge 'i najis di'a ngini. 7Ḏi'i 'o soto bangana, kalaha ma kulucimi'i 'i suka, mada'a enanga 'i si'alusu ma ngo-ngoromo soi ḏiḏi ua, gena-ge 'i najis di'a ngini. 8Haiwani gena-ge mo-moini ma la-la'eme na oromo ceka'a i'a mai awa, ma mayeti mai na cigi awa; haiwani gena-ge 'i najis di'a ngini
9Nena-ne ga'a ngini nyengara na oromo: mo-moini ga'a 'ahu toma ḇanyo ma dara; bae rema ḇuḇutu re ma dungi'i, bae 'ahu toma ngoloto, bae 'ahu toma ḇanyo ma dara, gena-ge mo-moini ngini nyengara na oromo. 10Mada'a 'oru ḇato ga'a 'i 'ahu bae toma ngoloto ma dara, bae toma ḇanyo ma dara, ma ḇuḇutu cua re ma dungi'i 'i cua re mo-moini lai ceka'a bolo ma lelegu ga'a 'ahu toma ḇanyo ma dara, enanga gena-ge ngini balasu na 'oro ino sa'olo bo-bosono di'a ngini. 11Ngini balasu na 'oro ino mo-moini gena-ge mode-mode'e sa'olo bo-bosono di'a ngini; oromo ma la-la'eme awa re ma mayeti ngini na 'oro ino sa'olo bo-bosono, dadi na cigi awa. 12Mo-moini ga'a 'ahu toma ḇanyo ga'a ma ḇuḇutu 'i cua bolo ma dungi'i 'i cua, ngini balasu na 'oro ino sa'olo bo-bosono di'a ngini.
13Nena-ne ga'a ngini balasu na 'oro ino sa'olo bo-bosono toma namo-namo ma sigolona sababu enanga nena-ne 'i bo-bosono di'a ngini dadi ngini oromo awa: namo kareba, goro'o, kangaisi ngoloto; 14kangaisi kolili re kangaisi kotu'u mete'e ma rupa rimoi-rimoi; 15namo ḇokaka mete'e enanga ma rupa rimoi-rimoi; 16namo onta, namo goro'o, camar re kangaisi mete'e enanga ma rupa rimoi-rimoi; 17namo pungguk, namo dendang ḇanyo re namo ḇukuku; 18namo goro'o ma buḏo, namo undan, namo ering; 19namo ranggung, namo soweko, mo-moini mete'e ma rupa rimoi-rimoi, namo meragai kawuri'i.
20Ngi-ngia mo-moini ga'a rema kalatu'u re 'i tare-tare, gena-ge ngini balasu na 'oro ino sa'olo bo-bosono di'a ngini. 21Mada'a ngingia ga'a rema kalatu'u re 'i tare-tare, gena-ge ga'a rema bolono di'a 'i maḏupaka toma tana'a ma re'u, ngini nyengara na oromo. 22Toma ngingia ma sigolona, ga'a ngini nyengara na oromo nena-ne: 'o sasaba-sasaba mete'e enanga ma rupa, gena-ge sasaba-sasaba ḇauru mete'e enanga ma rupa, re gororoso re dingano-dingano e'a mete'e enanga ma rupa. 23Mada'a ngingia ma lelegu ḏi'i reo gena-ge ga'a rema kalatu'u re 'i tare-tare gena-ge ngini na 'oro ino sa'olo bo-bosono di'a ngini.
24Mo-moini gena-ge ḏuanga i'a 'i si'a'a matengo 'o dadi najis: 'A guna ḇato ga'a 'o cigi haiwani gena-ge ma mayeti, unanga ḏuanga i'a 'o dadi najis singadolo wangere jala, 25re 'a guna ḇato ga'a 'o gasa haiwani gena-ge ma mayeti, unanga balasu 'o 'uju 'ai pakeanga, mada'a unanga 'o dadi najis singadolo wangere jala. 26Haiwani mo-moini ma rou rata mada'a ma kulucimi'i 'i suka ti-tiai ua bolo 'i si'alusu ma ngo-ngoromo soi ḏiḏi ua, haiwani gena-ge 'i dadi najis di'a ngini. 'A guna ḇato 'a cigi, unanga 'o dadi najis . 27So'o gena-ge ḏi'i: Mo-moini ga'a 'i tagi sito'u reo rou ma sata toma haiwani ma sigolona ga'a tagi rema rou rata, enanga gena-ge 'i najis di'a ngini. 'A guna ḇato 'o cigi haiwani gena-ge mayeti 'o dadi najis singadolo wangere jala, 28re 'a guna ḇato 'o gasa haiwani ma mayeti gena-ge, unanga balasu 'o 'uju 'ai pakeanga mada'a unanga 'o dadi najis singadolo wangere jala, unanga gena-ge 'o najis di'a ngini.
29Nena-ne haiwani tare-tare mo-moini ga'a lai ceka'a toma tana'a, haiwani ga'a 'i najis di'a ngini, enanga gena-ge: Nguti 30landak, beranga, tute, jijiḏu, patasusu. 31Mo-moini gena-ge toma haiwani tare-tare ma sigolona, enanga gena-ge 'i najis di'a ngini: 'A guna ḇato 'a cigi haiwani gena-ge ma mayeti unanga 'o dadi najis singadolo wangere jala. 32Na'o haiwani gena-ge ma mayeti 'i eta'a nga'unu 'ori i'a i'a, enanga gena-ge 'i dadi najis: bae ate, bae ḇa'a, bae eno'o bolo ḇa'a karongo. 'Ori i'a gena-ge ga'a sipake di'a 'oru ḇato balasu sitono toma ḇanyo di'a si'ofi, mada'a singadolo wangere 'i jala enanga 'i najis, ḏua enanga dadunu 'i dadi 'ofi. 33Na'o haiwani ma mayeti gena-ge 'i eta'a nga'unu giu'u tana'a, enanga mo-moini ga'a toma dara 'i dadi najis, re giu'u gena-ge balasu 'i sisuka. 34Ngo-ngoromo 'oru ḇato ga'a ḇanyo toma giu'u gena-ge ya nga'unu, enanga ḏi'i 'i dadi najis, re ngo-ngo'e toma giu'u gena-ge ḏi'i mai 'i dadi najis. 35'Oru ḇato ga'a mayeti gena-ge 'i eta'a ya nga'unu, enanga 'i dadi najis: Bae kawali 'i si'a'a reo tana'a di'a sa'ai bolo 'osu-'osumu roti ma ngi'i ga'a si'a'a reo tana'a, enanga gena-ge balasu 'i sisuka singadolo wejere, sababu enanga ri dadi najis re balasu ni ta'ajiri enanga 'i najis. 36Mada'a ḇanyo ma la'o bolo sumu, na'o haiwani ma mayeti 'i eta'a ya nga'unu ḇanyo gena-ge 'i najis ua, mada'a 'a guna ḇato ga'a 'o cigi ma mayeti gena-ge, unanga 'o dadi najis. 37Na'o ma mayeti gena-ge 'i eta'a nga'unu toma gisisi ga'a mau 'a so'ana, gisisi gena-ge 'i 'ofi, najis ua. 38Mada'a na'o gisisi gena-ge 'i tono toma ḇanyo, kara ma mayeti 'i eta'a ya nga'unu, enanga 'i najis di'a ngini.
39Na'o haiwani ga'a ngini nyengara na oromo, enanga 'i sengene, 'a guna ḇato 'o cigi ma mayeti gena-ge, unanga 'o dadi najis singadolo wangere jala. 40Re 'a guna ḇato 'o gasa bolo oromo haiwani ma mayeti gena-ge balasu 'o 'uju 'ai pakeanga, mada'a unanga 'o dadi najis singadolo wangere jala.
41Haiwani ga'a lai ceka'a mo-moini ga'a 'i tare-tare toma tana'a ma re'u, enanga gena-ge ngini na 'oro ino sa'olo bo-bosono re na oromo yoḏu'u. 42Haiwani mo-moini ga'a 'i tare-tare rema po'olo bolo rema rou rata, bolo ma rou lai repe, bolo haiwani mo-moini ga'a tare-tare ga'a lai ce-ceka'a toma tana'a ma re'u, enanga gena-ge ngini na oromo yoḏu'u sababu enanga mo-moini 'i bo-bosono di'a ngini. 43Awa ni siwosono ninga diri ra Ma Jou'ongu Madutu 'ai momina bolo ni sidadi ninga diri najis awa sababu ni oromo haiwani tare-tare ga'a lai ce-ceka'a gena-ge. 44Sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso. Sababu gena-ge, ngini balasu ni siwola i'a ninga diri sa'olo 'ofi-'ofi di'a Ngoi ḇato re ni 'ahu sa'olo ngowa'a 'ofi-'ofi Tari momina sababu Ngoi to 'Ofi-'Ofi#1Pet. 1:16. Dadi ngini ni 'a'a ninga diri najis awa sababu ni oromo haiwani lai ce-ceka'a 'oru ḇato ga'a tare-tare toma tana'a ma re'u. 45Sababu Ngoi nena-ne Ma JOU ga'a To gasa ngini supu toma Mesir, la Ngoi nyengara to dadi Ma Jou'ongu Madutu ga'a ngini ni silamo'o re siḏubuso. Sababu gena-ge, ngini balasu ni 'ahu sa'olo ngowa'a 'ofi-'ofi, sababu Ngoi to 'ofi-'ofi. 46Gena-ge 'atoranga-'atoranga mangale haiwani re 'o namo-namo diwanga, re haiwani mo-moini ga'a 'i 'ahu toma ḇanyo ma dara, re haiwani lai ce-ceka'a ga'a 'i tare-tare toma tana'a ma re'u. 47'Atoranga-'atoranga gena-ge, la ngini nga'unu ni siwo-wola 'ori i'a ga'a najis, re 'ori i'a ga'a 'i najis ua, re haiwani ga'a 'ahu ga'a nyengara na oromo re haiwani ga'a 'ahu ga'a na oromo yoḏu'u.>>
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
2025 Indonesian Bible Society (LAI)