रोम सहरतोर 16

रोम सहरतोर विस्वसिरिह्‌क पोलुना जोहर

1इद सीटटुन नना पीबे पेदिरतद विस्वसि आंचाना कयदे लोहतह्‌नन, अद किंक्रिया#बळयिर 18:18 नाटे विस्वसिरा मुडगा, देवुळता सेवा कीस्ता. 2अद बेस बुदता आंचाळि, वेल्‍लाटोरिह्‌क तोळ ईता, अहे नाक वने तोळ ईता. अदिनेनाह्‌क अद देवुळता मयाळ आंदु इनजोर, तान बेस-नेह्‌ना ऊळाटु. ओसो तान्क बातालाय गर्ज अरतेक, मीट तोळ ईम्ह्‌ट.#पिलिपितोर 2:29-30

3पिरिस्किलाल, अक्‍विलाल, वेर आळ इर्विरिन आस, नना सीता कीय्ह्‌नन इनजोर ओरिन वेहाटु.#16:3 बळयिर 18:2-3 अगा वेहतपु, रोम राजेमता कलोदियुस राजाल सबेटोर यहुदिरिन, इतालिया पटटा रोम सहरताहि पेसिस दायलाह उकुम ईस मतोग़. अदिह्‌क ओर आळ इर्वुर इतालिया पटटाहि पेसिसि, कुरिंत सहरतगा वातोर. अगाने पोलु येसुना पोल्‍लो वेहतलाह वातोग़, वातस्के ओरिन कलियतोग़. कलियतस्के, ओर पोलुना सेवातुह्‌क तोळ आया बोटटोर. बेचोको वर्साना पया, कलोदियुस राजाल हातापया, ओर इर्वुर रोम सहरते मलतोर. ओर नावा संगे किर्स्तु येसुना सेवा केवालोर आंदुर इनजोर पुतिरे. 4ओर तमा जीवाता पर्वा केवा, नाक पिसिह कीयलाहि तयर आस मतोर. इद पोल्‍लोतुन नना बेस्केन माग़्ङोन, अहे यहुदि आयवोर विस्वसिरा मुडोर वने माग़्ङोर. 5ओरा लोतगा जमा आयवालोर विस्वसिरा मुडुह्‌क#1 कुरिंततोर 16:19; कुलुसितोर 4:15; पिलेमोन 1-2 नना जय येसु इह्‌नन.

ओसो मियग्डोर दुस्रोर विस्वसिरा वने सीता वास्ता. नावा गोतयाल इपनितुसिह्‌क जय येसु इह्‌नन. पूरा आसिया पटटगा किर्स्तुन मुने विस्वस कीतोग़ ओग़े आंदोग़. 6मरियाल मीक तोळ ईयलाहि, पका एपुर पोहच सेवा कीता,#1 तिसलुनितोर 5:12-13 तान्क वने नना जय येसु इह्‌नन. 7नावा यहुदि जाततोर अन्द्रनिकुस, यूनिया, वेर इर्वुरिह्‌क नना जय येसु इह्‌नन. किर्स्तुनाङ बळयिरग्डाहि ओर कम आयोर. नना विस्वस कीयनामुनेन, ओर विस्वस कीतोर, ओसो नावा संगे जेलते वने मतोर.#पिलेमोन 23 8सामिनेनाह्‌क नावा गोतयाल अम्पलियातुसिह्‌क, नना जय येसु इह्‌नन. 9ओसो नावा गोतयाल इस्तुकुसिना सीता कीय्ह्‌नन. किर्स्तुना सेवाते मावा ऐंगेटोग़ उरबानुसिह्‌क नना जय येसु इह्‌नन. 10अपिलेसिह्‌क नना जय येसु इह्‌नन. ओग़ तिपल्कने विस्वसतुन विळ्सवा, किर्स्तुन पोस मंदोग़. अरिस्तुबुलुसना लोते मनवालोर सबेटोर विस्वसिरिह्‌क, नना जय येसु इह्‌नन. 11नावा जाततोग़ एरोदियोनिह्‌क, नना जय येसु इह्‌नन. नरकियुसिना लोतोर विस्वसिरिह्‌क, नना जय येसु इह्‌नन. 12तुरुपेनि ओसो तुरुपोसि, इव रेंड आस सामिना सेवा कीयनविस्किह्‌क, नना जय येसु इह्‌नन. परसिसिह्‌क वने नना जय येसु इह्‌नन, अद बेस गूनमता आंचाळि. पका एपुर पोहचि सामिना सेवा कीता.#1 तिसलुनितोर 5:12-13 13रूपुस ओसो ओना तलोग़, वेरिह्‌क नना जय येसु इह्‌नन.#16:13 येसुना हव्कनागुटा कांजवाल सिमोन, रूपुसिना तपे आंदोग़ बहे (मार्कल 15:21). ओग़ पका बेसतोग़ विस्वसि आंदोग़. ओना तलोग़ इतेके नावा अवाना लेह्‌काने. 14असुंकिरितुस, पिलगोन, हिरमेस, पत्रुबास, हिरमोस ओसो ओरा संगे कलियवालोर विस्वसिरिह्‌क नना जय येसु इह्‌नन. 15पिलुलगुस, यूलिया, उलुम्पास, नेर्युस ओसो ओना एलाळि, अहे ओरा संगे कलियवालोर येसुना लोकुर सबेटोरिह्‌क, नना जय येसु इह्‌नन.

16मीट लोकुरिर ओर्विह्‌क-ओर्वोग़ येसुना पेदिरते जीवा वाटसोरे जोहर कीम्ह्‌टु.#1 कुरिंततोर 16:20; 2 कुरिंततोर 13:12; 1 तिसलुनितोर 5:26; 1 पत्रु 5:14 अहे सबे नाह्‌कने मनवालोर किर्स्तुना मुलु वने, मीक जय येसु इनदलाह आतोर.

आक्रि उकुम

17इंजेके, मावोरिर! इद उंद पोल्‍लोतुन अर्जि कीस वेहतलाह आतन. उय्तुर मन्कलोर मन्ह्‌तोर, ओरु मीट कग़यतव पोल्‍लोन नमवा, दुस्राङे पोल्‍लोन काग़्हचि, विस्वसिरा मुडोरगा कोंटेङ पुटिह कीस्तोर. ओसो बोर-बोरिन विस्वसतुन विळ्सनाह कीस्तोर.#1 तिमोति 1:3-4; 6:3 अदिह्‌क मीट उसरते मन्ह्‌टु, ओरग्डाहि जेक मन्ह्‌टु.#मत्याल 7:15; गलातितोर 1:8-9; 2 तिसलुनितोर 3:6,14; तीतुस 3:10; 2 योहन 10 18अद्रमतोर मावा सामि किर्स्तुना सेवा केवोर, मति तमाङे लालुस्क मतप कीसोर तिरियिह्‌तोर.#पिलिपितोर 3:19 मिङताङ-मिङताङ पोल्‍लोङ वेहचि, तेळियवोर लोकुरिन नाळेह कीसि, लेसिह कीस्तोर.#कुलुसितोर 2:4; 2 पत्रु 2:3 19मीट देवुळता पोल्‍लोतुन केंजिस ताकिह्‌निर इनजोर, सबेटोर केंजतोर.#1 तिसलुनितोर 1:8 अदिनेनाह्‌क नना गिर्दा आतन. बेसताङ पोल्‍लोनेनाह्‌क बुदतोर मन्ह्‌टु, मति लाग्वाङ पोल्‍लोने बार, पुनवोरा लेह्‌का मन्ह्‌टु.#यिर्मयाह 4:22; मत्याल 10:16; 1 कुरिंततोर 14:20 20दीरा पोस मन्ह्‌टु, माक सुकम ईयनद देवुळि,#15:33 चट्पिटे देयह्‌कना मुक्याना लावतुन बूळे कीस, तान मीवा काल इळ्न वाटग़ा. मावा येसुसामि किर्स्तुना देय्वा मियगा मनि,#1 कुरिंततोर 16:23; 2 कुरिंततोर 13:14; गलातितोर 6:18; पिलिपितोर 4:23; 1 तिसलुनितोर 5:28; 2 तिसलुनितोर 3:18; तोहचीतव पोल्‍लोङ 22:21आमेन.

21नावा संगे किर्स्तुना सेवा केवाल तिमोति, मीक जय येसु इन्ह्‌तोग़.#बळयिर 16:1 मावा यहुदि विस्वसिर लुकियुस,#बळयिर 13:1 यासोन,#बळयिर 17:5-9 सोसिपत्रुस#16:21 सोसिपत्रुस ओन “सोपतरु” वने इंदुर; बळयिर 20:4 ऊळाट. वने मीक जय येसु इन्ह्‌तोर. 22बोना कयदे इद सीटटुन रास वेहतन, ओग़ तिरतियुस मीक जय येसु इन्ह्‌तोग़. 23-24गयुसना लोतगा माट इर्वोम आस मह्‌नोम, ओनाय लोते इद कुरिंत सहरता विस्वसिरा पूरा मुलु जमा आस्तोर.#बळयिर 19:29; 1 कुरिंततोर 1:14-15 ओग़ वने मीक जय येसु इन्ह्‌तोग़. मावा तोळतोर विस्वसिर कवारतुस, ओसो इद सहरताङ कोतान ऊळेवाळे केवाल इरास्तुस,#बळयिर 19:22; 2 तिमोति 4:20 वेर वने मीक जय येसु इन्ह्‌तोर.#16:23-24 वचन 24ता पोल्‍लो “किर्स्तु येसुसामिना देय्वा मीट सबेटोरगा मनि, आमेन,” इद पोल्‍लो उचुके मोदुल काग्देह्‌कने दोर्किह्‌ता.

पोलु देवुळतुन मान ईस मोळ्किह्‌तोग़

25देवुळतुह्‌क जोहर आयि! नना काग़्हतनद येसु किर्स्तुना बेसता कबुर वेहतपु, देवुळतगा मीवा विस्वसतुन बेस मेग़्किह कीयनद लाव मन्ह्‌ता.#इपिसुसतोर 3:19-20; 1 पत्रु 5:10; यहुदाल 24 इद कबुरता पोल्‍लो वेल्‍लाय जोम आनाह, मकिस मता.#मत्याल 13:35; रोम सहरतोर 11:25; 1 कुरिंततोर 2:7; 4:1; इपिसुसतोर 1:9; 3:3,9; 6:19-20; कुलुसितोर 1:25-27; 2:1-3; 4:3; 1 तिमोति 3:16; 2 तिमोति 1:9 26मति इंजेके अमेसा मनदनद देवुळि, तना कबुरतोरा सास्त्रमता मेटे, इद मकतद कबुरतुन, माक पुन्पिह कीयलाह आता.#1:2; 2 तिमोति 1:10; तोहचीतव पोल्‍लोङ 10:6-7 सबे जातिनोर मन्कलोर इद कबुरतुन विस्वस कीसि, देवुळताङ केंजिर इनजोर,#1:5 तान पोकुर कीयलाह, देवुळि उकुम ईता.#1 तिमोति 3:16 27ताना बुदतगा बातय कमि इले, अद येसु किर्स्तुन मयगा लोहताह्‌कु, इदे देवुळतुन माट अमेसा-अमेसातुह्‌क जोहर कीकल. आमेन.

தற்சமயம் தேர்ந்தெடுக்கப்பட்டது:

रोम सहरतोर 16: माडियाबाय्बल

சிறப்புக்கூறு

பகிர்

நகல்

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்

माडिया गोंड पवित्र सास्त्रम பற்றி மேலும் அறிக