रोम सहरतोर 15

विस्वसते मेग़्कवोरा तोळ आयना

1माट उय्तुर विस्वसिरल विस्वसते बेस मेग़्कताह्‌कु, माक विचर वातप ताकनदायो, मति मेग़्कवोरा नोमळतुन वने, माट सीता कीयना गावले.#14:1 2ओरिन लजा केवा, ओरा विस्वसतुन मेग़्किह कीयना गावले.#14:19; 1 कुरिंततोर 9:22; 10:33; 2 कुरिंततोर 13:9; पिलिपितोर 2:3-4 3(माट बह ताकना इनजोर, किर्स्तुमाक तोहचीतोग़. ओग़ इद बूमतगा मनदह्‌पा,) तन्क विचर वातव कबस्क कीसोर तिरियोग़. अद्रमे मन्कलोरा कदर वने पर्ह्‌कोग़.#पिलिपितोर 2:5(मति देवुळबाबाह्‌क विचर वातव कबस्किने कींदोग़.)#2 कुरिंततोर 8:9 सास्त्रमतगा ओना लोप्पा इद्रम रासतद मन्ह्‌ता इतेके, ए देवुळतिन, नीक पास्कताङ पोल्‍लोङ नाक तोकताङ, #देवुळताङ पाटाङ 69:9 इनजोर रासतद मन्ह्‌ता. 4इद्रमलेह्‌का देवुळता सास्त्रमतगा बाताङ बाताङ पोल्‍लोङ मुने रासतव मन्ह्‌ताङ, अव पोल्‍लोङ माक काग़्हतलाहि, रासतव मन्ह्‌ताङ. अविस्किन अर्वतेके माक दीरा दोर्किह्‌ता. अद्रमे माट तिपल्कने आरेम आयवा, देवुळता पोग़ोन आसा तास पग़यह्‌नल.#4:23-25; 1 तिसलुनितोर 1:2-3 5इद दीरा, आसा, देवुळतग्डाहि वास्ता.#2 कुरिंततोर 1:3 इदे देवुळि, किर्स्तुना विचर मतपु, मीक उंद एकाते मनदलाहि, तोळ ईयि!#12:16 6अस्के मीट सबेटोरिर उंदिय विचरते, उंदिय लेङते, मावा येसुसामि किर्स्तुना देवुळबाबाह्‌कु मान ईसि, जोहर कीया पग़यकिर.#तोहचीतव पोल्‍लोङ 1:6

किर्स्तुनगा सबे जातिनोर कलियिह्‌तोर

7किर्स्तु बेद्रमलेह्‌का मीक एरे कीतोग़, अद्रमलेह्‌काने मीट वने ओर्विन-ओर्वोग़ एरे कीसि, देवुळतुह्‌क मान ईम्ह्‌टु.#14:1; कुलुसितोर 3:13 8बह इतेके, किर्स्तुना राजेमते यहुदिरिह्‌क वने, ओसो यहुदि आयवोरिह्‌क वने, जागा मन्ह्‌ता. वेल्‍लाङे वर्साना मुने, देवुळि यहुदिरा तादोर-बाबोरिह्‌क पोल्‍लो विळ्सिस मता.#4:16-17 अद पोल्‍लो करल आयना इन्जि, यहुदिरगा ओर्वोग़ सेवा केवाना लेह्‌का आसि, किर्स्तु इद बूमते वातोग़,#मत्याल 15:24; बळयिर 3:26; 2 कुरिंततोर 1:20 इदिन सीता कीम्ह्‌टु. 9(ओसो उंद पोल्‍लोतेनाह्‌क वने, इद बूमते वातोग़. अद बाताल इतेके,)यहुदि आयवोर वने, देवुळि ओरा पोग़ोन कीतद दयातेनाह्‌कु, तान जोहर कीयिर. अदिना लोप्पा (देवुळताङ पाटानगा, दाविद राजाल) इद्रम रासतोग़:

ए देवुळि! नना दुस्राङ जातिनोरा संगे कलियिसि,

नीक पाटाङ ओसि जोहर कीकन, # 2 शमूएल 22:50; देवुळताङ पाटाङ 18:49

इनजोर रासतोग़.#3:29; 11:30 10ओसो इद्रम वने रासतद मन्ह्‌ता.

ए सबे जातिनोरिर! देवुळता मन्कलोरा संगे मीट वने गिर्दा आम्ह्‌टु. # व्यवस्थाविवरण 32:43

11ओसो उंद पाटातगा, इद रासतद मन्ह्‌ता:

ए इस्रयेलतोर आयवोरिर! मीट सबेटोरिर देवुळतुन जोहर कीम्ह्‌टु!

इद बूमताङ सबे जातिनोर तान जोहर कीयिर. # देवुळताङ पाटाङ 117:1

12ओसो यसयाल कबुरतोग़ वने इद्रम रासतोग़:

दाविद राजाना कूळतोग़ # 15:12 दाविद राजाना कूळतोग़ मोदुल कागिदते “यीसा मुय्तोना कूळतोग़.” यीसा मुय्तोग़ इतेके, दाविद राजाना तपे आंदोग़. ओराय कूळते येसु किर्स्तु पुट वातोग़. ओर्वोग़ पुटनोग़, # तोहचीतव पोल्‍लोङ 5:5; 22:16

ओग़ सबे जातिनोरा पोग़ोन तना राजेम ताकिह कीयनोग़,

ओना पोग़ोन सबे जातिनोर आसा तासनुर, # यशायाह 11:10; मत्याल 12:21; 1 योहन 3:3

इनजोर रासतद मन्ह्‌ता. 13मीक आसा ईयनद देवुळतुन मीट विस्वस कीयनाह्‌कु, गिर्दाते ओसो सुकमते अद मीवा जीवातुन निहचीयि. अस्के ताना पवित्र जीवाता लावते,#15:18-19; 1 कुरिंततोर 2:4-5; 1 तिसलुनितोर 1:4-5 मीवा आसा वीळसोर दायग़ा.#14:17

14मावोरिर! मीट पका बेस गूमनतोरिर, ओसो देवुळता पोल्‍लोतुन बेस पुन्जि, ओर्विह्‌क-ओर्वोग़ बुदिङ-एदिङ बेस वेहता पग़यह्‌निर#1 कुरिंततोर 8:1; 2 कुरिंततोर 8:7 इनजोर, नाक पूरा विस्वस मन्ह्‌ता. 15मीट देवुळता पोल्‍लोतुन बेस पुतिर, तेला मति इव सबेटविन मीक ओसो सीता कीस ईयलाहि, पिङम-पङम रासतन. देवुळि नाक देय्वा ईसि,#12:3 16यहुदि आयवोरिह्‌क बेसता कबुर वेहतलाहि, नाक किर्स्तु येसुना बळयि आयना इन्जि लोहता.#बळयिर 9:15 बेद्रम देवुळता बूमयाल ताना मुनेह, तान्क विचर वायनद कोड वाटिह्‌तोग़, अद्रमलेह्‌काने नना पोकुर कीतद कबुरतुन नमवालोर यहुदि आयवोर विस्वसिर, नावा कयदाहि देवुळतुह्‌क वाटटद कोडलेह्‌का मन्ह्‌तोर.#1 कुरिंततोर 3:5; पिलिपितोर 2:17; 1 पत्रु 2:5देवुळता पवित्र जीवा ओरिन एडिह कीताह्‌कु, ओर वने देवुळता मुनेह पवित्र आतोर. 17अदिनेनाह्‌क नावा मेटे, किर्स्तु येसु कीतद इद सेवाता बेचोटा बेरा पाय्दा आस्ता, इद पोल्‍लोतुन वेहतलाह नना मुर्तिय लजा आयोन. 18-19यहुदि आयवोरु नना वेहतव पोल्‍लोन केंजतोर; नावा कयदे कीतवु, बामनाह लेह्‌काडाङ सीनान ऊळतोर. ऊळिसि, केंजिसि, किर्स्तुन विस्वस कीतोर.#2 कुरिंततोर 12:12 इद्रमलेह्‌का देवुळता जीवाता लावते, येरुसलेम सहरताहि#बळयिर 22:17-21 इलुरिकुम पट एवनाह,#15:18-19 इलुरिकुम पट इतेके, मकिदुनिया पटटुह्‌क दल्गिस मता. नना किर्स्तुना बेसता कबुरताङ सबे पोल्‍लोन तपवालेवा वेहतन.#1 कुरिंततोर 2:4-5; 1 तिसलुनितोर 1:4-5 इद्रम किर्स्तु नावा कयदे कीतव पोल्‍लोनु दीराते वेहतह्‌नन,#बळयिर 15:12; 21:19; रोम सहरतोर 1:5; 2 कुरिंततोर 3:5 अविस्किन विळ्सिसि दुस्रा बेदे वेहोन. 20इद्रमलेह्‌का बेसता कबुरतुन ओयह्‌पा, (किर्स्तुना पोल्‍लोतुन मुनेन मुर्तिय केंजवोरगा दायलाह विचर कींदन.) दुस्रोग़ दोहतद जोतातगा नना लोन पंडनद ओप्पो,#1 कुरिंततोर 3:10 अद्रमलेह्‌का दुस्रोर पोकुर कीतद नाटेनगा दायलाह, नाक विचर वावो.#2 कुरिंततोर 10:15 21देवुळता सास्त्रमतगा किर्स्तुना लोप्पा रासतप लेह्‌का कीय्ह्‌नन, अद इद्रमलेह्‌का:

मुने बेगा ओना कबुर एव्वो, अगा ओना कबुर एवयग़ा,

मुने बोर केंजोर, ओर केंजिस पुनदनुर, # यशायाह 52:15

इनजोर रासतद मन्ह्‌ता.#10:14

पोलु रोम सहरते दायलाह विचर कीस्तोग़

22 (इद्रम बेसता कबुर एववव जागानगा तिरियसोर मंदन,) अदिह्‌क इचानाह मियगा वायलाह, नाक अग़ दोर्को आस मता.#1:13; 1 तिसलुनितोर 2:17-18 23मति इंजेके इकेडाङ नाह्‌कनगा, नावा कबळ मारिह कीतन. ओसो वेल्‍लाङे वर्सानाहि मियगा वायलाह, नना अग़ ऊळिंदन.#बळयिर 19:21; रोम सहरतोर 1:9-11 24अदिनेनाह्‌क इद मल्का, मीवा अबरता इस्पानिया देसेम दायह्‌पा,#15:24 इद देसेम बेगा मन्ह्‌ता इनजोर पुनदलाहि, रोम राजेमता नक्सातुन ऊळाट. मियगा वायकन इनजोर, आसा कीयलाह आतन. मियगा रेंड-मूंड दियाङ रोमतेके, नावा जीवातुह्‌क गिर्दा आयग़ा, पया अग्डाह नना पेसकन. इस्पानिया देसेम दायलाहि, नाक गर्ज अरयनद मीट ईकिर इनजोर, नावा आसा मन्ह्‌ता.#10:15 25मति मियगा वायनामुने, येरुसलेमते मनवालोर सामिना मन्कलोरा सेवा कीयलाह, नाक अगा दाया पोयह्‌ता.#बळयिर 19:21; 24:17; रोम सहरतोर 12:13 26येरुसलेमते मनवालोर मावा ऐंगेटोर गरिब विस्वसिर तिपलते मन्ह्‌तोर इन्जि, मकिदुनिया पटटोर ओसो अकाया पटटोर यहुदि आयवोर विस्वसिर, ओरेनाह्‌क कोताङ अर्हचि लोहचीयना इनजोर, विचर कीतोर. इवे कोताङ एव्सिह कीयलाहि, नना इंजेके दायलाह आतन.#बळयिर 20:2-3; 1 कुरिंततोर 16:1,5; 2 कुरिंततोर 1:16; 8—9; पिलिपितोर 4:15; 1 तिमोति 1:3-4 27मुने यहुदि आयवोरिह्‌क देवुळता पोल्‍लोता गर्ज मता, अस्के येरुसलेमता यहुदि जाततोर विस्वसिर, ओरगा देवुळता पोल्‍लोतुन एव्सिह कीसीतोर. मति इंजेके येरुसलेमतोर विस्वसिरिह्‌क तिंड-बंडटा गर्ज मन्ह्‌ता. मुने ओरग्डाहि माक देवुळता पोल्‍लो दोर्कता, इदिन सीता कीसि, इकेडोर यहुदि आयवोर विस्वसिर अद गर्जतुन निहतलाहि, पका गिर्दा आस्तोर.#1 कुरिंततोर 9:11 28इंजेके नना ओर अर्हतव कोतानु येरुसलेमतोर विस्वसिरगा ओसीयनद कबळतुन मारिह कीसि, ओरा कयदगा बेस-नेह्‌ना एव्सिह कीस ईतापया, मियगाह्‌के इस्पानियाता अग़ पोयतकन. 29नना मियगा वास कलियकन अस्के, लेकालेवा किर्स्तुना बर्कत माक दोर्कग़ा इनजोर, नाक एर्का मन्ह्‌ता.

30-31मावोर विस्वसिरिर! माट मावा येसुसामि किर्स्तुना संगे जोळेम आताह्‌कु, ओसो देवुळता जीवा माक ओर्विह्‌क-ओर्वोग़ जीवा कीयनाह कीताह्‌कु,#कुलुसितोर 1:6-8 नना मीक उंद अर्जि कीय्ह्‌नन: यहुदा पटटगा विस्वस केवोरा कयदाहि नना पिसना इनजोर, पार्तना कीय्ह्‌नन.#2 कुरिंततोर 1:10; 2 तिसलुनितोर 3:2; 2 तिमोति 3:11; 4:17 ओसो येरुसलेमतगा नना ओसीयनव दर्मम कोतान अग्डोर एनिर,#15:30-31 दुस्रा जाततोराङ कोताङ एतलाहि, माक विचर वावो इनजोर, उच्वुर पका नोमवालोर यहुदिर इंदुर. अदिनेनाह्‌क ओर एनिर इनजोर, पोलु पार्तना ताल्ह्‌कतोग़. इनजोर पार्तना कीय्ह्‌नन.#2 कुरिंततोर 8:4; 9:1 मीट वने बेस्केन माग़्ङवालेवा, इव पोल्‍लोनेनाह्‌क पार्तना कीसोर मन्ह्‌टु.#2 कुरिंततोर 1:11; इपिसुसतोर 6:19-20; कुलुसितोर 4:12 32देवुळि माट ताल्ह्‌कतप कीतेके, नना सुकमते मियगा एवयकन.#1:9-10 एवतस्के मीवा संगे कलियिस, नावा जीवातुह्‌क आरम दोर्कग़ा. 33सुकम ईयनद देवुळि मीवा सबेटोरा तोळ मनि.#16:20; 2 कुरिंततोर 13:11; पिलिपितोर 4:9; 1 तिसलुनितोर 5:23; 2 तिसलुनितोर 3:16; इब्रितोर 13:20-21आमेन.

தற்சமயம் தேர்ந்தெடுக்கப்பட்டது:

रोम सहरतोर 15: माडियाबाय्बल

சிறப்புக்கூறு

பகிர்

நகல்

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்

माडिया गोंड पवित्र सास्त्रम பற்றி மேலும் அறிக