Soma Biblia Kila Siku / Oktoba 2023Mfano

Ni siku ya tatu tangu Yesu alipowekwa kaburini. Alikufa Ijumaa. Jumamosi ikawa sabato ya Pasaka (19:31,Basi Wayahudi, kwa sababu ni Maandalio, miili isikae juu ya misalaba siku ya sabato, (maana sabato ile ilikuwa siku kubwa), walimwomba Pilato miguu yao ivunjwe, wakaondolewe). Na sasa ni Jumapili,siku ya kwanza ya juma(m.1). Mariamu alipoona kwamba jiwe limeondolewa akaenda haraka kutoa habari kwaSimoni Petro na kwa yule mwanafunzi mwingine ambaye Yesu alimpenda, akawaambia, Wamemwondoa Bwana kaburini, wala hatujui walikomweka(m.2). Yohana hataji jina lake mwenyewe, maana yeye ndiye mwandishi wa Injili hii. Mariamu hasemi "sijui" bali"hatujui walikomweka” (m.2),maana alikuwa pamoja na wanawake wengine (Mk 16:1-4).