Soma Biblia Kila Siku Julai 2021Mfano

Tukimwomba Mungu katika dhiki zetu, tusiwe na haraka kama Mwimba Zaburi aliyesema mara moja, Nimekatiliwa mbali ya Bwana! Maana alijifunza baadaye kwamba Bwana ana fadhili nyingi na kusitiri watu wake dhidi ya wafitini wenye kutega kwa maneno (m.19-20, Jinsi zilivyo nyingi fadhili zako ulizowawekea wakuchao; ulizowatendea wakukimbiliao mbele ya wanadamu! Utawasitiri na fitina za watu katika sitara ya kuwapo kwako; utawaficha katika hema na mashindano ya ndimi). Kibinadamu, ni rahisi kukata tamaa na kusema Bwana ameniacha. Lakini uzoefu wa Mwimba Zaburi ukupe kuwa hodari na kupiga moyo konde. Katika fadhili zake, Mungu hawatupi wamwendeao. Je, wataka fadhili na stara ya Bwana? Tafakari m.23: Mpendeni Bwana, Ninyi nyote mlio watauwa wake. Bwana huwahifadhi waaminifu, Humlipa atendaye kiburi malipo tele.