Soma Biblia Kila Siku 02/20Mfano

Ni vema kufurahi na kupelekeana zawadi tukitokewa na jambo jema kibinafsi au kitaifa. Huzuni aliyokusudia Hamani kwa Wayahudi iligeuzwa kuwa shangwe kutokana na maombi ya Esta kwa mfalme na kuingilia kwa Mungu. Iliamuriwa kusherehekea siku hiyo kila mwaka na kuwakumbuka maskini. Hata leo kuna sikukuu ya Purimu huko Israeli (puri = kupiga kura; kama ilivyoelezwa katika 3:7, Mwezi wa kwanza, ndio mwezi wa Nisani, mwaka wa kumi na mbili wa mfalme Ahasuero, wakapiga Puri, yaani kura, mbele yake Hamani). Linganisha na Pasaka na Krismasi, watu wakipeleka zawadi kwa wagonjwa n.k. Wewe unasherekeaje siku kuu zako na za nchi? Mungu anapewa sehemu gani?