SOMA BIBLIA KILA SIKU 01/20Mfano

Licha ya watu wa Mungu kuambiwa kuwa wana heri katika mambo fulani, Yesu anaweka wazi kwamba kwa upande mwingine watakutana na hali ya kuwaumiza na kuwakatisha tamaa kutoka kwa wasioamini katika ulimwengu huu. Pamoja na hayo, wanatakiwa watambue kuwa wao wamewekwa kuwa nuru na chumvi ya ulimwengu. Maisha ya watu wa Mungu yanapoangaza, yanawafanya wengine wamtukuze Mungu. Ili kuwa mhubiri wa kweli wa Injili, ni sharti ujue kwamba umejitoa kwa kazi hii, na upo tayari hata kwa yale magumu yanayokupata kwa sababu ya kazi ya Mungu.