Soma Biblia Kila Siku 9Mfano

Basi, twaona ya kuwa mwanadamu huhesabiwa haki kwa imani pasipo matendo ya sheria (m.28). Njia ya kufika kwa Mungu ni moja kwa watu wote, nayo ni njia ya imani. Imani ya kuamini neema ya Mungu kwamba bila ustahili wangu ananisamehe dhambi zote kwa sababu ya upatanisho katika damu ya Yesu Kristo, ambaye Mungu amekwisha kumweka awe upatanisho kwa njia ya imani katika damu yake(m.25). Kwa kuamini haya twashinda katika kesi yetu mbele ya Mungu, yaani, twahesabiwa haki.Mungu ni hakimu na sisi ni washtakiwa. Twastahili hukumu ya kifo, lakini Mungu anatoa hukumu kuwa hatuna dhambi tunapomwamini Yesu, maana Yesu alipigwa na adhabu ya Mungu badala yetu!