Soma Biblia Kila Siku 5Mfano

Nebukadreza alikiri ukuu wa Mungu wa Israeli (Mfalme akajibu, akamwambia Danieli, Hakika Mungu wenu ndiye Mungu wa miungu, na Bwana wa wafalme; 2:47), lakini imani yake haikuwa na matokeo. Alitengeneza sanamu ya dhahabu ili iabudiwe na watu wote. Ni tofauti na Danieli na wenzake. Walikataa kusujudia miungu, wasivunje amri ya kwanza ya Mungu. Hata msimamo wao ulipoikasirisha serikali, na wakaamrishwa kuangamizwa kwa moto, hawakuisaliti imani na ushuhuda wao. Waliamini Mungu atawaokoa; kama sivyo, walikuwa tayari kutupwa motoni (m.16-18). Usiruhusu mateso yakuondoe kwa Mungu.