Roma 8
8
'Re ihâimana u'âsi mono Pẽ'ẽzani te te dama 're iwẽ za'ra mono zarina, 're idahâimana za'ra mono zé
1Ãhã na hã 're hâimana mono õ di oto, 'Re ihâimana u'âsi mono, Cristu Zezusihi ãma 're inomro mono norĩ ma, tinhimihâzé te te tãma 're i'apisutu mono da hã. 2E marĩ wa. 'Re ihâimana u'âsi mono Pẽ'ẽzani nhimiroti zahi, Cristu Zezusihi ãma 're wahâimana za'ra mono wa, wahâimanazé te te wama i'ãwisi za'ra hã, ta hã ma tô aiwaze, ãma 're idawasété za'ra mono roti zahi, dadâ'â u te te 're ida'ãwisi za'ra mono wi hã. 3'Re ihâimana u'âsi mono nhimiroti zahi na Mozési te te ãma irob'ui'éré hã siptete uptabi õ di, sib'uwa wa, 'râwi da te dasima 're iwẽ za'ra mono zéb zarina, dawasété na si 're dahâimana za'ra mono wa. Tane nherẽ, 'Re ihâimana u'âsi mono hã ma tô 'manha, Mozésihi nhimi'ui'éré na roti zahi te te i'manharĩ waihu'u õ hã. Ti'ra uptabi hã ti'ai ãma dahâiba na ma tô we satõ, wahâiba hã wasété pese na 're ihâimana za'ra mono 'manharĩ ne. Taha na ma tô dawasété nhiptetezé hã uprosi, te te 're ida'awada'uri mono zé hã. 4Ãne hã ma tô 'Re ihâimana u'âsi mono 'manha, i'uwaibaba na 're wahâimana za'ra mono da, Mozésihi nhimi'ui'éré na roti zahi te te wama i'ru za'ra zéb zarina 're iwahâimana za'ra mono zéb da hã. Tahawa, ãhã na hã ti'ai ãma wawasété na 'râwi wa te wasima 're wẽ za'ra mono zéb zarina 're wahâimana za'ra mono õ di oto. Tazahã, Ipẽ'ẽzani nhimirob'ruzéb zarina si wa oto 're wanomro. 5Ni'wam norĩ hã ti'ai ãma dawasété na 'râwi da te dasima 're iwẽ za'ra mono zéb zarina 're ihâimana za'ra mono hã, taha zarina si te za tô te te 're rosa'rata za'ra. Tanei õ di, 'Re ihâimana u'âsi mono Pẽ'ẽzani nhimiwada'uri zarina 're ihâimana za'ra mono hã. Ta norĩ hã 'Re ihâimana u'âsi mono Pẽ'ẽzani nhimiwada'uri zarina si te za tô te te 're rosa'rata za'ra. 6Ni'wam norĩ hã ti'ai ãma dawasété na 'râwi da te dasima 're iwẽ za'ra mono zéb zarina te te 're irosa'rata za'ra mono hã ta norĩ hã te za 're dâ'â za'ra, ipẽ'ẽ 'remhã. Tazahã, 'Re ihâimana u'âsi mono Pẽ'ẽzani nhimiwada'uri zarina te te 're irosa'rata za'ra mono norĩ hã te za ihâimanazé isi'utõrĩ'õ hã tãma 're hâimana za'ra, duré datoi u'âsi zéb zama. 7Tahawa, ni'wam norĩ hã ti'ai ãma dawasété na 'râwi da te dasima 're iwẽ za'ra mono zéb zarina te te 're irosa'rata za'ra mono hã te 'Re ihâimana u'âsi mono nhitob'ru na 're hâimana za'ra, 'Re ihâimana u'âsi mono nhimiroti zahi hã te te 're 'madâ'â za'ra mono õ wa, tô te te 're i'madâ'â pese za'ra mono da hã, waihu'u õ wa. 8Ni'wam norĩ hã ti'ai ãma dawasété na 'râwi da te dasima 're iwẽ za'ra mono zéb zarina si 're ihâimana za'ra mono hã, 'Re ihâimana u'âsi mono ma, te te sina tãma 're rowẽ waihu'u za'ra mono õ di, ta norĩ hã.
9Tane nherẽ, a norĩ wa'wa hã ti'ai ãma dawasété na 'râwi da te dasima 're iwẽ za'ra mono zéb zarina 're aihâimana za'ra wa'aba mono õ di. Tazahã, 'Re ihâimana u'âsi mono Pẽ'ẽzani te te sima 're iwẽ mono zarina si, te 're aihâimana za'ra wa'aba mo, tô 'Re ihâimana u'âsi mono Pẽ'ẽzani hã aiwa 're hâimana za'ra wa'aba mono wa. Ni'wai ma, Cristuhu Pẽ'ẽzani hã 're hâimana mono õ wamhã, Cristuhu te na 're hâimana mono õ di. 10Aihâiba za'ra wa'wa hã aiwasété za'ra wa'aba u'âbâ, aiwi si'utõrĩ za'ra wa'aba da nherẽ, Cristu hã aiwa 're hâimana za'ra wa'aba mono wamhã, te za 'Re ihâimana u'âsi mono Pẽ'ẽzani hã aihâiba ré aihâimana u'âsi zé te te aima 're sõmri za'ra wa'wa. 'Re ihâimana u'âsi mono hã, i'uwaibaba na 're i'aihâimana za'ra wa'aba mono na te te oto 're ai'madâ'â za'ra wa'aba mono wa, te za ãne hã 're romhâimana. 11Zezusi te te ihâiwa'utu Pẽ'ẽzani, aiwa 're hâimana za'ra wa'aba mono wamhã, tawamhã Zezu Cristu te te ihâiwa'udu hã te za aihâiba ré aihâimana u'âsi zé aihâiba idâ'â pese ma hã te te aima 're anhomri 'wa, Ipẽ'ẽzani hã aiwa 're ihâimana za'ra wa'aba mono u'âbâ.
12Tahawa, ĩsisãnawã norĩ, wama i'ru zahi za'ra hã te tihâiba, ti'ai ãma dawasété na 'râwi da te dasima 're iwẽ za'ra mono zéb zarina 're wahâimana za'ra mono tõ da. 13E marĩ wa. Ti'ai ãma dawasété na 'râwi da te dasima 're iwẽ za'ra mono zéb zarina 're aihâimana za'ra wa'aba mono wamhã, te za aipẽ'ẽ 're, atâ'â za'ra wa'wa. Tazahã, 'Re ihâimana u'âsi mono Pẽ'ẽzani nhimipawaptob zarina, marĩ iwasédé 're i'manharĩ za'ra wa'aba mono zé 're uprosi za'ra wa'aba mono wamhã, te za aipẽ'ẽ 're, aihâiba ré 're aihâimana u'âsi za'ra wa'aba mo. 14Sena uptabi 'Re ihâimana u'âsi mono 'ra na 're ihâimana za'ra mono hã, ta norĩ hã Ipẽ'ẽzani nhimiwada'uri zarina 're inomro mono norĩ. 15'Re ihâimana u'âsi mono, Tipẽ'ẽzani te te aima isõmri za'ra wa'wa hã te te 're ai'manharĩ za'ra wa'aba mono õ di, titede'wai ma wada'uri zarina romhuri'wa ne 're aihâimana za'ra wa'aba mono da, duré aipahi na 're aihâimana za'ra wa'aba mono da. Tazahã, 'Re ihâimana u'âsi mono 'ra na 're anomro aba mono da si, te Ipẽ'ẽzani hã te te 're ai'manharĩ za'ra wa'wa. Tahawa, ã hã Ipẽ'ẽzani nhimipawaptob zarina, te 're inharĩ za'ra wa'aba mo, ãne: “Ĩmama, Ĩmama.” 16Ã hã Ipẽ'ẽzani hã te 're sito, wapẽ'ẽzani za'ra me, wa norĩ hã 'Re ihâimana u'âsi mono 'ra na 're iwanomro mono na, wa te 're waihu'u pese za'ra mono da. 17Wa norĩ hã i'ra na, wa 're nomro. Tahawa, wa za waibu ni za, iwẽ hã tinhib'a'uwẽ norĩ za, te te 're i'aza'ra mono hã. Cristuhu siré, wa za duré waibu ni za, 'Re ihâimana u'âsi mono te te sa ihiri hã. E marĩ wa. Te te irobzépatazém ne, wa te 're robzépata za'ra mono wamhã, wa za duré ite rowẽ za'ẽne hã wa te 're waibu isiré.
'Re ihâimana u'âsi mono tizazei'wa norĩ ma, rowẽ za te te 're i'apisutu mono zé
18Wa te te ãma 're rosa'rata, wapara na ti'ab ré 're wanomro mono ré, wa te 're irobzépata za'ra mono zém na hã, ãma i'madâ'â da hã aiwab õ uptabi di, rowẽ uptabi 'Re ihâimana u'âsi mono za te te wama ihâi'ré za'ra zém na hã. 19Uburé 'Re ihâimana u'âsi mono nhimipodo 're ihâimana za'ra mono hã te to sina sô 're simipari za'ra, 'Re ihâimana u'âsi mono i'ra uptabi na tãma 're ihâimana za'ra mono sõ'awi za te te ihâi'ré za'ra zéb zô hã. 20Uburé 'Re ihâimana u'âsi mono te te i'aropoto mono hã, marĩ dai ãna ma tô oto 're hâimana za'ra, mare di, te te sima 're iwẽ za'ra mono zarina hã. Tazahã, 'Re ihâimana u'âsi mono ma iwẽ zarina te ãne hã 're romhâimana. Tane nherẽ, te zahadu 're hâimana, ã hã rob'umnha hã: 21Nimahã na hã, uburé 'Re ihâimana u'âsi mono te te i'aropoto mono hã, te za sima iwẽ na 're hâimana za'ra za, 're isiwamnarĩ za'ra mono zé wi hã. Tawamhã rowẽ za'ẽtẽ ãma te za oto sima iwẽ na 're hâimana za'ra, 'Re ihâimana u'âsi mono 'ra norĩ siré. 22Wama waihu'u pese za'ra di, ãwa bâtâ u hã uburé 'Re ihâimana u'âsi mono nhimipoto norĩ hã 're iwazidi u'âsi za'ra mono na hã duré te te 're irobzépata u'âsi za'ra mono na hã, pi'õi ãma iwasã hã isépu'u ne. 23Tane nherẽ, uburé 'Re ihâimana u'âsi mono nhimipoto si õ di. Tazahã, duré wa norĩ zama, Ipẽ'ẽzani wazawizém na imorĩ'rata na 'Re ihâimana u'âsi mono hawi, wa te iwaibu hã wa 're wawazidi za'ra wasi'remhã, wanhimipari za'ra ré hã, 'Re ihâimana u'âsi mono, i'ra na tãma 're wahâimana za'ra mono da, te te iwa'manharĩ za'ra zô, duré wawasété hawi te te iwazani pese za'ra zéb zô zama. 24E marĩ wa. Rob'umnhasi sina 're iwahâimana za'ra mono zarina 'Re ihâimana u'âsi mono hã te te wa'anho'reptui wa. Tane nherẽ, sô 're iwanhimipari za'ra mono hã wa te oto 'madâ'â za'ra wamhã, ãne wamhã, ã hã rob'umnhasi sina 're iwanhimipari za'ra mono zéb õ di oto. E 'wa hã 're simipari mono da bâ, marĩ titõmo na te te 'madâ'â parim nherẽ. 25Tane nherẽ, zahadu, marĩ watõmo na wa te i'madâ'â waihu'u za'ra õ zô, wanhimipari za'ra wamhã, ãne wamhã, wanhimi'ẽ na wa za a'â tô mapari za'ra ni za.
26Tane duré 'Re ihâimana u'âsi mono Pẽ'ẽzani hã te we 're ne, wanhib'uwa wa, te te 're wa'anhiptete mono da hã. E marĩ wa. Wama waihu'u za'ra õ wa, niha wa te 're irowaptẽrẽ za'ra mono zéb da hã. Tahawa, 'Re ihâimana u'âsi mono Pẽ'ẽzani hã, wazidi sina te te wa'ãma 're arowaptẽrẽ, damreme na ãma irowasu'u waihu'u õ na, 'Re ihâimana u'âsi mono wi. 27Duré 'Re ihâimana u'âsi mono hã, dapẽ'ẽ 're, 're ihâimana za'ra mono, tãma iwaihu'u pese uptabi hã, ta hã te te duré waihu'u pese di, niha na Ipẽ'ẽzani nhimirosa'rada hã. E marĩ wa. Ipẽ'ẽzani hã Isib'a'uwẽ norĩ ãma te te tiwi 're rowaptẽrẽ mono wa, te te sima 're iwẽ mono zéb zarina. 28Wama waihu'u pese za'ra di, uburé 're iromhâimana mono na, 'Re ihâimana u'âsi mono te te ãma 're iromhuri wẽ mono na hã, 'Re ihâimana u'âsi mono te te siwi 're isawi pese za'ra mono norĩ ma, rowẽ na 're hâimana za'ra mono da, te te sima 're irowa'õtõ mono zéb zarina, sima sô ihârâ za'ra norĩ hã. 29Ta norĩ hã 'Re ihâimana u'âsi mono, te te aropoto õ ré hã ma tô awaihu'u siro. Ma tô duré sima waihu'u siro, I'ra ne oto tãma 're hâimana za'ra mono da. I'ra hã, tisisãnawã norĩ ahâ uptabi na 're ihâimana za'ra mono norĩ ma ipoto'rata na 're hâimana mono da, ma tô ãne hã 'manha, 'Re ihâimana u'âsi mono hã. 30Ãne ma tô 'Re ihâimana u'âsi mono hã sô tihârâ za'ra, aimawi te te sima ipisutu za'ra norĩ zô. Taré sô hârâ za'ra õ di. I'uwaibaba na 're ihâimana za'ra mono na te te oto 're 'madâ za'ra duré. Taha si õ di. Tite rowẽ za'ẽne hã ma tô duré tãma apo'o za'ra.
'Re ihâimana u'âsi mono te te 're ida'azawi pese mono zé, Cristuhu u'âbâ
31Ãne wamhã, e niha wa za oto ãma nharĩ za'ra ni. 'Re ihâimana u'âsi mono hã waniwĩ 're hâimana mono wamhã, e 'wa hã te te wa'ãma 're ai'uté za'ra mono da bâ. 32'Re ihâimana u'âsi mono hã, Ti'ra te te hâiba zawi õ di, dazada dâ'â tõ da hã. Uburé ma tô wazada hâiba nhomri za'ra. Tawamhã ti'ra te te wama sõmri za'ra wamhã, ãne wamhã, e uburé marĩ hã wa'âbâ ãna te te duré wama 're anhomri mono õ di za bété. 33E 'wa hã te za bété iwasédé ãma sa'ra za'ra, 'Re ihâimana u'âsi mono te te sima 're i'apisutu mono norĩ ãma hã. Ni'wa sada hâimana õ di. E marĩ wa. Tô 'Re ihâimana u'âsi mono si te te oto 're a'madâ'â mono wa, i'uwaibaba na 're ihâimana za'ra mono na hã. 34E ni'wa hã, iwasédé te te ãma sa'ra waihu'u pese bâ, 'Re ihâimana u'âsi mono nhimihâzé te te tãma ipisutu za'ra da hã. Cristu Zezusi hã ma tô dârâ. Tazahã idâ'â si õ di. Ma tô duré hâiwa'udu. Ta hã te oto 'Re ihâimana u'âsi mono nhimire niwĩ 're sãmra. Ta hã te te wa'ãma 're arowaptẽrẽ, 'Re ihâimana u'âsi mono wi. 35Ãne wamhã, e 'wa hã Cristu te te 're iwa'azawi pese mono zém nhiti te te 're wa'azani mono da, sada hâimana waihu'u pese bâ. E robzépada hã te za isimizawizém nhiti te te 're wazani za'ra, e duré ropire hã, e duré wama rob'manharĩ wasétézé, e duré mrab zépada, e duré danhibrob'õ, e duré marĩ isimimnha, e niwamhã dadâ'â zama. 36Ibaihâ Iwazé pese na rob'ui'éré, te tinha, ãne na hã:
“Ai'u'âbâ, wa bâtâ bâre wadâ'âzé isimimnhasi na hã 're wahâimana za'ra.
Te da te wama 're rob'manharĩ wasété za'ra, pone'ẽrebâ ipãrĩzéb u da te 're isimroi mono ne.”
37Ropire wama 're ihâimana za'ra mono bâ, wa 're wawairébé, marĩ na ai'uté'wa na, te te 're iwa'azawi pese mono nhimizawizéb zarina. 38E marĩ wa. Ĩsiwawãi õ wa, marĩ za te te iwaza'réi waihu'u za'ra õ na hã, 'Re ihâimana u'âsi mono te te 're iwa'azawi pese mono zém nhiti. Mare di, dadâ hã, duré dahâiba ré dahâimanazé hã, duré hâiwa hawi romhuri'wa norĩ hã, duré wa'uburé norĩ hã, duré ã bâtâ na awa'awi, duré romhutu'õ za 're iromhâimana mono zéb zama, 39duré mare di, hâimo uptabi 're iromhâimana mono hã, duré pi'reba uptabi 're iromhâimana mono hã. Uburé marĩ ropoto mono bâ 're ihâimana za'ra mono hã 'maihâimana õ di, 'Re ihâimana u'âsi mono te te 're iwa'azawi pese mono zém nhiti te te 're iwaza'ré za'ra mono da hã, Wanhib'apito Cristu Zezusihi u'âbâ wama 're ihâimana za'ra mono hã.
Iliyochaguliwa sasa
Roma 8: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
