Mistari Maarufu ya Biblia kutoka Roma 8

Shirikisha

Wama waihu'u pese za'ra di, uburé 're iromhâimana mono na, 'Re ihâimana u'âsi mono te te ãma 're iromhuri wẽ mono na hã, 'Re ihâimana u'âsi mono te te siwi 're isawi pese za'ra mono norĩ ma, rowẽ na 're hâimana za'ra mono da, te te sima 're irowa'õtõ mono zéb zarina, sima sô ihârâ za'ra norĩ hã.

E marĩ wa. Ĩsiwawãi õ wa, marĩ za te te iwaza'réi waihu'u za'ra õ na hã, 'Re ihâimana u'âsi mono te te 're iwa'azawi pese mono zém nhiti. Mare di, dadâ hã, duré dahâiba ré dahâimanazé hã, duré hâiwa hawi romhuri'wa norĩ hã, duré wa'uburé norĩ hã, duré ã bâtâ na awa'awi, duré romhutu'õ za 're iromhâimana mono zéb zama, duré mare di, hâimo uptabi 're iromhâimana mono hã, duré pi'reba uptabi 're iromhâimana mono hã. Uburé marĩ ropoto mono bâ 're ihâimana za'ra mono hã 'maihâimana õ di, 'Re ihâimana u'âsi mono te te 're iwa'azawi pese mono zém nhiti te te 're iwaza'ré za'ra mono da hã, Wanhib'apito Cristu Zezusihi u'âbâ wama 're ihâimana za'ra mono hã.

Tane duré 'Re ihâimana u'âsi mono Pẽ'ẽzani hã te we 're ne, wanhib'uwa wa, te te 're wa'anhiptete mono da hã. E marĩ wa. Wama waihu'u za'ra õ wa, niha wa te 're irowaptẽrẽ za'ra mono zéb da hã. Tahawa, 'Re ihâimana u'âsi mono Pẽ'ẽzani hã, wazidi sina te te wa'ãma 're arowaptẽrẽ, damreme na ãma irowasu'u waihu'u õ na, 'Re ihâimana u'âsi mono wi.

Ãne wamhã, e niha wa za oto ãma nharĩ za'ra ni. 'Re ihâimana u'âsi mono hã waniwĩ 're hâimana mono wamhã, e 'wa hã te te wa'ãma 're ai'uté za'ra mono da bâ.

Ãhã na hã 're hâimana mono õ di oto, 'Re ihâimana u'âsi mono, Cristu Zezusihi ãma 're inomro mono norĩ ma, tinhimihâzé te te tãma 're i'apisutu mono da hã.

Ni'wam norĩ hã ti'ai ãma dawasété na 'râwi da te dasima 're iwẽ za'ra mono zéb zarina te te 're irosa'rata za'ra mono hã ta norĩ hã te za 're dâ'â za'ra, ipẽ'ẽ 'remhã. Tazahã, 'Re ihâimana u'âsi mono Pẽ'ẽzani nhimiwada'uri zarina te te 're irosa'rata za'ra mono norĩ hã te za ihâimanazé isi'utõrĩ'õ hã tãma 're hâimana za'ra, duré datoi u'âsi zéb zama.

Ropire wama 're ihâimana za'ra mono bâ, wa 're wawairébé, marĩ na ai'uté'wa na, te te 're iwa'azawi pese mono nhimizawizéb zarina.

Wa te te ãma 're rosa'rata, wapara na ti'ab ré 're wanomro mono ré, wa te 're irobzépata za'ra mono zém na hã, ãma i'madâ'â da hã aiwab õ uptabi di, rowẽ uptabi 'Re ihâimana u'âsi mono za te te wama ihâi'ré za'ra zém na hã.

Ãne wamhã, e 'wa hã Cristu te te 're iwa'azawi pese mono zém nhiti te te 're wa'azani mono da, sada hâimana waihu'u pese bâ. E robzépada hã te za isimizawizém nhiti te te 're wazani za'ra, e duré ropire hã, e duré wama rob'manharĩ wasétézé, e duré mrab zépada, e duré danhibrob'õ, e duré marĩ isimimnha, e niwamhã dadâ'â zama.

Duré 'Re ihâimana u'âsi mono hã, dapẽ'ẽ 're, 're ihâimana za'ra mono, tãma iwaihu'u pese uptabi hã, ta hã te te duré waihu'u pese di, niha na Ipẽ'ẽzani nhimirosa'rada hã. E marĩ wa. Ipẽ'ẽzani hã Isib'a'uwẽ norĩ ãma te te tiwi 're rowaptẽrẽ mono wa, te te sima 're iwẽ mono zéb zarina.

Sena uptabi 'Re ihâimana u'âsi mono 'ra na 're ihâimana za'ra mono hã, ta norĩ hã Ipẽ'ẽzani nhimiwada'uri zarina 're inomro mono norĩ.

Ni'wam norĩ hã ti'ai ãma dawasété na 'râwi da te dasima 're iwẽ za'ra mono zéb zarina 're ihâimana za'ra mono hã, taha zarina si te za tô te te 're rosa'rata za'ra. Tanei õ di, 'Re ihâimana u'âsi mono Pẽ'ẽzani nhimiwada'uri zarina 're ihâimana za'ra mono hã. Ta norĩ hã 'Re ihâimana u'âsi mono Pẽ'ẽzani nhimiwada'uri zarina si te za tô te te 're rosa'rata za'ra.

'Re ihâimana u'âsi mono hã, Ti'ra te te hâiba zawi õ di, dazada dâ'â tõ da hã. Uburé ma tô wazada hâiba nhomri za'ra. Tawamhã ti'ra te te wama sõmri za'ra wamhã, ãne wamhã, e uburé marĩ hã wa'âbâ ãna te te duré wama 're anhomri mono õ di za bété.

à hã Ipẽ'ẽzani hã te 're sito, wapẽ'ẽzani za'ra me, wa norĩ hã 'Re ihâimana u'âsi mono 'ra na 're iwanomro mono na, wa te 're waihu'u pese za'ra mono da. Wa norĩ hã i'ra na, wa 're nomro. Tahawa, wa za waibu ni za, iwẽ hã tinhib'a'uwẽ norĩ za, te te 're i'aza'ra mono hã. Cristuhu siré, wa za duré waibu ni za, 'Re ihâimana u'âsi mono te te sa ihiri hã. E marĩ wa. Te te irobzépatazém ne, wa te 're robzépata za'ra mono wamhã, wa za duré ite rowẽ za'ẽne hã wa te 're waibu isiré.

Tahawa, ni'wam norĩ hã ti'ai ãma dawasété na 'râwi da te dasima 're iwẽ za'ra mono zéb zarina te te 're irosa'rata za'ra mono hã te 'Re ihâimana u'âsi mono nhitob'ru na 're hâimana za'ra, 'Re ihâimana u'âsi mono nhimiroti zahi hã te te 're 'madâ'â za'ra mono õ wa, tô te te 're i'madâ'â pese za'ra mono da hã, waihu'u õ wa.

Uburé 'Re ihâimana u'âsi mono nhimipodo 're ihâimana za'ra mono hã te to sina sô 're simipari za'ra, 'Re ihâimana u'âsi mono i'ra uptabi na tãma 're ihâimana za'ra mono sõ'awi za te te ihâi'ré za'ra zéb zô hã.

Wama waihu'u pese za'ra di, ãwa bâtâ u hã uburé 'Re ihâimana u'âsi mono nhimipoto norĩ hã 're iwazidi u'âsi za'ra mono na hã duré te te 're irobzépata u'âsi za'ra mono na hã, pi'õi ãma iwasã hã isépu'u ne.